Hiburu 3:1 - Naaŋmen Nɔpaalaa Gane

¹ Azuiŋ, n yɔɔmine ane n yɔɔpuuli naŋ e nensonne a poɔ a tenvelaa noba boɔlaa poɔ, yɛ nyɛ a Yeezu ka O waa apostolii ane a te yeldeebo Naaŋmen bagmaalkare neŋkpoŋ,

Hiburu 3:1 ပူးပေါင်းရင်းမြစ်များ

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 20:21

A Yeezu da laboreŋ yeli ko ba la, “Ka maaroŋ be yɛ zie. Aŋa lɛ N Saa naŋ da toŋ ma, lɛ la ka N meŋ tonɔ yɛ.”

Gyɔɔn 20:27

Lɛ la ka O da yeli ko a Tɔmaase, “De a fo nubiri eŋ kyɛ, kyɛ kaa nyɛ N nuuri. De a fo nu eŋ a N lambori. Ta bonnɔ, kyɛ sage de.”

Toma 1:15

A bebie na poɔ, Piita da iri are la a yelderebɛ sogɔŋ (a noba zaa naŋ da lantaa da ta la kɔɔ ane lezare), kyɛ yeli:

Urom 11:17

Kyɛ ka ba naŋ da kɔɔre a teɛ ulli mine bare kyɛ ka ba de yɛnee naŋ waa moɔ poɔ kããteere ulli naŋ tore yi wa tɔnne ne a zie, ka yɛ meŋ nyu a kããteɛ ŋa nyaga naŋ nyɛ maaloo koɔ̃,

Urom 15:27

Ba poore da pɛlɛɛ la ka ba e a yeli ŋa, kyɛ serɛzaa, a e la ba feroo toma ka ba e a yeli ŋa, bonso, ka a Nemboore-yobo wa di a Gyuumine seeloŋ maaloo tɔnɔ, ka lɛ, a seŋ ka ba soŋ a Gyuumine ne boma ba naŋ taa.

Urom 15:8

Bonso, N yele korɔ yɛ la ka a Kirista leɛ la a banaŋ ba naŋ da iri ba dɛgre tontonɔ, a are a Naaŋmen yelmennoŋ gbɛbogriŋ ka ka O tu a nɔɛ ba naŋ da eŋ ko a sããkommine,

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

1 Kor 1:2

a puoruu laŋne deme naŋ be Korinti teŋɛ poɔ, ane banaŋ naŋ nyɛ pɛgeyiibu a Kirista Yeezu eŋɛ, ba naŋ boɔle ka ba e nensonne, a laŋ ne a banaŋ zaa naŋ be zie na zaa a boɔlɔ a Daana Yeezu Kirista yuori, a Onaŋ naŋ waa ba Daana ane te Daana:

1 Kor 10:17

Boroboro yeni naŋ bebe zuiŋ, tenee naŋ waa yaga, waa la eŋgan-yeni, bonso, te zaa la maŋ laŋ ɔɔ a boroboro yeni.

1 Kor 9:23

N erɛ la ama zaa a Ŋmen-yelnoore zuiŋ, ka ka N na toɔ̃ nyɛ a yelnoore maaloo.

Korinti 1:7

Te daŋ ba bonnɔ ne a teɛretɔroo te naŋ taa yɛ eŋɛ, bonso, te baŋ ka yɛ naŋ laŋ ne te a te dɔgɛɛ poɔ, lɛ meŋ la ka yɛ poɔ a te mooreteroo poɔ.

Korinti 9:13

A tonnoɔre ŋa ba naŋ tegre nyɛ zie, yɛ maŋ puuro la Naaŋmen a yɛ Kirista yelnoore sagedeebo eŋɛ ane a yɛ kyɔɔtaa yɛ naŋ tere ka ba pono korɔ ba ane a noba zaa,

EFESU 3:6

A lɛ tɛgɛ la, a Nemboore-yobo meŋ leɛ la a te gbandi-taaba, a waa eŋgan-yeni nandaare, a waa noba naŋ poɔ a nɔ-eŋnaa naŋ be a Kirista Yeezu eŋɛ a yi a Ŋmen-yelnoore zuiŋ.

EFESU 4:1

Maa naŋ waa nempɔgraa a Daana eŋɛ, sɔrɔ yɛ la ka yɛ taa a yɛ nyɔvoɛ a seŋ ne a boɔlɔ na eŋɛ ba naŋ da boɔle yɛ.

