Hiburu 12:2 - Naaŋmen Nɔpaalaa Gane

² a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 12:2 ပူးပေါင်းရင်းမြစ်များ

Matio Gane 16:21

A yi a lɛ saŋ gɛrɛ, Yeezu da piili yele la weliweli korɔ a O potuuribo, ka feroo la ka O gaa Gyɛruzɛlɛm, a te nyɛ dɔgɛɛ yaga a nembɛrɛ ane a Naaŋmen bagmaalkare ane a Naaŋmen bege wulwulibo nuuri poɔ, ka ba ko O, kyɛ a beri ata daare ka O leɛ-iri yi a kũũ poɔ.

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Marko Gane 14:36

O da yelee la, “N Ba, N Saa, yɛlɛ zaa na toɔ̃ nyɛ la eebo fo zie, de a zuŋmanekoɔ̃ ŋa yi N zie, ka a ta e seŋ lɛ maa naŋ boɔrɔ, kyɛ e seŋ fõõ naŋ boɔrɔ lɛ.”

Marko Gane 15:28

Lɛ ka a gansoŋ yelbie tu a tuubu, “Ba da sɔre O la eŋ yelbe-erebɛ poɔ.”]

Marko Gane 16:19

A Daana Yeezu naŋ da wa yeli a yɛlɛ ko ba baare, ba da de O la do ne tenvelaa ka O te zeŋ Naaŋmen nuduluŋ seŋ.

Marko Gane 9:12

Ka a Yeezu yeli ko ba, “Elaagya sereŋ na de la weɛ wa, a wa maale a yɛlɛ zaa eŋ a bogriŋ. Ka boŋ pãã la so ka ba sɛge a Naaŋmen gane poɔ, ka a ferɛɛ la ka a Nensaala Bie woŋ tuo, kyɛ ka ba e O nimikpɛ yɛlɛ?

Marko Gane 9:24

A daadaalɛ ka a bie saa ŋmɛ kpɛlle a yeli, “N sage deɛ la, soŋ a n yeldeebo naŋ ba seŋ bon.”

Luka 17:5

Apostoliimine da yeli ko la a Daana, “E ka a te yeldeebo la do saa poɔ!”

Luka 23:11

A Hɛrɔde ne a o sogyɛre gba da dɛge la a Yeezu yaga, a e O la. A de kpar-kpoŋ su O, kyɛ e ka ba leɛ taa O gaa ne a Pilato zie.

Luka 24:26

A da ba seŋ ka a Mɛzaaya di a dɔgɛɛ ama kyɛ pãã kpɛ a O naaloŋ poɔ be?”

Gyɔɔn 1:29

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 12:24

Yelmeŋɛ zaa la ka N yele korɔ yɛ, ka kabiri ba le teŋɛ a poɔ̃, o maŋ e la kabi-yeni. Kyɛ ka o naŋ wa poɔ̃, o maŋ buli la a eŋ bie yaga.

Gyɔɔn 12:32

Kyɛ maa eŋ, ka ba naŋ wa zɛge ma a teŋɛ ŋa zu ka N do saa, N na tage la nensaalba zaa wa ne N zie.”

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Gyɔɔn 8:56

A yɛ Sããkoma Aboraham da kyellɛ la ka o nyɛ a N waabo bebiri. O da nyɛ o la ka a da e o noɔ.

Toma 2:36

Azuiŋ yɛ vɛŋ ka a Izerayɛl noba zaa baŋ kyerete ka Naaŋmen zɛge la a Yeezu ŋa yɛ naŋ da kpa a dagaraa zu, ka O waa Daana ane Mɛzaaya.”

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 5:31

Naaŋmen zɛge O la ka O do zeŋ a O nuduluŋ seŋ a waa Wederɛ ane Faara, ka ka O na e ka a Izerayɛl noba nyɛ meŋɛ-leɛbo ane yelbebe sudi.

Toma 5:41

Ba naŋ da wa yi a sɛrɛɛdiibu zie, ba da kyellɛ la ne ba meŋ naŋ seŋ ne ka ba di vi a Yeezu yuori eŋɛ.

1 Kor 1:18

A Kirista dagaraa zu kũũ duoro waa la damboluŋ a ko banaŋ naŋ weɛrɛ, kyɛ waa a Naaŋmen kpeɛ̃õ ko a te banaŋ naŋ nyɛ faabo.

1 Kor 1:23

kyɛ tenee eŋ moɔlɔ la a Kirista ba naŋ da kpa a dagaraa zu, naŋ waa gbɛŋmɛ-le bon a Gyuumine zie, kyɛ waa dambol-yɛlɛ a Giriki noba zie,

EFESU 2:16

kyɛ e ka a nemboore-parɛɛ ayi ne Naaŋmen leɛ maale taa a yi a Yeezu dagaraa zu kũũ eŋɛ a pãã ko a dɔŋ naŋ da be ba sogɔŋ.

EFESU 5:2

a taa nɔmmo aŋa lɛ a Kirista naŋ da nɔŋ te lɛ, a de O meŋɛ tere ka ba maale ne bagre naŋ nyuuro noɔ Naaŋmen zie.

Filipai Deme Gane 1:6

N ba bonnɔ ne a yeli ŋa, ka a soba na naŋ da piili a tonsoŋ yɛ poɔ na toŋ a la ka a te baare, a te ta a Yeezu Kirista waabo daare.

Filipai Deme Gane 3:20

Kyɛ tenee e la a tenvelaa biiri, a be la ka te kyɛllɛ a Faara, a Daana Yeezu Kirista ka O yi be leɛ wa.

