I Tesa 2:1 - Naaŋmen Nɔpaalaa Gane

¹ N yɔɔmine ane n yɔɔpuuli, yɛmenne baŋɛɛ la ka te naŋ da wa a yɛ zie, a da ba e weɛlɛ,

I Tesa 2:1 ပူးပေါင်းရင်းမြစ်များ

1 Kor 15:10

Kyɛ a Naaŋmen garaaseɛ zuiŋ la ka N waa a lɛ N naŋ waa, ka a O garaaseɛ naŋ be n zie ba e weɛlɛ. Kyɛ N toŋ gaŋ la ba zaa, aneazaa ka maa meŋɛ naane da tonɔ, kyɛ a Naaŋmen garaaseɛ naŋ be n zie la da tonɔ.

1 Kor 15:2

Ka yɛnee nyɔge kpeɛŋaa a yɛlɛ N naŋ moɔle ko yɛ, yɛ na nyɛ la faabo, ka lɛ naane, a yɛ sagedeebo na e la weɛlɛ.

1 Kor 15:58

Azuiŋ, n poyɛŋ noba, yɛ are kpeɛŋaa, a ta wa leɛrɛ puori. Yɛ tonɔ a Daana toma tegitegilɛ a gɛrɛ nimitɔɔre kyɛ baŋ ka a yɛ toma koŋ waa weɛlɛ a Daana eŋɛ.

Korinti 6:1

Te naŋ laŋ tonɔ ne a Naaŋmen zuiŋ, te sɔrɔ la yɛ meŋ ka yɛ ta de a O garaaseɛ ka o e weɛlɛ.

Galesiya 2:2

N da do gaa la a be N naŋ da nyɛ yel-iriwulaa kaŋ zuiŋ. N pãã da gaa te manne ko ba la (aneazaa ka N ne a noba na ba naŋ da de ka ba waa wederebɛ yoŋ la da taa a lamboore ŋa) a Ŋmen-yelnoore na N naŋ da moɔlɔ a Nemboore-yobo poɔ, ka ka N nyɛ ka N da tonɔ la a toma a bogriŋ bee ka N da toŋ bare la weɛlɛ.

Galesiya 4:11

N zoro la dabeɛ̃ ka a toma N naŋ toŋ ko yɛ na pɔɔ wa e la weɛlɛ.

Filipai Deme Gane 2:16

A lɛ yɛ naŋ kpimare a nyɔvore yelbiri la na e ka N ŋmeɛrɛ nyaa a Kirista waabo bebiri ka a n zoobu ba e weɛlɛ bee ka a n toma e weɛlɛ.

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

I Tesa 3:5

A ŋaa zuiŋ, N naŋ da koŋ la baŋ di kannyiri, N da toŋɛɛ la ka ba wa peɛre yɛlɛ kyaare ne a yɛ yeldeebo; N da zoro la dabeɛ̃ ka kaapɔge a sebɛlbɛllɛ bɛlle yɛ la ka a toma te naŋ toŋ waa weɛlɛ.

II Tesa 1:10

saŋ na O naŋ na wa ka a O nensonne ko O puubu kyɛ e nɔmaa yɛlɛ a bebiri na daare a yelderebɛ zaa sogɔ, yɛ naŋ da sage de a te danseɛ diibu zuiŋ.

II Tesa 3:1

A baaraa zaa, te yɔɔmine ane te yɔɔpuuli, yɛ puoro korɔ te, ka ka a Daana yelbiri yaara wieouŋ wieouŋ kyɛ nyɛ puubu ziiri zaa aŋa lɛ a naŋ da waa yɛ zie,