Hiburu 2:10 - Naaŋmen Nɔpaalaa Gane

¹⁰ A da tu la sori ka Naaŋmen naŋ so a boma zaa kyɛ ka a zaa tu O zie a wa bebe, ka O taa biiri yaga wa ne puubu poɔ. A da ferɛɛ la ka O e ka a soba na naŋ na de ba weɛ e ka ba faabo tori dɔgɛɛ poɔ.

Hiburu 2:10 ပူးပေါင်းရင်းမြစ်များ

Luka 13:32

Ka a Yeezu yeli ko ba, “Yɛ gaa te yeli ko a badɛre na ko ma, ‘N digre la sefaare bara kyɛ saŋ na baalba zenɛ ane bieu, kyɛ a beri ata daare N na baare la N toma.

Luka 2:14

“Ka Naaŋmen nyɛ puubu a sazu tɔɔre zaa, kyɛ ka teŋɛzu kyɛ ka banaŋ O poɔ naŋ pɛle ne nyɛ emmaaroŋ!”

Luka 24:26

A da ba seŋ ka a Mɛzaaya di a dɔgɛɛ ama kyɛ pãã kpɛ a O naaloŋ poɔ be?”

Luka 24:46

kyɛ ka O da yeli ko ba, “A lɛ la ka ba sɛge ka a Mɛzaaya na nyɛ la dɔgɛɛ kyɛ leɛ-iri a kuuni poɔ a beri ata daare.

Gyɔɔn 11:52

A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni.

Gyɔɔn 19:30

A Yeezu naŋ da wa lɛnne a dããmiiruŋ, O da yelee la, “A baarɛɛ la.” O pãã da suli la O zu kyɛ ŋmaa vooroŋ.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 5:31

Naaŋmen zɛge O la ka O do zeŋ a O nuduluŋ seŋ a waa Wederɛ ane Faara, ka ka O na e ka a Izerayɛl noba nyɛ meŋɛ-leɛbo ane yelbebe sudi.

Urom 11:36

Bonso, a O zie la ka boma zaa yi, a O zie la ka boma zaa tu kyɛ wa, a O zie la ka a boma zaa be. Ona la seŋ ne puubu tegitegilɛ. Ameena.

Urom 9:23

O da e la a lɛ ka ka ba baŋ O puubu naŋ e kpoŋ seŋ lɛ a ko noba na O naŋ zoro ba nyonono, bana la ka O da daŋ nare biŋ O puubu eŋɛ;

1 Kor 2:7

Kyɛ te yele la a Naaŋmen yɛmbaŋ yɛlɛ naŋ e yelsɔglɔ a ba sãã. A yɛmbaŋ ŋa la ka Naaŋmen da daŋ nare biŋ a te puubu eŋɛ kyɛ ka bonzaa da naŋ ba kyebe sɛre.

1 Kor 8:6

kyɛ tenee eŋ zie, Naaŋmen yeni yoŋ la bebe, Ona la a Saa. O zie la ka a boma zaa yi kyɛ ka te voorɔ O zuiŋ. Kyɛ Daana yeni yoŋ la bebe, a Yeezu Kirista, a Onaŋ zie a boma zaa naŋ tu yi a wa bebe kyɛ ka te tu O zie a voorɔ.

Korinti 3:18

Kyɛ te banaŋ zaa ba naŋ yuo a pɛne bare a te niŋeŋ, ka te nyɛrɛ a Daana puubu aŋa bon naŋ sãã kyaanaa poɔ, te leɛ taa la a O waaloŋ, a maŋ yi veɛloŋ ŋa poɔ a te kpɛ kaŋ poɔ. Bonso, a yeli ŋa yi la a Daana zie, Ona la a Vooroŋ Soŋ.

Korinti 4:17

A tuo belaa ŋa te naŋ nyɛrɛ pampana ŋa, nara te la ka te na nyɛ puubu naŋ ba taa baaroo ka ba kontoɔ̃ manne,

Korinti 5:18

Naaŋmen zie la ka a ama zaa yi, Ona la tu a Kirista zie a maale te ne O yɛlɛ ka a leɛ noma, kyɛ de a leɛ maale taa tonnoɔre ko te.

Korinti 6:18

ka N waa yɛ saa, kyɛ ka yɛ waa N bidɔbɔ ane N pɔgeyaare, a Kpeɛ̃õ Zaa Daana la yele.”

Galesiya 3:26

bonso a Kirista Yeezu poɔ, yɛ zaa waa la Naaŋmen biiri a yi yeldeebo eŋɛ.

EFESU 2:7

O da e la a ŋaa ka ka nendaare kaŋ ka O wuli a O garaaseɛ naŋ ba taa mannoo ane a O nimibaaloŋ O naŋ taa kyaare ne te a Yeezu Kirista zuiŋ.

EFESU 3:10

ka ka O tu a puoruu laŋne deme zie a e ka a namine ane a kpeɛ̃õ deme naŋ be a sazu poɔ baŋ a Naaŋmen yɛŋ parɛɛ parɛɛ.

KOLO 3:4

Ka a Kirista naŋ waa a yɛ nyɔvore wa sãã, lɛ meŋ la ka yɛ ne O pãã na laŋ sãã a O puubu poɔ.

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 6:20

be la ka Yeezu da de te weɛ te kpɛ a te zuiŋ, O naŋ da leɛ a Naaŋmen bagmaalkare neŋkpoŋ tegitegilɛ, a Mɛlekizɛdɛk tuuluŋ sori poɔ.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

Hiburu 7:28

A Naaŋmen bege maŋ iri la noba naŋ na baŋ taa bambaaloŋ a e ka ba waa Naaŋmen bagmaalkare nembɛrɛ, kyɛ a noɔre polloo yelbiri naŋ da tu a bege puori wa, iri la Bidɔɔ ba naŋ e ka o waa soŋ tegitegilɛ.

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

Yel-iriwulaa Gane 4:11

“Te Daana Naaŋmen, fo seŋ ne la ka fo nyɛ puubu, emmo ane kpeɛ̃õ, bonso, fõõ la da iri a boma zaa, kyɛ a fo poboɔbo zuiŋ la ka fo da iri a, ka a da bebe.”

Yel-iriwulaa Gane 7:9

A ŋaa puoriŋ, N da kaaɛ la a nyɛ nembeɛoŋ ka neɛzaa da koŋ baŋ sɔre ba. Ba da yi la a tenne zaa poore, a yi a bale zaa poore ane nemboorɔ zaa poɔ ane kɔkɔɛ zaa poɔ. Ba da su la kparpeɛle kyɛ taa kpaakpaa vaare ba nuuri poɔ a da are a nakogi ane a Pilee niŋesogɔ.