Hiburu 3:6 - Naaŋmen Nɔpaalaa Gane

⁶ Kyɛ Kirista naŋ waa a Naaŋmen bidɔɔ, O da taa la yelmennoŋ a Naaŋmen yiri zaa zu. Tenee la a O yiri, ka teneŋ wa nyɔge a te bambaare taa kpeɛŋaa ane a pɔloo naŋ kyaare ne teɛretɔroo.

Hiburu 3:6 ပူးပေါင်းရင်းမြစ်များ

Matio Gane 10:22

kyɛ ka a noba zaa kyiiri yɛ a N yuori zuiŋ. Kyɛ soba na naŋ di kannyiri te ta a baaraa saŋ na nyɛ la faabo.

Matio Gane 16:18

Maa yele korɔ fo, fõõ la Piita, kyɛ a piiri ŋa zu la ka N na mɛ a N puoruu laŋne, ka Dazugovũũ kpeɛ̃õ zaa kontoɔ̃ o.

Matio Gane 24:13

Kyɛ soba na zaa naŋ na di kannyiri te ta a baaroo saŋ, na nyɛ la faabo.

Urom 11:22

Yɛ pãã leɛ kaa a Naaŋmen nimimaaroŋ ane O nimitoloŋ yɛlɛ. Naaŋmen taa la nimitoloŋ kyaare ne a banaŋ naŋ e yelbieri, kyɛ leɛ O nimimaaroŋ kyaare yɛ, ka yɛnee naŋ wa kyɛnɛ be a O nimimaaroŋ poɔ; ka lɛ naane, O na kyɛ la yɛ meŋ ŋmaa bare.

Urom 12:12

Yɛ kyellɛ ne teɛretɔroo, a taa kannyiri yɛ dɔgɛɛ diibu poɔ, kyɛ kpimare puoro tegitegilɛ.

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

Urom 5:2

A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

1 Kor 3:16

Yɛ ba baŋ ka yɛ waa la a Naaŋmen die ka a Naaŋmen Vooroŋ kpeɛrɛ yɛ poɔ be?

1 Kor 6:19

Bee yɛ ba baŋ ka a yɛ enne waa la a Vooroŋ Soŋ Naaŋmen naŋ ko yɛ kpeɛbozie, ka yɛ ba la so a yɛ enne?

Korinti 6:16

Boŋ yelwontaa la ka Naaŋmen puoruu die taa ne tebɛ die? Bonso, te waa la a Naaŋmen-vore die; aŋa Naaŋmen naŋ da yeli: “N na kpeɛrɛ la ba poɔ, kyɛ kyɛnɛ ba sogɔŋ, N na waa la ba Naaŋmen, ka ba meŋ waa N noba.

Galesiya 6:10

A lɛ zuiŋ, saŋ na zaa te naŋ maŋ wa taa a vuo, yɛ vɛŋ ka te erɛ soŋ a korɔ noba zaa, a maaleŋ gaŋ a zaa, a erɛ soŋ korɔ te taaba naŋ e yelderebɛ.

Galesiya 6:9

Azuiŋ, yɛ ta vɛŋ ka te nuuri yoɔre ne tonsonne tommo, ka te nuuriŋ ba yoɔre, te na kyɛ la a boma a kyeɛbo saŋ.

EFESU 3:12

A Kirista zuiŋ la ka te taa bambaare a ba zoro dabeɛ̃ ka te gaa Naaŋmen zie ne te naŋ taa yeldeebo O eŋɛŋ.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

I Tesa 5:16

Yɛ taa popeɛloŋ tegitegilɛ,

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

1 Tim 3:15

maa wa kɔɔre, ka yɛ na baŋ lɛ kanzaa naŋ seŋ ka o taa o meŋɛ a Naaŋmen yiri poɔ. Ona la a Naaŋmen-vore puoruu laŋne, a waa a yelmeŋɛ dalugri ane a yelmeŋɛ kpeɛ̃õ zie.

Hiburu 1:2

Kyɛ a bebi-baare ŋa poɔ, O tu la O Bidɔɔ zie a yeli yɛlɛ ko te. Ona la ka O iri ka O e a boma zaa gbandire. O zie meŋ la ka O tu kyɛ iri a boma zaa.

