Hiburu 7:6 - Naaŋmen Nɔpaalaa Gane

⁶ Kyɛ a dɔɔ ŋa naŋ ba e a ba Sããkompare neɛ, da de la a boma poŋ ziiri pie, ziyeni a yi Aboraham ba naŋ da eŋ a noɔre tere zie kyɛ maale o.

Hiburu 7:6 ပူးပေါင်းရင်းမြစ်များ

Toma 3:25

Yɛ waa la a Ŋmen-yelmanneba biiri ane a nɔ-eŋnaa na Naaŋmen naŋ da eŋ ko a yɛ sããkommine. Naaŋmen da yeli ko la Aboraham, ‘A fo boorɔ poɔ la ka a teŋɛzu nensaalboorɔ zaa na nyɛ maaloo.’

Urom 4:13

A noɔre ba naŋ da eŋ ko a Aboraham ane o biiri ka a andonɛɛ na e la ba gbandiruŋ, da ba tu a bege zie wa o zie bee o biiri zie, kyɛ a da tu la mennoŋ yeldeebo zie.

Urom 9:4

Ba waa la Izerayɛl biiri ka Naaŋmen da e ka ba leɛ O bibiiri, ka ba so a puubu, a nɔ-eŋnee, a bege ane a O puoruu yɛlɛ ane a nɔɛ O naŋ da eŋ ko ba.

Galesiya 3:16

Pampana Naaŋmen da eŋ la a nɔɛ ama ko a Aboraham ane o bie; O ba yeli, “Aboraham ane o biiri,” aŋa ba naŋ waa neŋyaga; kyɛ O da yelee la, “Fo ne fo bie” ka lɛ wuli ka neŋyeni la, Ona la a Kirista.

Hiburu 11:13

A noba bama zaa da be la a yeldeebo poɔ kyɛ te kpi kyɛ da ba nyɛ a yɛlɛ Naaŋmen naŋ da yeli ka O na e ko ba la. Ba da nyɛ a la ba teɛroŋ poɔ ka a be tɔɔre zaa a waana, ka ba tuori de a. Ba da sagɛɛ la ka ba waa la saama ane nɔɔre a teŋɛzu kyɛ.

Hiburu 11:17

Yeldeebo zuiŋ, Naaŋmen naŋ da e a Aboraham nyɛ, o da sage de la a Aziki maale bagre. A Aboraham naŋ da de a noɔre Naaŋmen naŋ da eŋ ko o, o da narɛɛ la ka o de a o bi-yeni tere;

Hiburu 7:1

A Mɛlekizɛdɛk ŋa da waa la “Salɛm teŋɛ Naa, a Naaŋmen Kpeɛ̃õ Zaa Daana bagmaale wederɛ. A Aboraham naŋ da te zɔɔtoɔ̃ a namine kyɛ da leɛ waana, a Mɛlekizɛdɛk da tuori o la a maale o.”

Hiburu 7:7

Nɔkpeɛne zaa kyebe ka a kpoŋ soba la maŋ maale a bile soba.