Hiburu 13:5 - Naaŋmen Nɔpaalaa Gane

⁵ Yɛ gu yɛmenne yi libi-nɔŋ eŋɛ, kyɛ vɛŋ ka yɛ niŋe paale ne bon yɛ naŋ taa, bonso, Naaŋmen yelee la, “N daŋ koŋ bare yɛ zaa bee a gyɛ yɛ bare.”

Hiburu 13:5 ပူးပေါင်းရင်းမြစ်များ

Matio Gane 6:19

“Yɛ ta boɔrɔ yɛ bondaaboma binne a teŋɛzu kyɛ, benee mɔgre ane zoɔ̃ naŋ na di a, bee nannyigri naŋ na kɔɔ a pane kyɛ kpɛ zu a;

Matio Gane 6:25

“Azuiŋ, N yele korɔ yɛ la, yɛ ta vɛŋ ka yɛ nyɔvore yɛlɛ dɔɔnɔ yɛ, bon yɛ naŋ na di bee a nyu, bee ka bonsuuri yɛlɛ dɔɔnɔ yɛ. A nyɔvore ba gaŋ a bondiraa be, ka a eŋɛ meŋ gaŋ a bonsuuri be?

Matio Gane 6:34

Azuiŋ, yɛ ta kyerɛ bieu yɛlɛ, bonso, a bieu meŋ taa la o meŋɛ deme. Bebiri zaa taa la o meŋɛ yɛlɛ.

Marko Gane 7:22

moɔrɔ toma, bombɔ-gaŋne, potuoloŋ, taaba bɛlloo, nemboŋyɛlɛ, nyuuri, yosãã, pɔloo, damboluŋ.

Luka 3:14

Ka sogyɛre meŋ soore o, “Ka te meŋ, wola ka te na e?” Ka o yeli ko ba, “Yɛ ta de kpaŋkpaŋkpeɛ̃õ faa ne neɛ libie bee a ŋmaa zirii tuo neɛ, kyɛ yɛ vɛŋ ka yɛ san-yɔɔ maŋ seŋ yɛ.”

Luka 8:14

A bombie na naŋ le a goore poɔ la banaŋ naŋ maŋ woŋ a yelbiri; kyɛ a ba yeldeebo poɔ, a teŋɛzu bombɔ yɛlɛ ane a bondaa-yɛlɛ maŋ fogle la a ba yeldeebo ko.

Urom 1:29

Ba da paale ne la potuoloŋ boorɔ zaa, faaloŋ, bombɔ-gaŋne ane yosãã. Ba da paale ne la nyuuri, neŋko, zɔɔzɔɔ-yɛlɛ, bɛllɛ, nyaayɛlɛ ane pozu,

1 Kor 5:11

Nyɛ, N sɛgrɛ korɔ yɛ la, ka yɛ ta laŋna ne neɛzaa naŋ boɔlɔ o meŋɛ Kiristabie, a kyɛ tonɔ peɛ̃mo toma bee a waa bombɔ-gaŋne soba, bee a waa tebɛ soba, zontoorɔ, dããnyukuolo, bee nannyig-kpeɛŋaa. Yɛ gba ta laŋna dire ne a neɛ ŋa tɔ.

1 Kor 6:10

nannyigri, a bombɔ-gaŋne deme, a dããnyukuolibo, a zontooreba, a nannyig-kpeɛne; a bama kanzaa koŋ kpɛ a Naaŋmen naaloŋ.

Korinti 4:9

Ba dɔgre te la, kyɛ ka Naaŋmen ba zagre te bare; ba ŋmɛ te la lɔɔ teŋɛ kyɛ ka te ba kpi.

EFESU 5:3

Kyɛ peɛ̃mo toma ane dɛgre boorɔ zaa, bee bieri gba ba seŋ ka ba porɔ a yɛ poɔ, aŋa a naŋ ba seŋ ka a lɛ be a nensonne poɔ.

EFESU 5:5

Yɛ baŋ a yeli ŋa velaa, ka neɛ naŋ tonɔ peɛ̃mo toma, bee nendɛgre bee bombɔ-gaŋne soba (a tɛgɛ la neɛ naŋ be tebɛ yɛlɛ poɔ) ba taa gbandiruŋ a Kirista ane a Naaŋmen naaloŋ poɔ.

KOLO 3:5

Azuiŋ, yɛ ko a teŋɛzu yɛlɛ zaa naŋ be yɛ enneŋ: peɛ̃mo toma, yeldɛgɛ, vɔlfaare, yelfaare boɔbo ane bombɔ-gaŋne (naŋ waa tebɛ maaloo).

1 Tim 3:3

A ba seŋ ka o waa dããnyukuolo bee a taa sutoloŋ kyɛ a seŋ ka o e neɛ naŋ taa sumaaroŋ, a ta e zɔɔŋmaara ane neɛ naŋ nɔŋ libie.

2 Pit 2:14

Ba eŋ la peɛ̃mo toma nimie, a ba bala yelbieri eebo. Ba maŋ bɛlle nyɔge la banaŋ yeldeebo naŋ ba e kpeɛŋaa. Ba milli ne la bombɔ-gaŋne. Ba waa la noba ba naŋ kaa-eŋ!

2 Pit 2:3

A ba bombɔ-gaŋne poɔ, ba na neɛ yɛ la ne ba bɛllɛ yelbie. Naaŋmen di la ba sɛrɛɛ sanzaa, ka ba dɔgroŋ ane ba sããmo peɛle.

Gyud 1:11

Ba yuori la we! Bonso, ba tu la a Keein sori na, a bare bamenne ko Balaam tuluu tɔnɔ ba naŋ boɔrɔ zuiŋ. Ba wɛ la a Koora koŋwoŋwuluu poɔ.