II Tesa 2:2 - Naaŋmen Nɔpaalaa Gane

² ka yɛ ta vɛŋ ka yɛ teɛrɛ gyɛrre bee ka dabeɛ̃ kpɛ yɛ wieouŋ lɛ, ka seeloŋ poɔ la bee ka yelbie la bee ka lɛtɛ la ka yɛ nyɛ ka a wuli seŋ ŋa te zie la ka o yi, a yele ka a Daana bebiri taɛ la baare.

II Tesa 2:2 ပူးပေါင်းရင်းမြစ်များ

Matio Gane 24:24

Kaŋwaa mɛzaaya mine ane kaŋwaa Ŋmen-yelmanneba na wa la, a wa erɛ yelwulii kyɛ tonɔ toŋkpeɛne, ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Marko Gane 13:7

Ka yɛnee wa wono zɔɔre yɛlɛ ane zɔɔre yɛlɛ ba naŋ hunno yele, yɛ ta wa vɛŋ ka dabeɛ̃ kpɛ yɛ. A ferɛɛ la ka a ama zaa e, kyɛ ka a teŋɛ naŋ koŋ baare sɛre.

Luka 21:19

A yɛ kannyiri diibu zuiŋ, yɛ na nyɛ la nyɔvore.”

Luka 21:9

“Ka yɛnee wa woŋ zɔɔre ane zie naŋ dɔɔnɔ yɛlɛ, yɛ ta zoro dabeɛ̃. Bonso, a ama zaa seŋ ka a daŋ e, kyɛ a teŋɛ baaroo koŋ ta a daadaalɛ.”

Gyɔɔn 14:1

“Yɛ ta vɛŋ ka yɛ sukyie dɔɔnɔ yɛ. Yɛ sage de Naaŋmen yɛlɛ, a sage de N meŋ yɛlɛ.

Gyɔɔn 14:27

N bara la emmaaroŋ korɔ yɛ. N korɔ yɛ la N emmaaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

1 Kor 1:8

Ona meŋ la na e ka yɛ taa faŋ a te ta a baaraa, ka yɛ koŋ taa saanaa a te Daana Yeezu Kirista waabo bebiri daare.

1 Kor 14:32

A Ŋmen-yelmanneba la taa a Ŋmen-yelmanneba vooroŋ faŋ,

1 Kor 7:26

A yelwolɔ naŋ waana zuiŋ, N teɛre ka a na soma la ka neɛzaa naŋ kyɛnɛ waa lɛ zaa o naŋ da waa.

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

I Tesa 3:3

ka ka neɛzaa nuuri ta wa yoɔre ne a dɔgɛɛ ama. Serɛzaa yɛmenne baŋ ka a yɛlɛ ama la na pɔge te.

I Tesa 4:15

Bonso, a yeli ŋa la ka te de a Daana yelbiri yele ne korɔ yɛ, ka a te banaŋ ba naŋ bare ka te naŋ voorɔ te ta a Daana waabo daare, koŋ baŋ de a banaŋ naŋ da kpi weɛ.

I Tesa 5:2

Bonso, yɛmenne baŋ la velaa ka a Daana bebiri na wa la aŋa nannyige naŋ maŋ wa tensogɔ saŋ lɛ.

II Tesa 2:15

A lɛ zuiŋ n yɔɔmine ane n yɔɔpuuli, yɛ pãã are kpeɛŋaa kyɛ tuuro a yɛlɛ na te naŋ da wuli yɛ, ka noɔre yelbie la bee ka lɛtɛre la.

II Tesa 3:17

Maa Pɔɔl la sɛgrɛ a yaane puoro ŋa ne n meŋɛ nu. A ŋmaaroŋ ŋa la maŋ be a n gansɛgre zaa poɔ; a ŋaa la ka N maŋ sɛge.

Yel-iriwulaa Gane 19:20

Ba da nyɔge la a wɛdoŋɔ a laŋ ne a kaŋwaa Ŋmen-yelmanna naŋ da e yelwulii a wɛdoŋɔ niŋesogɔ a da tu be bɛlle a banaŋ naŋ da taa a wɛdoŋɔ ŋmaaroŋ ane a banaŋ naŋ puoro a wɛdoŋɔ teebo. Ba da lɔɔ la a bama bayi vore eŋ baa vũũ naŋ dire ne gyirimuri.