Hiburu 4:2 - Naaŋmen Nɔpaalaa Gane

² Serɛzaa, a Ŋmen-yelnoore da wa la te zie aŋa lɛ a naŋ da ta ba lɛ. Kyɛ a yɛlɛ ba naŋ da woŋ da ba yi tɔnɔ ko ba, bonso, ba da ba taa noɔre yeni a yeldeebo poɔ ne a banaŋ naŋ da kyɛlle woŋ.

Hiburu 4:2 ပူးပေါင်းရင်းမြစ်များ

Toma 13:46

Lɛ la ka Pɔɔl ane Banabase da ba zo dabeɛ̃, a kyɛ yele, “Yɛnee la seŋ ne ka ba daŋ moɔle a Naaŋmen yelbiri ko, kyɛ yɛ naŋ zagre ka yɛ de zuiŋ, a kyɛ nyɛ ka yɛ ba seŋ ne a nyɔvore naŋ ba taa baaroo taabo, te gɛrɛ la a Nemboore-yobo zie.

Toma 3:26

A Naaŋmen naŋ da kaa-iri a O tontonɔ, O da daŋ toŋ o la yɛ zie, ka O wa ko yɛ maaloo kyɛ e ka yɛ zaa leɛ yi a yɛ potuoloŋ sobie poɔ.”

Urom 2:25

Dɛgre iruu sereŋ na taa la tɛgɛ, ka fooŋ wa tuuro a bege wuluu; kyɛ ka fooŋ ba wa tuuro a bege wuluu, fo dɛgre iruu waa seŋ ŋa neɛ dɛgre ba naŋ ba iri.

Urom 3:3

Boŋ na e ka ba mine ba wa taa yelmeŋɛ? A yeldeebo ba naŋ ba taa na toɔ̃ sãã la Naaŋmen yelmennoŋ bare be?

1 Kor 13:3

Ka maa de n boma zaa poŋ ko nembaalba, a de n eŋɛ tere ka ba nyege vũũ poɔ ka ka N na toɔ̃ duoro n meŋɛ, kyɛ ba taa nɔmmo, N koŋ nyɛ tɔnɔ zaa.

Galesiya 3:2

A yelyeni yoŋ N naŋ boɔrɔ ka N baŋ yi yɛ zie la ŋa: Yɛ nyɛ la a Vooroŋ Soŋ yi a bege toma yɛ naŋ tonɔ eŋɛ bee yɛ naŋ da sage de a yɛlɛ yɛ naŋ da woŋ zie la ka yɛ nyɛ a Vooroŋ Soŋ?

Galesiya 3:8

Kyɛ a gansoŋ naŋ da daŋ nyɛ ka Naaŋmen na tu la yeldeebo zie a e ka a Nemboore-yobo leɛ nemmenne, o da daŋ yeli la a Ŋmen-yelnoore ko Aboraham a yele, “Fo zie la ka a Nemboore-yobo zaa na nyɛ maaloo.”

Galesiya 4:13

Yɛ baŋ ka a n baaloŋ la so ka N da daŋ de weɛ moɔle a Ŋmen-yelnoore ko yɛ;

I Tesa 1:5

bonso, a te Ŋmen-yelnoore duoro da ba wa a yɛ zie yelbiri yoŋ tɛgɛ, kyɛ o da wa la yɛ zie meŋ ne kpeɛ̃õ ane a Vooroŋ Soŋ ane yɛlɛ naŋ ba taa bonnoo zaa, aŋa lɛ yɛ naŋ baŋ noba na te naŋ da waa yɛ poɔ a yɛ zuiŋ.

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

1 Tim 4:8

aneazaa ka tɔnɔ belaa be la yelzaa neɛ naŋ maŋ e a dɔ̃ɔ̃ o kɔbɔ, kyɛ Naaŋmennoŋ taa la tɔnɔ yelzaa poɔ, a terɛ nyɔvore pampana ane a nendaare kaŋ nyɔvore naŋ na wa.

Hiburu 11:6

Ka neɛŋ ba taa yeldeebo o daŋ koŋ baŋ pɛle Naaŋmen poɔ, bonso, neɛzaa naŋ waana O zie, a ferɛɛ la ka o soba sage de ka Naaŋmen bebe la, a maŋ yɔɔ banaŋ naŋ boɔrɔ O yɛlɛ.

Hiburu 3:12

N yɔɔmine ane n yɔɔpuuli, yɛ gu yɛmenne velaa, ka yɛ kanzaa ta wa taa sukyiri faa naŋ ba taa yeldeebo naŋ na vɛŋ ka o bare a Naaŋmen-vore tuubu.

Hiburu 4:6

Vuo naŋ pãã da naŋ yuo ko ba mine ka ba na kpɛ a pɛnnoo poɔ, kyɛ a banaŋ naŋ da woŋ a Ŋmen-yelnoore kyɛ da ba toɔ̃ kpɛ ba naŋ da zagre ka ba de zuiŋ,

Gyimisi 1:21

Azuiŋ, yɛ bare yeldɛgɛ ane faaloŋ e gaŋ taa boorɔ zaa, kyɛ tuori de a Naaŋmen yelbiri O naŋ eŋ yɛ sukyie poore ne Sigruumilluu. A yelbiri taa la kpeɛ̃õ a na faa yɛ seere.

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.