Hiburu 5:9 - Naaŋmen Nɔpaalaa Gane

⁹ Ba naŋ pãã da wa e ka O tori baare, O da leɛ la faabo naŋ ba taa baaroo yiibu zie a ko banaŋ zaa naŋ sagra O noɔre,

Hiburu 5:9 ပူးပေါင်းရင်းမြစ်များ

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Luka 13:32

Ka a Yeezu yeli ko ba, “Yɛ gaa te yeli ko a badɛre na ko ma, ‘N digre la sefaare bara kyɛ saŋ na baalba zenɛ ane bieu, kyɛ a beri ata daare N na baare la N toma.

Gyɔɔn 19:30

A Yeezu naŋ da wa lɛnne a dããmiiruŋ, O da yelee la, “A baarɛɛ la.” O pãã da suli la O zu kyɛ ŋmaa vooroŋ.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 4:12

Faabo ba la kye neɛ kanzaa zie, bonso, yuori zaa ba kye a teŋɛzu kyɛ Naaŋmen naŋ tere a nensaalba poɔ ka te na tu a nyɛ faabo.”

Toma 5:32

Te ne a Vooroŋ Soŋ la e a yɛlɛ ama dansediribe. A Vooroŋ Soŋ la ka Naaŋmen ko a banaŋ naŋ sage de O yɛlɛ.”

Urom 1:5

A Yeezu zie la ka te tu a nyɛ garaaseɛ a leɛ apostoliimine, ka ka te na taa a yeldeebo sagebo yɛlɛ wa ne a Nemboore-yobo zie a O yuori zuiŋ,

Urom 10:16

Kyɛ ba zaa naane da sage de a Ŋmen-yelnoore; bonso, Azaaya yelee la, “Daana, nembuo la da sage de a te duoro?”

Urom 15:18

Bonso, N koŋ sage yeli yelzaa ka a yɛlɛ na yoŋ a Kirista naŋ de ma toŋ ne naane, ka ka N toɔ̃ wuli a Nemboore-yobo ka ba e noba naŋ sagra noɔre ba yelbie ane ba yel-erre poɔ.

Urom 2:8

kyɛ banaŋ naŋ boɔrɔ bamenne yɛlɛ, a ba sagra a yelmeŋɛ kyɛ erɛ potuyɛlɛ na nyɛ la supuriyaaraa ane sutoloŋ.

Urom 6:17

Kyɛ Naaŋmen taa la bareka ne yɛ naŋ da waa yelbieri gbaŋgbaare, kyɛ ka yɛ leɛ sagra noɔre a yɛ sukyie poɔ, a sage de wuluu na zaa ba naŋ da de eŋ yɛ nuuriŋ,

Korinti 10:5

ane pɔloo bonzaa naŋ pigi sori ka ba kontoɔ̃ baŋ Naaŋmen, kyɛ maŋ nyɔge teɛroŋ zaa a e ka o sage de a Kirista yɛlɛ.

Filipai Deme Gane 2:12

Azuiŋ n poyɛŋ noba, aŋa lɛ yɛ naŋ maŋ sagra n noɔre tegitegilɛ, ka a ba e ka a saŋ N naŋ maŋ be yɛ zie yoŋ la, kyɛ a gaŋ a zaa, saŋ na N naŋ ba maŋ wa be yɛ zie, yɛ tonɔ a yɛ faabo toma ane Naaŋmen emmo dabeɛ̃ ane miimu;

II Tesa 1:8

vũũzele poɔ, a dɔgre banaŋ naŋ ba baŋ Naaŋmen ane a banaŋ naŋ zagre a te Daana Yeezu yelnoore bare.

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

Hiburu 1:14

A malekere zaa ba waa seere a Naaŋmen toma poɔ, ka ba toŋ ba ka ba te toŋ ko a banaŋ naŋ na nyɛ faabo be?

Hiburu 11:40

bonso, Naaŋmen da nare la bonkaŋ naŋ soma gaŋ lɛ ka ka ba koŋ baŋ nyɛ sonnoŋ ka ba naŋ ba tu te zie.

Hiburu 11:8

Yeldeebo zuiŋ la so ka Aboraham da sage a Naaŋmen naŋ da boɔle o yi ne o teŋɛ a e ka o gaa teŋyuo naŋ na e o gbandiruŋ teŋɛ. A Aboraham da yi gɛrɛ la kyɛ da ba baŋ zie o naŋ gɛrɛ.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 2:10

A da tu la sori ka Naaŋmen naŋ so a boma zaa kyɛ ka a zaa tu O zie a wa bebe, ka O taa biiri yaga wa ne puubu poɔ. A da ferɛɛ la ka O e ka a soba na naŋ na de ba weɛ e ka ba faabo tori dɔgɛɛ poɔ.

Hiburu 2:3

wola ka te na baŋ e yi a poɔ ka tenee zagre a faabo kpoŋ ŋa bare? A Daana la da daŋ moɔle a faabo ŋa yɛlɛ, ka a banaŋ naŋ da woŋ a yeli ko te,

Hiburu 9:12

a kpɛ a Zisoŋ Zie dayeni yoŋ. O da ba de boore ane naabilii zẽẽ kpɛ ne, kyɛ O meŋɛ zẽẽ la ka O da de kpɛ ne, a pãã nyɛ nyɔvore naŋ ba taa baaroo faabo.

Hiburu 9:15

A yeli ŋa zuiŋ la so ka a Kirista e a nɔ-eŋ paalaa yelmaala, ka ka a banaŋ ba naŋ boɔle na toɔ̃ nyɛ a noɔre naŋ ba taa baaraa ba naŋ eŋ gbandiruŋ. Bonso, kũũ koɛ la a faa ba yi ne a dɛndɛŋ nɔ-eŋnaa yelfaare poɔ.

Hiburu 9:28

lɛ la ka Kirista da de O meŋɛ maale bagre dayeni yoŋ ka O de neŋyaga yelbebe bare. O na la leɛ wa la a boyi soba kyɛ a koŋ e yelbebe zuiŋ, kyɛ O na wa la ka O faa banaŋ naŋ eŋ faŋ a kyɛllɛ O.

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

Gyud 1:21

yɛ be a Naaŋmen nɔmmo poɔ; yɛ kyɛllɛ a te Daana Yeezu Kirista nembaalonzoe ka O taa yɛ gaa ne a nyɔvo-babaaraa poɔ.