EFESU 4:4

Eŋgan-yeni ane Vooroŋ Soŋ yeni la bebe, aŋa lɛ ba naŋ da boɔle yɛ eŋ teɛretɔroo yeni boɔlaa poɔ,

Filipai Deme Gane 3:14

N erɛ la aneɛ a gɛrɛ niŋe ka N ta a taabo zie a nyɛ a tenvelaa kyɔɔtaare na eŋɛ Naaŋmen naŋ boɔle ma eŋ a Kirista Yeezu eŋɛ.

KOLO 1:12

a puoro a Saa bareka, Ona la e ka yɛ ne a nensonne laŋ gbandiruŋ a veɛloŋ poɔ.

KOLO 1:22

kyɛ pampana, O leɛ maale la yɛ ne O yɛlɛ ka a kpɛ taa a O eŋgannoŋ poɔ a yi kũũ eŋɛ, ka ka O na de yɛ tere ka yɛ waa soŋ a ba taa saanaa ane faaloŋ zaa O niŋesogɔ;

KOLO 3:12

Yɛ naŋ waa Naaŋmen neŋkaa-irri, nensonne ane O poyɛŋ noba zuiŋ, yɛ de nyonono, nimimaaroŋ, sigruumilluu, sumaaroŋ ane kannyiri su pɔge yɛmenne aŋa bonsuuri.

I Tesa 2:12

Te da kpaala yɛ la kyɛ yele yɛlɛ teɛrɛ yɛ, a sɔrɔ ka yɛ taa a yɛ nyɔvoɛ ka a seŋ ne a Naaŋmen naŋ boɔrɔ lɛ. Ona la boɔle yɛ eŋ a O meŋɛ naaloŋ ane a O puubu poɔ.

I Tesa 5:27

N korɔ yɛ la noɔre a Daana eŋɛ ne nimizeɛ zaa ka yɛ sɔre a lɛtɛ ŋa ko a noba zaa.

II Tesa 1:11

A ŋaa zuiŋ, te maŋ puoro korɔ yɛ la tegitegilɛ, a sɔrɔ ka ka a te Naaŋmen e ka yɛ seŋ ne a O boɔlaa, kyɛ ka a O kpeɛ̃õ soŋ yɛ ka yɛ toɔ̃ toŋ tonveɛle zaa ane a yeldeebo toma,

II Tesa 2:14

A yeli ŋa zuiŋ la ka Naaŋmen tu a yelnoore te naŋ moɔlɔ zie a boɔle yɛ ka ka yɛ na toɔ̃ nyɛ a te Daana Yeezu Kirista puubu.

1 Tim 6:12

Zɔɔrɔ a yeldeebo zɔɔre naŋ soma; nyɔge a nyɔvo-babaaraa taa, o eŋɛ la ka ba da boɔle fo ka fo da di danse-soŋ a dansediribe yaga niŋesogɔ.

1 Tim 6:2

A gbaŋgbaare banaŋ nembɛrɛ naŋ e yelderebɛ ba seŋ ka ba erɛ nimikpɛ yɛlɛ korɔ ba, a nembɛrɛ naŋ poɔ a puoruu laŋne poɔ zuiŋ; kyɛ a ferɛɛ la ka ba maaleŋ tonɔ korɔ ba yaga, bonso, a banaŋ naŋ nyɛrɛ a ba toma tɔnɔ waa la yelderebɛ ane poyɛŋ noba. Kanna kyɛ kpaala yele a feroo toma ama yɛlɛ.

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

2 Tim 2:7

Teɛre nyɛ bonna N naŋ yele, bonso, a Daana na ko fo la yelbammo yelzaa poɔ.

Hiburu 10:19

Azuiŋ n bamine, te naŋ taa bambaare a na tu a Yeezu zẽẽ zie kpɛ a zisoŋ poɔ,

Hiburu 10:21

Te naŋ taa Naaŋmen bagmaale wederɛ naŋ waa kpoŋ ka O kaara a Naaŋmen yiri,

Hiburu 10:23

Yɛ e ka te nyɔge a te yeldeebo teɛretɔroo te naŋ taa kpeɛŋaa, bonso, a soba na naŋ eŋ a noɔre ŋa ko te waa la nemmeŋɛ.

