Hiburu 13:4 - Naaŋmen Nɔpaalaa Gane

⁴ Yɛ zaa yɛ taa emmo kyaare ne kultaa kyɛ gu a kultaa sɛŋ ka o ta wa sãã, bonso, Naaŋmen na di la peɛ̃mo toma ane moɔrɔ toma deme sɛrɛɛ.

Hiburu 13:4 ပူးပေါင်းရင်းမြစ်များ

1 Kor 5:13

Naaŋmen na di la a banaŋ naŋ ba waa Kiristabiiri sɛrɛɛ. “Yɛ digi a potuo soba ka o yi a yɛ poɔ.”

1 Kor 6:18

Yɛ zagre peɛ̃mo toma! Yelbieri na zaa neɛ naŋ maŋ e ba mɔgrɔ o eŋɛ, kyɛ neɛ naŋ toŋ peɛ̃mo toma e la yelbieri mɔge o meŋɛ eŋɛ.

1 Kor 6:9

Yɛ mɔɔ ba baŋ ka a yelfa-erebɛ koŋ kpɛ a Naaŋmen naaloŋ be? Yɛ ta bɛllɛ yɛmenne! Banaŋ naŋ tonɔ peɛ̃mo toma, noba naŋ maala tebɛ, banaŋ naŋ tonɔ moɔrɔ toma, dɔɔ gyɛnterre, dɔbɔ naŋ maŋ gana ne ba dɔɔ taaba,

1 Kor 7:38

Azuiŋ, soba na naŋ de pɔgsarlee o naŋ eŋ noɔre ka o na de la, e la velaa; kyɛ neɛ naŋ ba de pɔge la mɔ yaga.

1 Kor 9:5

Te ba taa sori ka Kirista-bipɔge naŋ kuli serɛ beɛle te aŋa ba naŋ da maŋ beɛlɛ a te apostolii taaba ane a Daana yɔɔmine ane Sefase be?

Korinti 5:10

Bonso, a ferɛɛ la ka te zaa are a Kirista sɛredi kogo niŋesogɔ ka O di te sɛrɛɛ ka te kanzaa nyɛ o san-yɔɔ, ka velaa bee ka faa la, a kyaare ne bon o naŋ e ne a o eŋɛ.

Galesiya 5:19

Nyɛ, a eŋgane tontonne sããɛ la weliweli: peɛ̃mo toma, yeldɛgɛ, nemboŋyɛlɛ,

Galesiya 5:21

bombɔ-faare, dããnyukuoli, tolomala ane anaŋ zaa naŋ waa ŋa a yɛlɛ ama taaba. N kpaana yɛ la aŋa N naŋ da daŋ kpãã yɛ lɛ: banaŋ naŋ erɛ a yɛlɛ ama taaba koŋ di a Naaŋmen naaloŋ gbandiruŋ.

EFESU 5:5

Yɛ baŋ a yeli ŋa velaa, ka neɛ naŋ tonɔ peɛ̃mo toma, bee nendɛgre bee bombɔ-gaŋne soba (a tɛgɛ la neɛ naŋ be tebɛ yɛlɛ poɔ) ba taa gbandiruŋ a Kirista ane a Naaŋmen naaloŋ poɔ.

I Tesa 4:6

A ŋaa poɔ, neɛzaa ta wa saana o yɔɔ bee o yɔɔpuulee poɔ bee a faara ba, bonso, a Daana e la san-yaara a yɛlɛ ama zaa poɔ, aŋa lɛ te naŋ da daŋ yeli ko yɛ kyɛ kpãã yɛ ne te poɔ zaa.

1 Tim 3:12

A diikin mine seŋ ka ba taa pɔge yeni, a kaara ba bibiiri ane ba yideme zaa zu velaa;

1 Tim 3:2

Azuiŋ, a ferɛɛ la ka a besɔp ta taa saanaa zaa ka ba yele, a taa pɔge yeni, a baŋ o meŋɛ taabo, a baŋ yɛŋ, a taa gyeremɛ, a waa neɛ naŋ maŋ derɛ noba saanoŋ kyɛ e neɛ naŋ maŋ toɔ̃ wuli noba velaa.

1 Tim 3:4

A ferɛɛ la ka o kaara o meŋɛ yideme zu velaa, a e ka o bibiiri sigre bamenne kyɛ eŋnɛ noba yelzaa poɔ;

1 Tim 4:3

A noba bama yeli ka kultaa e la kyiiruŋ kyɛ tere noɔre ka ba ta dire bondirii mine Naaŋmen naŋ iri ka a da seŋ ka a banaŋ naŋ sage de a Naaŋmen yɛlɛ kyɛ baŋ a yelmeŋɛ na dire kyɛ puoro O bareka.

1 Tim 5:14

Azuiŋ, N na boɔrɔ la ka pɔg-kɔbɔ naŋ ba kore kuli serebɛ, a dɔge biiri a kyɛ kaara ba yie, ka a dɔndɔmɔ ta nyɛ sori to te zoma.

TITU 1:6

A seŋ ka yɛ iri neɛ naŋ ba taa saanaa zaa, kyɛ taa pɔge yeni, ka o bibiiri waa yelderebɛ, ka noba ta yele ba yelfaare yɛlɛ bee a ta waa biiri naŋ ba sagra ba dɔgrebɔ nɔɛ.

Hiburu 12:16

Yɛ kaara velaa ka neɛzaa ta wa waa ŋa Esɔ naŋ da waa peɛ̃mo toma soba ane neɛ naŋ ba zoro Naaŋmen, a da de o kponnuŋ koɔre bondirii o naŋ na di dayeni eŋɛ.

Yel-iriwulaa Gane 22:15

A nenfaare ane a banaŋ naŋ erɛ sɔyɛlɛ ane a banaŋ naŋ tonɔ peɛ̃mo toma ane a neŋkooreba ane a banaŋ naŋ puoro tebɛ ane neɛzaa naŋ nɔŋ kyɛ ŋmaara zirii na be la a yeŋ poɔ.