Hiburu 7:11 - Naaŋmen Nɔpaalaa Gane

¹¹ Ka sonnoŋ da tu a Levi Naaŋmen bagmaale wederoŋ boorɔ pare wa (bonso a Naaŋmen bagmaale wederoŋ boorɔ ŋa pare zie la ka a Izerayɛl biiri da nyɛ a bege) boŋ feroo la da na bebe ka ba la yele Naaŋmen bagmaale wederɛ yuo naŋ yi a Mɛlekizɛdɛk Naaŋmen bagmaale wederoŋ boorɔ pare kyɛ bare a Aarɔn Naaŋmen bagmaale wederoŋ pare?

Hiburu 7:11 ပူးပေါင်းရင်းမြစ်များ

Galesiya 2:21

N ba e ka a Naaŋmen garaaseɛ ba tonɔ; bonso ka neɛ na tu a bege toma zie a leɛ nemmeŋɛ, ka lɛ a Kirista kpi la weɛlɛ.

Galesiya 4:3

Lɛ ka a waa te meŋ zie; te naŋ da naŋ waa bibiiri, te da e la gbaŋgbaare ko a seere naŋ dire naaloŋ a tendaa zu.

Galesiya 4:9

Kyɛ pampana, yɛ naŋ wa baŋ Naaŋmen kyɛ bee Naaŋmen naŋ wa baŋ yɛ, wola ka yɛ na la leɛ gaa a andonɛɛ se-foglo naŋ ba taa faŋ bee tɛgɛ zie? Wola ka yɛ na boɔrɔ ka yɛ la te leɛ a gbaŋgbaare?

Hiburu 5:10

Naaŋmen naŋ da kaa-iri O ka O e bagmaalkare neŋkpoŋ a Mɛlekizɛdɛk tuuluŋ sori poɔ zuiŋ.

Hiburu 5:6

O da la yeli la a zie kaŋ meŋ: “Fo waa la Naaŋmen bagmaale wederɛ tegitegilɛ, a Mɛlekizɛdɛk tuuluŋ sori poɔ.”

Hiburu 6:20

be la ka Yeezu da de te weɛ te kpɛ a te zuiŋ, O naŋ da leɛ a Naaŋmen bagmaalkare neŋkpoŋ tegitegilɛ, a Mɛlekizɛdɛk tuuluŋ sori poɔ.

Hiburu 7:10

Bonso, ba da naŋ ba dɔge a Levi sɛre kyɛ ka a Mɛlekizɛdɛk da tuori a Aboraham.

Hiburu 7:12

Bonso, ka leɛroo kaŋ wa kpɛ a Naaŋmen bagmaale wederoŋ yeltuuri poɔ, a na fere la ka ka leɛroo kpɛ a bege meŋ poɔ.

Hiburu 7:13

A neɛ na yɛlɛ ba naŋ yele a yɛlɛ ama yi la boore yuo poɔ ka neɛ kanzaa daŋ ba yi be a e Naaŋmen bagmaala.

Hiburu 7:15

A pãã gba maaleŋ sãã la weliweli, saŋ na Naaŋmen bagmaale wederɛ kaŋ naŋ wa yi a waa ŋa a Mɛlekizɛdɛk.

Hiburu 7:21

kyɛ a neɛ ŋa eŋ da leɛ la Naaŋmen bagmaale wederɛ ne noɔre polloo, a neɛ naŋ da yeli a yeli ŋa ko O zuiŋ: “A Daana pollɛɛ la kyɛ koŋ leɛre O teɛroŋ, ‘Fo waa la bagmaale wederɛ tegitegilɛ’ ”

Hiburu 8:7

Bonso, ka a dɛndɛŋ noɔre na da ba taa saanaa zaa, a da koŋ la fere ka ba leɛre o ne a ayi soba.

Hiburu 9:6

A yɛlɛ ama naŋ wa nare biŋ baare, a Naaŋmen bagmaale wederebɛ maŋ kpɛ la a sege dɛndɛŋ na poɔ bebiri zaa, a tonɔ ba bagmaale tuulo feroo toma.