Hiburu 2:2 - Naaŋmen Nɔpaalaa Gane

² Ka a yɛlɛ naŋ da tu a malekere zie wa da waa yelmeŋɛ, ka faaloŋ zaa bee tookoŋwoŋyɛlɛ deme da nyɛ dɔgroŋ naŋ seŋ ne,

Hiburu 2:2 ပူးပေါင်းရင်းမြစ်များ

Toma 7:53

Yɛnee la da de a begɛ a malekere zie kyɛ da ba tu a.”

Galesiya 3:19

Ka boŋ pãã so ka a bege bebe? Yelfaare zuiŋ la so ka ba da tere a bege, ka o wa bebe a te ta saŋ na a bie naŋ na wa, a onaŋ ba naŋ da eŋ a noɔre tere; ka yelmaala da tu malekere zie a biŋ a yɛlɛ ama.

Hiburu 1:1

A dakoroŋ saŋ, Naaŋmen da tu la O yelmanneba zie kyɛ yeli yɛlɛ gbɛɛ yaga ane sobie tɛɛtɛɛ ko a te sããkommine.

Hiburu 10:28

Neɛ na zaa naŋ wa sãã a Moozul bege ba maŋ ko o la a ba zo o nembaaloŋ, “ka noba bayi bee bata wa di danseɛ.”

Hiburu 10:35

Azuiŋ, yɛ ta wa bara a bambaare yɛ naŋ taa; o na ko yɛ la san-yɔɔ kpoŋ.

Hiburu 11:26

O da nyɛɛ la ka dɔgɛɛ o naŋ na nyɛ a Kirista zuiŋ waa naboma yaga gaŋ a Igyipiti teŋɛ naboma, bonso, o da kyɛllɛ la ka o nyɛ a kyɔɔtaa naŋ be o niŋeŋ waana.

Hiburu 11:6

Ka neɛŋ ba taa yeldeebo o daŋ koŋ baŋ pɛle Naaŋmen poɔ, bonso, neɛzaa naŋ waana O zie, a ferɛɛ la ka o soba sage de ka Naaŋmen bebe la, a maŋ yɔɔ banaŋ naŋ boɔrɔ O yɛlɛ.

Hiburu 12:25

Yɛ kaara velaa a ta wa zagre a soba na naŋ yele a yɛlɛ. Bonso, ka ba naŋ da ba yi a poɔ ba naŋ da zagre a soba na naŋ kpãã ba a teŋɛzu, wola ka te na e toɔ̃ yi a poɔ ka tenee wa zagre a soba na naŋ kpaana te yi a tenvelaa poɔ.

2 Pit 1:19

Lɛnso, te nyɛ la a Ŋmen-yelmanneba yelyelii ka a sereŋ waa lɛ. A pãã seŋ ka yɛ mɔ a eŋ toori velaa kyɛlle a yeli ŋa aŋa fentelɛ naŋ kyaane lige poɔ, a te ta saŋ na zie naŋ wa vɛlɛ kyɛ ka zinyaakyeŋkyoɔlaa puri yɛ sukyie poore.

Gyud 1:5

Pampana, N boɔrɔ la ka N leɛ-teɛre yɛ, aneazaa ka yɛ baŋ la yɛlɛ ka a ta, ka a Daana naŋ da faa a noba baare dayenaa lɛ yi a Igyipiti teŋɛ poɔ, kyɛ a lɛ puoriŋ, O da ko la a banaŋ naŋ da ba sage de a O yɛlɛ.