Hiburu 5:1 - Naaŋmen Nɔpaalaa Gane

¹ Naaŋmen bagmaalkare neŋkpoŋ zaa ba naŋ kaa-iri nensaalba poɔ maŋ are la nensaalba gbɛbogriŋ a maala yɛlɛ kyaare ne Naaŋmen. Ona la maŋ tere kyɔɔtaare kyɛ maala bagre yelbebe sudi eŋɛ.

Hiburu 5:1 ပူးပေါင်းရင်းမြစ်များ

Urom 15:17

A Kirista Yeezu eŋɛ, N pãã taa la sori ka N erɛ pɔloo ne a n toma n naŋ tonɔ korɔ Naaŋmen.

1 Kor 15:3

Bonso, N da de la weɛ a moɔle ko yɛ a yɛlɛ na maa meŋɛ naŋ da de: ka a Kirista da kpie la te yelbebe zuiŋ, a seŋ a gansoŋ naŋ yeli lɛ.

Hiburu 10:11

Kyɛ Naaŋmen bagmaale wederɛ zaa maŋ are la bebiri zaa a o toma poɔ, a pullo maala a bagre na ne a zu naŋ koŋ baŋ vɛŋ ka neɛ yelbebe nyɛ sudi.

Hiburu 10:12

Kyɛ a Kirista naŋ da wa de O meŋɛ maale bagmaale kpokpo dayeni yoŋ yelbebe sudi zuiŋ, “O da zeŋ la Naaŋmen nuduluŋ seŋ.”

Hiburu 11:4

Yeldeebo zuiŋ la ka Abɛl da maale bagre na Naaŋmen poɔ naŋ da pɛle ne a gaŋ a bagre Keein naŋ da maale. A yeldeebo ŋa zuiŋ la ka Naaŋmen da sage de Abɛl ka o e nemmeŋɛ. A Naaŋmen meŋɛ la sage de a Abɛl kyɔɔtaare. A Abɛl da kpie la kyɛ naŋ kyɛnɛ yele yɛlɛ a o yeldeebo zuiŋ.

Hiburu 2:17

A lɛ zuiŋ a da ferɛɛ la ka O waa ŋa a O yɔɔmine ane O yɔɔpuuli yelzaa poɔ, ka ka O na waa Naaŋmen bagmaalkare neŋkpoŋ naŋ taa nembaalonzoe ane yelmennoŋ, ka O maale bagre a nensaalba yelbebe zuiŋ.

Hiburu 7:27

Ona eŋ, a da ba fere ka O maala bagre bebiri zaa a daŋ ko O meŋɛ yelbebe ane a noba yelbebe aŋa a Naaŋmen bagmaalkare nembɛrɛ banaŋ naŋ da maŋ e lɛ. Ona eŋ da de la O meŋɛ nyɔvore maale ne bagre dayeni yoŋ.

Hiburu 8:3

Ba maŋ iri la Naaŋmen bagmaalkare neŋkpoŋ zaa ka o terɛ kyɔɔtaare kyɛ maala bagre. Azuiŋ, a ferɛɛ la ka a Naaŋmen bagmaale wederɛ ŋa meŋ taa bonkaŋ a na tere.

Hiburu 8:4

Ka O naŋ da be teŋɛzu, O da koŋ e Naaŋmen bagmaale wederɛ togitogi zaa, bonso, Naaŋmen bagmaale wederebɛ bebe la a terɛ kyɔɔtaare a seŋ a bege naŋ wuli lɛ.

Hiburu 9:9

A sege dɛndɛŋ soba ŋa la a saŋ ŋa yelmannaa, a saŋ na ba naŋ maŋ terɛ kyɔɔtaare kyɛ maala bagre naŋ koŋ baŋ vɛŋ ka puoripuoro teɛroŋ tori o zaa,