2 Tim 4:8

A yi ŋaa gɛrɛ, ba nare la a mennoŋ nazupili biŋ kyɛllɛ ne ma, ona la ka a Daana, a sɛredi-meŋɛ na ko ma a bebiri na daare. Maa yoŋ naane ka O na ko, kyɛ O na ko la a banaŋ zaa naŋ kyɛllɛ a O leɛ waabo.

Hiburu 1:13

Kyɛ a malekere buo soba la ka O daŋ yeli: “Zeŋ a N nuduluŋ seŋ a te ta saŋ na N naŋ na e ka a fo dɔndɔnne leɛ fo gbɛɛ bimmu zie”?

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Hiburu 10:14

Bonso, bagre dayeni yoŋ la ka O maale ka banaŋ zaa naŋ nyɛ pɛgeyiibu na nyɛ sonnoŋ tegitegilɛ.

Hiburu 10:33

Saŋ kaŋ poɔ yɛ da maŋ nyɛ la zoma ane dɔgroŋ neŋyaga niŋeŋ, ka saŋ kaŋ meŋ ka yɛ be a banaŋ ba naŋ erɛ a lɛ poɔ.

Hiburu 11:36

A yeldeebo zuiŋ ba da e la ba mine la, kyɛ feɛ ba, a gba leŋ ba ne banzɔlɔ kyɛ eŋ ba nempagdie poɔ.

Hiburu 12:3

Yɛ teɛre nyɛ lɛ dɔgɛɛ O naŋ da di a yelbebe deme zie, ka lɛ vɛŋ ka yɛ ta wa bale bee a yoɔre nuuri.

Hiburu 13:13

Yɛ e ka te pãã gaa O zie a yeŋ poɔ, a sage de a vi O naŋ da di.

Hiburu 5:9

Ba naŋ pãã da wa e ka O tori baare, O da leɛ la faabo naŋ ba taa baaroo yiibu zie a ko banaŋ zaa naŋ sagra O noɔre,

Hiburu 7:19

(Bonso a bege da ba maale yelzaa ka o tori); kyɛ a lambori kaŋ meŋ, te nyɛ la teɛretɔroo naŋ seɛ ka te na maŋ tu a tage peɛle Naaŋmen.

Hiburu 8:1

Pampana a bon te naŋ yele yelzu la ŋa: a Naaŋmen bagmaalkare neŋkpoŋ ŋa tɔ la ka te taa, Ona la a soba na naŋ zeŋ a Naaŋmen naaloŋ nakogi nuduluŋ seŋ a sazu poɔ,

Hiburu 9:28

lɛ la ka Kirista da de O meŋɛ maale bagre dayeni yoŋ ka O de neŋyaga yelbebe bare. O na la leɛ wa la a boyi soba kyɛ a koŋ e yelbebe zuiŋ, kyɛ O na wa la ka O faa banaŋ naŋ eŋ faŋ a kyɛllɛ O.

Gyimisi 2:1

N yɔɔmine ane n yɔɔpuuli, yɛ naŋ erɛ nɔmboore a yɛ yel-erre poɔ, yɛ na toɔ̃ yeli ka yɛ sage de la a te Daana Yeezu Kirista naŋ waa a puubu soba yɛlɛ be?

1 Pit 1:11

Ba da peɛrɛɛ la ka ba baŋ a soba bee a saŋ a Kirista Vooroŋ naŋ be a ba poɔ a boɔrɔ ka O yeli, O naŋ da daŋ di danseɛ kyaare ne a dɔgɛɛ ba naŋ da nare biŋ a Kirista ane a puubu naŋ na tu a lɛ puoriŋ.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Pit 3:22

Ona la gaa tenvelaa, a te be Naaŋmen nuduluŋ seŋ, a dire naaloŋ a malekere, a tenvelaa neŋkpeɛne ane faŋ deme zu.

Gyud 1:21

yɛ be a Naaŋmen nɔmmo poɔ; yɛ kyɛllɛ a te Daana Yeezu Kirista nembaalonzoe ka O taa yɛ gaa ne a nyɔvo-babaaraa poɔ.

Yel-iriwulaa Gane 1:11

a yele, “Sɛge a yɛlɛ fo naŋ nyɛ eŋ gane poɔ a tere ka ba te ko a puoruu laŋne yie ayopoĩ naŋ be a Efesu poɔ, a Semaana poɔ, a Pɛgamu poɔ, a Taatira poɔ, a Saadise poɔ, a Filadɛlfiya poɔ ane a Laodisiya poɔ.”

Yel-iriwulaa Gane 1:17

N naŋ da wa nyɛ O, N da le vɔgle la muro O gbɛɛ puliŋ a waa ŋa neɛ naŋ kpi. Kyɛ O da de la O nuduluŋ dɔgle n zu a kyɛ yele, “Ta zoro dabeɛ̃; maa la a dɛndɛŋ ane a baaraa,

Yel-iriwulaa Gane 1:8

A Daana Naaŋmen la yele, “Maa la a Alefa ane a Omega,” a soba na naŋ bebe, a soba na naŋ da bebe a kyɛ na la wa, a Kpeɛ̃õ Zaa Soba.

Yel-iriwulaa Gane 2:8

“Sɛge ko a puoruu laŋne maleke naŋ be Semaana teŋɛ poɔ: A dɛndɛŋ ane a baaraa, a onaŋ naŋ da kpi kyɛ leɛ-iri voorɔ yelbie la ama: