II Tesa 3:2 - Naaŋmen Nɔpaalaa Gane

² kyɛ ka ba faa te yi potuodeme ane yelfa-erebɛ nuuri poɔ, bonso, a noba zaa naane taa yeldeebo.

II Tesa 3:2 ပူးပေါင်းရင်းမြစ်များ

Matio Gane 17:17

Ka a Yeezu leɛ yeli, “Yɛnee noba naŋ ba taa yeldeebo, ane noba naŋ tuli a ba derɛ Naaŋmen yɛlɛ. N na be la yɛ zie kɔɔre seŋ wola? N na di la kannyiri ne yɛ te ta boŋ saŋ? Yɛ taa a bie wa ko ma.”

Matio Gane 23:23

“Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Yɛ maŋ iri la yɛ ziiri pie ŋmen kyɔɔtaare, nyɛremaanyuu, zama ane badoge, kyɛ bare a begɛ na naŋ e nimizeɛ yaga: bo-soŋ, nyonono ane yeldeebo. A yɛlɛ ama la ka a da seŋ ka yɛ nyɔge kpeɛŋaa, kyɛ ta bare a anaŋ meŋ.

Luka 18:8

Maa yeli ko yɛ, O na bo la bo-soŋ ko ba wieouŋ zaa. Aneazaa, ka a Nensaala Bie wa leɛ wa, O na nyɛ la yeldeebo deme a teŋɛzu kyɛ?”

Toma 13:45

Kyɛ a Gyuumine naŋ da wa nyɛ a noba ka ba waa yaga lɛ, ba da erɛ la nyuuri; a toorɔ Naaŋmen zoma, a kyɛ da ŋmeɛrɛ nɔkpeɛne ne a Pɔɔl.

Toma 13:50

Kyɛ a Gyuumine da tɔ la a teŋɛ pɔgeyoe naŋ da puoro Naaŋmen ne nimizeɛ ane a teŋɛ nenzuri eŋ ka ba dɔgre a Pɔɔl ane Banabase, kyɛ da digi ba ka ba yi a ba paaloŋ poɔ.

Toma 14:2

Kyɛ a Gyuumine banaŋ naŋ da ba sage de a Yeezu yɛlɛ da tɔ la a Nemboore-yobo eŋ, a sãã ba teɛroŋ ka ba zɔɔrɔ ne a yɔɔmine.

Toma 17:5

Kyɛ a Gyuumine da erɛ la nyuuri, ka zɔɔŋmareba mine naŋ da be a daa poɔ da wa poɔ ba poɔ a soŋ ba ka ba da dɔ̃ɔ̃ a teŋɛ. Ba naŋ da yɔ boɔrɔ a Pɔɔl ane Selase ka ba nyɔge wa ne a noba zie zuiŋ, ba da te ŋmaagyili la Gyason yiri.

Toma 25:27

Bonso, n zie, N nyɛɛ la ka a ba taa tɛgɛ ka N tere nempɔgraa ka ba gaa ne kyɛ ba sɛge a o yelsaanaa tere.”

Toma 28:24

Ba mine da sage de la a yɛlɛ o naŋ da yeli kyɛ ka ba mine da ba sage de.

Urom 10:16

Kyɛ ba zaa naane da sage de a Ŋmen-yelnoore; bonso, Azaaya yelee la, “Daana, nembuo la da sage de a te duoro?”

Urom 15:31

ka O na faa ma yi a banaŋ naŋ ba sage de a Yeezu yɛlɛ a be a Gyudiya paaloŋ poɔ, kyɛ e ka n toma e bon a Gyɛruzɛlɛm nensonne naŋ na sage de.

1 Kor 15:32

Ka anaŋ da waa ka nensaaloŋ teɛretɔroo yoŋ yɛlɛ la ka N da zɔɔ ne wɛdonne a Efesu teŋɛ poɔ, boŋ tɔnɔ ka N pãã da na nyɛ? Ka ba naŋ da koŋ e ka a kuuni leɛ-iri: “Yɛ e ka te dire kyɛ nyuuro bonso, bieu te na kpi la.”

I Tesa 2:18

Bonso, te da boɔrɔ la ka te wa yɛ zie, (yelmeŋɛ zaa, maa Pɔɔl da boɔrɔ la ka N wa nyɛ yɛ gborɔgborɔ) kyɛ ka Setaana da pigi te sori.

2 Tim 4:17

Kyɛ a Daana da are ko ma la, a ko ma faŋ ka ka O na tu n zie moɔle a Ŋmen-yelnoore zaa pabo, ka a Nemboore-yobo zaa woŋ a. Lɛnso ka ba da faa ma yi a gbeŋni noɔreŋ.