Hiburu 2:9 - Naaŋmen Nɔpaalaa Gane

⁹ kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.

Hiburu 2:9 ပူးပေါင်းရင်းမြစ်များ

Matio Gane 16:28

Yelmeŋɛ ka N yele korɔ yɛ, yɛ mine be la kyɛ a naŋ koŋ kpi sɛre, kyɛ nyɛ a Nensaala Bie ka O waana ne O naaloŋ.”

Matio Gane 6:28

Ka bonso, ka yɛ kyerɛ bonsuuri yɛlɛ? Yɛ kaa nyɛ a baa pɛmpɛllɛ naŋ maŋ baara lɛ. A ba tonɔ toma bee a wuoro pɛmɛ,

Marko Gane 9:1

A Yeezu da yeli ko ba la, “Yelmeŋɛ ka N yele korɔ yɛ, noba mine are la a kyɛ a koŋ kpi kyɛ te ta lɛ saŋ ba naŋ na nyɛ a Naaŋmen naaloŋ ka o waana ne kpeɛ̃õ.”

Luka 9:27

Kyɛ serɛzaa ka N yele korɔ yɛ, yɛ mine naŋ are a kyɛ koŋ kpi sɛre, kyɛ nyɛ a Naaŋmen naaloŋ.”

Gyɔɔn 1:29

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 10:17

A ŋaa zuiŋ la ka a Saa nɔŋ ma, bonso, N de la N nyɔvore tere ka ka N na leɛ de o.

Gyɔɔn 12:32

Kyɛ maa eŋ, ka ba naŋ wa zɛge ma a teŋɛ ŋa zu ka N do saa, N na tage la nensaalba zaa wa ne N zie.”

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 8:51

Yelmeŋɛ zaa ka N yele korɔ yɛ, soba na zaa naŋ tuuro a N yɛlɛ daŋ koŋ kpi.”

Gyɔɔn 8:52

Ka a Gyuumine da yeli ko O, “Ŋaa te pãã baŋ ka fo taa la sefaa. A Aboraham kpie la, ka a Ŋmen-yelmanneba meŋ da kpi, kyɛ ka fo yeli, ‘Neɛzaa naŋ sage de a N yɛlɛ daŋ koŋ kpi.’

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 3:13

A Aboraham Naaŋmen, a Aziki Naaŋmen ane a Gyekɔb Naaŋmen ane a te sããkommine Naaŋmen la e ka o tontonɔ Yeezu nyɛ puubu, Ona la ka yɛ da de tere, a gyɛ O bare a Pilato niŋesogɔ, aneazaa ka a Pilato da boɔrɔ la ka o bare O.

Urom 5:18

Azuiŋ, a ŋa lɛ neŋyeni yelbieri eebo naŋ taa nensaalba zaa kpɛ ne weɛbo poɔ, lɛ meŋ ka neŋyeni mennoŋ eebo na taa noba zaa kpɛ ne mennoŋ ane nyɔvore poɔ.

Urom 5:8

Kyɛ Naaŋmen wuli la O nɔmmo ko te, bonso, te naŋ da naŋ waa yelbe-erebɛ, a Kirista da kpi la te zuiŋ.

Urom 8:3

Bonso, Naaŋmen da e la bonna a bege naŋ da kontoɔ̃ e, a nensaala bambaaloŋ naŋ da e ka o ba taa faŋ zuiŋ: A Naaŋmen da toŋ la O meŋɛ Bidɔɔ ka O wa de nensaala waaloŋ naŋ e yelbieri eŋɛ, kyɛ O naŋ da boɔrɔ ka O zɔɔ ne yelbieri, O da sãã la yelbieri yi nensaaloŋ eŋɛ,

Urom 8:32

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

Korinti 5:15

O da kpie la ko a noba zaa ka ka a banaŋ naŋ voorɔ koŋ la voorɔ bamenne eŋɛ, kyɛ ba na voorɔ la korɔ a soba na naŋ da kpi kyɛ leɛ-iri a kuuni poɔ.

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

1 Tim 2:6

a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

Hiburu 1:9

Fo nɔŋ la mennoŋ kyɛ kyiiri potuoloŋ. A lɛ zuiŋ, Naaŋmen, a fo Naaŋmen, sɔ fo la ne popeɛloŋ kããsoŋ a gaŋ fo taaba.”

Hiburu 10:5

A lɛ zuiŋ, a Kirista naŋ da wa a teŋɛzu O da yelee la: “Fo ba boɔrɔ bagmaale ane kyɔɔtaare, kyɛ fo nare la eŋɛ ko ma.

Hiburu 11:5

Yeldeebo zuiŋ la so ka Enɔke da ba kpi kyɛ ka Naaŋmen da de o do ne tenvelaa. “Ba da ba nyɛ o, bonso, Naaŋmen da de o la gaa ne.” Ba da di la danseɛ ka “Naaŋmen poɔ da pɛle ne o la sɛre” kyɛ ka Naaŋmen da de o gaa ne.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 2:7

Fo da maale ba la ka ba sigi belaa gaŋ a malekere; kyɛ ka fo ko ba puubu ane emmo,

Hiburu 7:25

A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

Hiburu 8:3

Ba maŋ iri la Naaŋmen bagmaalkare neŋkpoŋ zaa ka o terɛ kyɔɔtaare kyɛ maala bagre. Azuiŋ, a ferɛɛ la ka a Naaŋmen bagmaale wederɛ ŋa meŋ taa bonkaŋ a na tere.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.

Yel-iriwulaa Gane 19:12

A O nimie da waa ŋa vũũzele kyɛ ka nazupile yaga be o zu eŋɛ; kyɛ ka ba sɛge yuori kaŋ eŋ o eŋɛ ka neɛzaa ba baŋ o tɛgɛ ka O yoŋ naane.

Yel-iriwulaa Gane 5:9

Ba da yiele la yieluŋ paalaa: “Fo seŋɛɛ la ka fo de a gane a lagre a suni bare, bonso, ba da ko fo la, kyɛ ka fo da de fo zẽẽ yɔɔ de ne nensonne naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore ko Naaŋmen.