Hiburu 4:12 - Naaŋmen Nɔpaalaa Gane

¹² Serɛzaa, a Naaŋmen yelbiri voorɔ la kyɛ tonɔ, a dire gaŋ zɔɔzɔɔ-sɔnɔkpara zaa. O maŋ kyɔge kpɛ te ta la zie o naŋ maŋ wɛle a seɛ ane a vooroŋ, a wɛle kɔbɔ naŋ maŋ tɔnne taa benee ne a kɔbɔ poɔ kãã. O maŋ baŋ la nensaala teɛroŋ ane o sukyiri yelboɔre zaa.

Hiburu 4:12 ပူးပေါင်းရင်းမြစ်များ

Luka 8:11

“A sekpɔgre pare la ŋa: A bombie la a Naaŋmen yelbiri.

Gyɔɔn 12:48

Soba na naŋ zagre ma, a ba sage de N yɛlɛ taa la sɛredire. A bebi-baaraa daare, a yɛlɛ na N naŋ yeli la na di a o sɛrɛɛ.

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Toma 2:37

Ba naŋ da woŋ a ŋaa, a da tɔ la ba sukyie, ka ba da soore a Piita ane a o taaba apostoliimine, “Yɔɔmine, te e wola?”

Toma 4:31

Ba naŋ da wa puori baare, a zie na ba naŋ da lantaa da gbigree la kyɛ ka ba da paale ne a Vooroŋ Soŋ a da moɔlɔ a Naaŋmen yelbiri ane ba faŋ zaa.

Toma 5:33

Ba naŋ da wa te woŋ a ŋaa ba suuri da iree la ka ba da boɔrɔ ka ba ko ba.

Toma 7:38

Ona la a neɛ naŋ da be a Izerayɛl biiri laŋne deme poɔ a dalempoɔ poɔ. O da be la a be ane a te sããkommine ane a maleke na naŋ da yeli yɛlɛ ko o a Sanae taŋ zu, ka o da de a yelbi-voba wa ko te.

Urom 1:16

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

1 Kor 1:24

kyɛ a banaŋ ba naŋ boɔle zie, a Gyuumine ane Giriki noba zaa, a Kirista waa la Naaŋmen kpeɛ̃õ ane Naaŋmen yɛŋ.

Korinti 2:17

Bonso, te ba de a Naaŋmen yelbiri moɔloo ka o waa yɛroŋ aŋa noba yaga naŋ erɛ lɛ, kyɛ Naaŋmen la toŋ te ka te are O niŋesogɔŋ a Kirista poɔŋ, a yele yɛlɛ ne yelmennoŋ.

Korinti 4:2

Te zagre la a vi yɛlɛ na neɛ naŋ maŋ sɔgle. Te koŋ sage de nyaayɛlɛ bɛllɛ ne neɛzaa bee a ŋmaara zirii ne a Naaŋmen yelbiri, kyɛ te yele la a yɛlɛ weliweli ka a yelmeŋɛ na sãã kyɛ boɔrɔ ka neɛzaa nyɛ ka te waa la nemmenne a Naaŋmen niŋesogɔ.

EFESU 5:13

kyɛ yɛlɛ na zaa a kyaane naŋ maŋ wa iri wuli maŋ sãã la ka ba nyɛ,

EFESU 5:26

ka ka O de a yelbiri pɛge ne o aŋa koɔ̃ ka o e soŋ.

EFESU 6:17

Yɛ de a faabo kpogli vɔgle yɛ zu kyɛ de a Vooroŋ Soŋ zɔɔzɔɔ-soɔ, ona la a Naaŋmen yelbiri.

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

I Tesa 5:23

Ka a emmaaroŋ Naaŋmen meŋɛ pɛge yɛ zaa ka yɛ yi, kyɛ ka a yɛ vooroŋ ane yɛ seere ane yɛ enne be laafeeloŋ poɔ, a ta taa faaloŋ zaa a te Daana Yeezu Kirista waabo saŋ.

Hiburu 13:7

Yɛ ta inni a yɛ wederebɛ yɛlɛ, a banaŋ naŋ da manne a Naaŋmen yelbiri ko yɛ. Yɛ kaa nyɛ a ba nyɔvoɛ yɛlɛ kyɛ tɔglɔ a ba yeldeebo.

Hiburu 6:5

Banaŋ naŋ da woŋ a Naaŋmen yelbiri sonnoŋ noɔ ane a nendaare kaŋ kpeɛ̃õ naŋ waana,

Gyimisi 1:18

Naaŋmen naŋ da boɔrɔ ka O tu a O meŋɛ poboɔbo ka a ta zuiŋ, O da dɔge te la ne a O yelmeŋɛ yelbiri, ka ka te na waa a dɛndɛŋ noba a O bon-iri poɔ.

1 Pit 1:23

Ba leɛ dɔge yɛ la paalaa ne a Naaŋmen yelbi-vore naŋ bebe tegitegilɛ ka a ba e dɔgrebɔ naŋ na kpi la dɔge yɛ kyɛ dɔgrebɔ naŋ koŋ baŋ kpi la dɔge yɛ.

Yel-iriwulaa Gane 1:16

O da taa la ŋmarbie ayopoĩ O nuduluŋ poɔ kyɛ ka zɔɔzɔɔ-soɔ naŋ taa nɔɛ ayi, a dire yaga zaa da wa yi O noɔre poɔ, ka O niŋe da waa ŋa ŋmenaa naŋ puri do o zaa.

Yel-iriwulaa Gane 19:15

Zɔɔzɔɔ-soɔ naŋ dire yaga da wa yi la O noɔre poɔ, ona la ka O na de zɔɔtoɔ̃ ne a tenne noba kyɛ di naaloŋ ba zu ne nimikuoŋaa. O na neɛ la a nenfaare ba naŋ de lɔɔ eŋ a Naaŋmen, Kpeɛ̃õ Zaa Daana supuriyaaraa dãã maaloo zie ne gbɛɛ.

Yel-iriwulaa Gane 19:21

Kyɛ ba da ko la a banaŋ naŋ kyɛre ne zɔɔzɔɔ-soɔ naŋ da yi a soba na naŋ zɔŋ a wiri noɔre poɔ; ka nuuli zaa da di a ba enne a tege.

Yel-iriwulaa Gane 2:16

Yɛ leɛ a yɛ eebo. Ka lɛ naane, a koŋ la kɔɔre kyɛ ka N wa yɛ zie, a wa de a N noɔre poɔ zɔɔzɔɔ-soɔ zɔɔ ne a noba.

Yel-iriwulaa Gane 2:23

N na ŋmɛ la a o biiri ko, ka a puoruu laŋne yie zaa baŋ ka maa la a soba na naŋ maŋ gyɛle nensaalba poteɛrɛ ane ba sukyie. Kyɛ N na ko la yɛ kanzaa bonna a o toma naŋ seŋ ne.

Yel-iriwulaa Gane 20:4

Lɛ la ka N da nyɛ nakogri, ka ba da de kpeɛ̃õ ko a banaŋ naŋ zeŋ a nakogri zu ka ba di sɛrɛɛ. N da nyɛ la a banaŋ meŋ zuri ba naŋ da kyɛ-ŋmaa seere, ba naŋ da di a Yeezu danseɛ ane a Naaŋmen yelbiri danseɛ zuiŋ. Ba da ba puori a wɛdoŋɔ bee a o teebo, a da ba de a o ŋmaaroŋ a ba gberi bee ba nuuri eŋɛ. Ba da leɛ-iri voorɔ la ka ba ne Kirista da di naaloŋ yuomo turi.