Hiburu 13:22

N yɔɔmine ane n yɔɔpuuli, N sɔrɔ yɛ la, yɛ di kannyiri ne a n yelteɛbo yelbie, bonso ŋmaa ŋmaa lɛ la ka N da sɛge ko yɛ.

Hiburu 2:11

Bonso, a soba na naŋ peerɛ yelbebe bara ane banaŋ yelbebe ba naŋ peere bare zaa taa la Saa yeni. A ŋaa zuiŋ la ka Yeezu ba zoro vi ka O boɔle ba O yɔɔmine ane n yɔɔpuuli,

Hiburu 2:17

A lɛ zuiŋ a da ferɛɛ la ka O waa ŋa a O yɔɔmine ane O yɔɔpuuli yelzaa poɔ, ka ka O na waa Naaŋmen bagmaalkare neŋkpoŋ naŋ taa nembaalonzoe ane yelmennoŋ, ka O maale bagre a nensaalba yelbebe zuiŋ.

Hiburu 3:12

N yɔɔmine ane n yɔɔpuuli, yɛ gu yɛmenne velaa, ka yɛ kanzaa ta wa taa sukyiri faa naŋ ba taa yeldeebo naŋ na vɛŋ ka o bare a Naaŋmen-vore tuubu.

Hiburu 3:14

Bonso, te leɛ la a Kirista tonton-taaba ka tenee wa nyɔge a te dɛndɛŋ yeldeebo taa kpeɛŋaa te ta a baaraa saŋ.

Hiburu 6:20

be la ka Yeezu da de te weɛ te kpɛ a te zuiŋ, O naŋ da leɛ a Naaŋmen bagmaalkare neŋkpoŋ tegitegilɛ, a Mɛlekizɛdɛk tuuluŋ sori poɔ.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

Hiburu 7:28

A Naaŋmen bege maŋ iri la noba naŋ na baŋ taa bambaaloŋ a e ka ba waa Naaŋmen bagmaalkare nembɛrɛ, kyɛ a noɔre polloo yelbiri naŋ da tu a bege puori wa, iri la Bidɔɔ ba naŋ e ka o waa soŋ tegitegilɛ.

Hiburu 9:11

Kyɛ a Kirista naŋ da wa, a waa a bonveɛle na naŋ waa Naaŋmen bagmaalkare neŋkpoŋ, o pãã tu la a sege naŋ e kpoŋ yaga kyɛ veɛlɛ o zaa (nuuri naane ka ba maale ne o, a tɛgɛ la: o ba e teŋɛzu bon-iraa),

Hiburu 9:15

A yeli ŋa zuiŋ la so ka a Kirista e a nɔ-eŋ paalaa yelmaala, ka ka a banaŋ ba naŋ boɔle na toɔ̃ nyɛ a noɔre naŋ ba taa baaraa ba naŋ eŋ gbandiruŋ. Bonso, kũũ koɛ la a faa ba yi ne a dɛndɛŋ nɔ-eŋnaa yelfaare poɔ.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 3:5

A ŋaa la ka a dakoroŋ saŋ pɔgsonne naŋ da de ba teɛretɔroo eŋ Naaŋmen eŋɛ da maŋ vɛŋ ka ba veɛloŋ waa. Ba da maŋ sigre la bamenne korɔ ba serebɛ.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

Gyud 1:1

Maa Gyud naŋ e a Yeezu Kirista tontonɔ kyɛ waa Gyimisi yɔɔ la sɛgrɛ a lɛtɛ korɔ a banaŋ a Saa Naaŋmen naŋ boɔle ka ba e O poyɛŋ noba, ka O gu ba taa velaa ko a Yeezu Kirista:

Yel-iriwulaa Gane 17:14

Ba na zɔɔ ne la a Pilee, kyɛ a Pilee na zɔɔtoɔ̃ ba la, bonso, Ona la a daanema zaa Daana ane namine zaa Naa, ka a banaŋ naŋ be O zie waa noba ba naŋ boɔle, a kaa-iri kyɛ ka ba taa yelmeŋɛ.”

Yel-iriwulaa Gane 18:20

Sazu ane yɛnee nensonne ane apostoliimine ane Ŋmen-yelmanneba, yɛ kyellɛ o zuiŋ! Bonso, Naaŋmen di la o sɛrɛɛ ne bon o naŋ e ko yɛ.