Hiburu 4:11 - Naaŋmen Nɔpaalaa Gane

¹¹ Azuiŋ, yɛ vɛŋ ka te mɔ te moɔbo zaa a kpɛ a pɛnnoo na poɔ, ka neɛzaa ta wa fããŋ a pɛnnoo ŋa ne a ba noɔre zagroo na tɔ.

Hiburu 4:11 ပူးပေါင်းရင်းမြစ်များ

Matio Gane 11:12

A yi a Gyɔɔn Bati beri a wa te tɔ zenɛ, a tenvelaa naaloŋ nyɛ la dɔɔne yaga, ka a kpaŋkpaŋkpeɛne deme maŋ faa o ne faŋ.

Matio Gane 7:13

“Tu a dendɔre na naŋ e fogloo kpɛ, bonso, a dendɔre na naŋ gɛrɛ weɛbo poɔ e la yɛloŋ ka o sori tuubu e mɔlɔ, ka noba yaga tuuro o.

Luka 13:24

“Yɛ eŋ faŋ ka yɛ tu a dendɔre na naŋ e fogloo kpɛ; bonso, maa yele korɔ yɛ, noba yaga na e la a neɛ ka ba kpɛ kyɛ kontoɔ̃.

Luka 16:16

“A Naaŋmen begɛ ane a Ŋmen-yelmanneba sɛgre da bebe la te ta a Gyɔɔn Bati waabo saŋ. A pãã yi a lɛ saŋ waana, ba moɔle la a Naaŋmen naaloŋ yelnoore yɛlɛ, ka neɛzaa moɔrɔ ka o fere kpɛ.

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

Toma 26:19

A lɛ puoriŋ, Naa Ageripa, N da ba zagre ka N tu a nyaabo na N naŋ da nyɛ yi a tenvelaa poɔ.

EFESU 2:2

a poɔŋ la ka yɛ da be, a tuuro a teŋɛzu yɛlɛ, a tuuro a sazu sefaare naa, a seɛ na naŋ tonɔ toma pampana a banaŋ naŋ zagra noɔre tuubu zie.

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

Filipai Deme Gane 2:12

Azuiŋ n poyɛŋ noba, aŋa lɛ yɛ naŋ maŋ sagra n noɔre tegitegilɛ, ka a ba e ka a saŋ N naŋ maŋ be yɛ zie yoŋ la, kyɛ a gaŋ a zaa, saŋ na N naŋ ba maŋ wa be yɛ zie, yɛ tonɔ a yɛ faabo toma ane Naaŋmen emmo dabeɛ̃ ane miimu;

KOLO 3:6

A yɛlɛ ama zuiŋ, Naaŋmen supuriyaaraa waana la a banaŋ naŋ ba sagra noɔre zu.

TITU 1:16

Ba maŋ yeli ka ba baŋ la Naaŋmen kyɛ ka ba yel-erre wuli ka ba zagra la Naaŋmen. Ba waa la nendɛgɛ, a waa noba naŋ zagra noɔre, a ba seŋ ne tonvelaa zaa.

TITU 3:3

Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

Hiburu 3:12

N yɔɔmine ane n yɔɔpuuli, yɛ gu yɛmenne velaa, ka yɛ kanzaa ta wa taa sukyiri faa naŋ ba taa yeldeebo naŋ na vɛŋ ka o bare a Naaŋmen-vore tuubu.

Hiburu 3:18

Ka ammine la ka O da pɔ a yeli ka ba koŋ kpɛ a O pɛnnoo poɔ, ka a tookoŋwoŋyɛlɛ deme naane?

Hiburu 4:6

Vuo naŋ pãã da naŋ yuo ko ba mine ka ba na kpɛ a pɛnnoo poɔ, kyɛ a banaŋ naŋ da woŋ a Ŋmen-yelnoore kyɛ da ba toɔ̃ kpɛ ba naŋ da zagre ka ba de zuiŋ,

Hiburu 6:11

Kyɛ te boɔrɔ la ka yɛ yeni yeni zaa eŋ faŋ a lɛ ne o zu, ka yɛ na toɔ̃ taa bambaare teɛretɔroo te ta a baaraa,

2 Pit 2:6

ka O naŋ da e ka a Sodom ane Gomora tenne di vũũ leɛ tɛmpɛloŋ a wɛ, ka a lɛ e wuluu kyaare ne bon naŋ waana a nenfaare zu.