I Tesa 1:9 - Naaŋmen Nɔpaalaa Gane

⁹ Bonso, a tenne na noba yeli la te yɛlɛ kyaare ne lɛ yɛ naŋ da tuori de te a yɛ poɔ ane lɛ yɛ naŋ da bare a yɛ tebɛ kyɛ leɛ wa a Naaŋmen zie, a na tonɔ korɔ a Naaŋmen naŋ waa vore kyɛ e meŋɛ,

I Tesa 1:9 ပူးပေါင်းရင်းမြစ်များ

Matio Gane 16:16

Ka Saamon Piita yeli sɔge, “Fõõ la a Mɛzaaya, a Naaŋmen-vore Bidɔɔ.”

Toma 14:15

“N bamine, bonso ka yɛ erɛ a ŋaa? Te meŋ waa la nensaalba aŋa yɛ naŋ waa lɛ, kyɛ te taa la a yelnoore wa ne ka te wa ko yɛ ka yɛ na bare a bonweere ama kyɛ wa a Naaŋmen naŋ voorɔ zie, a Onaŋ naŋ iri a saluoni ane a teŋɛ ane a mane ane a boma zaa naŋ be a poɔ.

Urom 9:26

“Kyɛ a zie na ne o zu ba naŋ da yeli ko ba, ‘Yɛ ba waa N noba,’ be la ka ba na boɔlɔ ba a Naaŋmen-vore biiri.”

1 Kor 12:2

Yɛ baŋ ka yɛ naŋ da waa noba naŋ da ba puoro Naaŋmen, ba da bɛlle yɛ la ka yɛ bɔre gaa tebɛ naŋ kontoɔ̃ yeli yɛlɛ zie.

I Tesa 2:1

N yɔɔmine ane n yɔɔpuuli, yɛmenne baŋɛɛ la ka te naŋ da wa a yɛ zie, a da ba e weɛlɛ,

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

1 Tim 4:10

Bonso, a wa tɔ ŋaa, te kyeenɛ la wale a wono tuo, te naŋ de te teɛretɔroo eŋ a Naaŋmen-vore eŋɛ zuiŋ. Ona la a noba zaa Faara, a gaŋ a zaa, a banaŋ naŋ sage de O yɛlɛ.

Hiburu 12:22

Kyɛ yɛ wa la a Zaayɔn Taŋ ane a Naaŋmen-vore teŋkpoŋ, a tenvelaa Gyɛruzɛlɛm, a wa malekere ba naŋ koŋ baŋ sɔre naŋ lantaa ne popeɛloŋ zie.

1 Gyn 5:21

N bibiiri, yɛ gu yɛmenne yi tebɛ enne.

Yel-iriwulaa Gane 17:2

Ona la ka a teŋɛzu namine ne o da toŋ peɛ̃mo toma, ka a noba naŋ be a teŋɛzu kuoli ne a o peɛ̃mo toma dãã.”