Hiburu 10:19

Azuiŋ n bamine, te naŋ taa bambaare a na tu a Yeezu zẽẽ zie kpɛ a zisoŋ poɔ,

Hiburu 10:21

Te naŋ taa Naaŋmen bagmaale wederɛ naŋ waa kpoŋ ka O kaara a Naaŋmen yiri,

Hiburu 10:23

Yɛ e ka te nyɔge a te yeldeebo teɛretɔroo te naŋ taa kpeɛŋaa, bonso, a soba na naŋ eŋ a noɔre ŋa ko te waa la nemmeŋɛ.

Hiburu 10:35

Azuiŋ, yɛ ta wa bara a bambaare yɛ naŋ taa; o na ko yɛ la san-yɔɔ kpoŋ.

Hiburu 11:1

Yeldeebo la teɛretɔroo neɛ naŋ taa ka bonnoo zaa ba kyebe ka o na nyɛ la boma o naŋ ba nyɛ kyɛ sage ka a bebe la.

Hiburu 3:14

Bonso, te leɛ la a Kirista tonton-taaba ka tenee wa nyɔge a te dɛndɛŋ yeldeebo taa kpeɛŋaa te ta a baaraa saŋ.

Hiburu 4:11

Azuiŋ, yɛ vɛŋ ka te mɔ te moɔbo zaa a kpɛ a pɛnnoo na poɔ, ka neɛzaa ta wa fããŋ a pɛnnoo ŋa ne a ba noɔre zagroo na tɔ.

Hiburu 4:14

A naŋ pãã e ka te taa la Naaŋmen bagmaalkare neŋkpoŋ gandaa na naŋ tu a saluoni poɔ tɔle gaa, a Naaŋmen Bidɔɔ Yeezu, yɛ e ka te nyɔge a te yeldeebo taa kpeɛŋaa.

Hiburu 4:16

Yɛ e ka te pãã tage ta a garaaseɛ nakogi ne gandaaloŋ, ka ka a lɛ vɛŋ ka te nyɛ nembaalonzoe ane garaaseɛ a te yelboɔre saŋ.

Hiburu 6:11

Kyɛ te boɔrɔ la ka yɛ yeni yeni zaa eŋ faŋ a lɛ ne o zu, ka yɛ na toɔ̃ taa bambaare teɛretɔroo te ta a baaraa,

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

Hiburu 7:19

(Bonso a bege da ba maale yelzaa ka o tori); kyɛ a lambori kaŋ meŋ, te nyɛ la teɛretɔroo naŋ seɛ ka te na maŋ tu a tage peɛle Naaŋmen.

1 Pit 1:8

Aneazaa ka yɛ ba nyɛ a Kirista kyɛ yɛ nɔŋ O la. Yɛ ba nyɛ O pampana kyɛ yɛ sage de la O yɛlɛ, a kyellɛ ne popeɛloŋ naŋ ba taa mannoo,

1 Pit 2:5

Yɛ naŋ waa kusi-voɛ, yɛ vɛŋ ka Naaŋmen de yɛ mɛ ne seeloŋ die, ka yɛ waa Naaŋmen bagmaale wederebɛ naŋ waa soŋ, ka yɛ maala seeloŋ bagre naŋ seŋ ne Naaŋmen deebo a Yeezu Kirista eŋɛ.

1 Pit 4:17

Bonso, a saŋ taɛ la ka sɛrɛɛdiibu na piili ne Naaŋmen yideme. Ka a sɛrɛɛdiibu pãã na piili ne te, wola ka a baaraa na waa ko banaŋ naŋ zagre a Ŋmen-yelnoore bare?

Yel-iriwulaa Gane 2:18

“Sɛge ko a puoruu laŋne maleke naŋ be Taatira teŋɛ poɔ: A Naaŋmen Bie yelbie la ama. Ona la ka O nimie waa ŋa vũũzele, ka O gbɛɛ waa ŋa kur-zeɛ:

Yel-iriwulaa Gane 2:25

bonna yɛ naŋ taa, yɛ nyɔge taa kpeɛŋaa a te ta saŋ na N naŋ na wa.

Yel-iriwulaa Gane 2:26

Soba na zaa naŋ zɔɔtoɔ̃ a kyɛ naŋ kyɛnɛ tonɔ a N toma te ta a baaraa, N na ko o la, kpeɛ̃õ a tenne zu;

Yel-iriwulaa Gane 3:11

A koŋ kɔɔre kyɛ ka N wa; bonna fo naŋ taa, nyɔge taa kpeɛŋaa ka neɛzaa ta wa faa a fo nazupili.