I Tesa 2:4 - Naaŋmen Nɔpaalaa Gane

⁴ kyɛ aŋa lɛ a Naaŋmen naŋ da nyɛ ka te seŋ ne a ka O de a O yelnoore duoro eŋ te nuuriŋ, a lɛ meŋ la ka te moɔlɔ a yelnoore. Te ba moɔlɔ a yelnoore ka te pɛllɛ nensaalba poore, kyɛ te moɔlɔ a la ka te pɛllɛ Naaŋmen poɔ. Ona la maŋ tegre a te sukyie nyɛ.

I Tesa 2:4 ပူးပေါင်းရင်းမြစ်များ

Luka 12:42

Ka a Daana yeli sɔge, “Aŋ pãã la a tontonɔ na naŋ waa meŋɛ kyɛ baŋ yɛŋ, ka a o daana na e ka o kaara o yiri zu, a na maŋ korɔ o yideme bondirii a terebo saŋ?

Luka 16:11

Ka fõõ pãã ba taa yelmennoŋ a libi-finni eŋɛ, aŋ na sage de a yelmennoŋ bondaaboma eŋ fo nuuriŋ?

Gyɔɔn 21:17

A Yeezu da la soore o la a gbɛre bota soba, “Saamon, Gyɔɔn bidɔɔ, fo nɔŋ ma laa?” A Piita da taa la posaanaa ne a Yeezu naŋ da soore o a gbɛre bota soba, “Fo nɔŋ ma laa?” Ka o da yeli ko O, “Daana, fo baŋ la bonzaa. Fo baŋ ka N nɔŋ fo la.” Ka a Yeezu da yeli ko o, “Guolo a N peere.”

Urom 8:27

Kyɛ Naaŋmen naŋ maŋ nyɛrɛ nensaalba sukyie poɔ, baŋ la a Vooroŋ Soŋ poteɛrɛ, bonso, a Vooroŋ Soŋ maŋ puoro korɔ la a nensonne a seŋ a Naaŋmen poboɔbo.

1 Kor 7:25

A Daana ba ko ma noɔre zaa a kyaare ne a bitorri, kyɛ N yele la n poteɛroŋ aŋa neɛ a Daana nembaalonzoe naŋ e ka N seŋ ne dɛloo.

1 Kor 9:17

Bonso, ka maa da erɛ a ŋaa n meŋɛ poboɔbo eŋɛ, N na nyɛ la san-yɔɔ; kyɛ ka maa meŋɛ poboɔbo naane, lɛ eŋ, feroo toma la ka ba de ko ma.

Korinti 2:17

Bonso, te ba de a Naaŋmen yelbiri moɔloo ka o waa yɛroŋ aŋa noba yaga naŋ erɛ lɛ, kyɛ Naaŋmen la toŋ te ka te are O niŋesogɔŋ a Kirista poɔŋ, a yele yɛlɛ ne yelmennoŋ.

Korinti 4:2

Te zagre la a vi yɛlɛ na neɛ naŋ maŋ sɔgle. Te koŋ sage de nyaayɛlɛ bɛllɛ ne neɛzaa bee a ŋmaara zirii ne a Naaŋmen yelbiri, kyɛ te yele la a yɛlɛ weliweli ka a yelmeŋɛ na sãã kyɛ boɔrɔ ka neɛzaa nyɛ ka te waa la nemmenne a Naaŋmen niŋesogɔ.

Korinti 5:11

Te naŋ baŋ a Daana dabeɛ̃ zoobu zuiŋ, te moɔrɔ la ka te e ka noba sage de. Naaŋmen baŋ te la velaa zaa, kyɛ N teɛre ka yɛ meŋ baŋ te la ne yɛ poore zaa.

Korinti 5:16

Azuiŋ, a yi ŋaa kyɛ gɛrɛ, te koŋ la kaa neɛzaa nensaaloŋ poɔ. Aneazaa ka te da baŋ la a Kirista nensaaloŋ poɔ, te ba la baŋ O a lɛ ne o zu.

Galesiya 1:10

Pampana, N mɔɔ boɔrɔ la ka nensaalba de n yɛlɛ bee ka Naaŋmen de n yɛlɛ? Bee N mɔɔ moɔrɔ la ka N pɛle nensaalba poɔ? Ka maa da naŋ kyɛnɛ pɛllɛ nensaalba poɔ, ka lɛ N da koŋ baŋ e a Kirista tontonɔ.

Galesiya 2:7

Kyɛ ba naŋ da wa nyɛ ka ba de la a Ŋmen-yelnoore eŋ n nuuriŋ ka N te ko a banaŋ ba naŋ da ba iri ba dɛgre aŋa lɛ ba naŋ da de a Ŋmen-yelnoore eŋ Piita nuuriŋ ka o te ko a banaŋ ba naŋ iri ba dɛgre,

EFESU 3:8

Aneazaa ka N waa la a bile soba a nensonne zaa poɔ, ba ko ma la a garaaseɛ ŋa ka N taa a Kirista bondaanoŋ naŋ ba taa mannoo duoro wa ko a Nemboore-yobo,

EFESU 6:6

Ka a ta e ŋa saŋ na ba naŋ kaara yɛ yoŋ, bee yɛ naŋ boɔrɔ ka yɛ pɛllɛ ba poɔ zuiŋ, kyɛ yɛ erɛ a lɛ yɛ naŋ waa a Kirista gbaŋgbaare naŋ tonɔ a Naaŋmen poboɔbo ne yɛ sukyie zaa.

KOLO 3:22

Gbaŋgbaare, yɛ sagra a banaŋ naŋ so yɛ nɔɛ yelzaa poɔ, ka a ta waa ka saŋ ba naŋ kaara yɛ yoŋ, ka yɛ e ka ba poore pɛle kyɛ yɛ sagra ba nɔɛ ne yɛ poore zaa yɛ naŋ zoro a Daana zuiŋ.

1 Tim 6:20

Timoti, gu a boma ba naŋ de ko fo taa velaa. Bare yelfoglo yeluu ane nɔkpeɛn-weere ba naŋ ŋmaara zirii boɔlɔ ka yelbammo.

2 Tim 1:14

Gu a bonsoŋ na ba naŋ da de ko fo taa ne a Vooroŋ Soŋ sommo naŋ be te poɔ.

2 Tim 2:2

kyɛ bonna fo naŋ da woŋ yi n zie a yi a dansediribe yaga poɔ, manne ko a yelmeŋɛ deme na naŋ na toɔ̃ wuli a ba taaba meŋ.

TITU 1:3

A saŋ naŋ da wa ta, Naaŋmen da iri la O yelbiri wuli, a yelbiri ŋa la ka a Naaŋmen a te Faara da de eŋ n nuuriŋ ka N moɔlɔ.

Hiburu 4:13

A O niŋesogɔ, bon-iraa zaa kyebe a sɔgle, kyɛ a zaa e la kperaa lɛ a soba na te naŋ na manne a te yel-erre zaa tere niŋesogɔ.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

Yel-iriwulaa Gane 2:23

N na ŋmɛ la a o biiri ko, ka a puoruu laŋne yie zaa baŋ ka maa la a soba na naŋ maŋ gyɛle nensaalba poteɛrɛ ane ba sukyie. Kyɛ N na ko la yɛ kanzaa bonna a o toma naŋ seŋ ne.