Hiburu 1:9 - Naaŋmen Nɔpaalaa Gane

⁹ Fo nɔŋ la mennoŋ kyɛ kyiiri potuoloŋ. A lɛ zuiŋ, Naaŋmen, a fo Naaŋmen, sɔ fo la ne popeɛloŋ kããsoŋ a gaŋ fo taaba.”

Hiburu 1:9 ပူးပေါင်းရင်းမြစ်များ

Luka 4:18

“A Daana Vooroŋ sigi ma la, bonso, O sɔ ma la ne kããsoŋ ka N moɔle a Ŋmen-yelnoore ko a nembaalba. O toŋ ma la ka N moɔle a faabo yɛlɛ ko a gbaŋgbaare kyɛ vɛŋ ka zɔnne nimie yuo, a e ka noba ba naŋ dɔgrɔ so bamenne,

Gyɔɔn 1:41

A Anduru da daŋ bɔ la o yɔɔ Saamon a yeli ko o, “Te nyɛ la a Mɛzaaya.” (A tɛgɛ la: Naaŋmen Neŋkaa-iraa)

Gyɔɔn 10:17

A ŋaa zuiŋ la ka a Saa nɔŋ ma, bonso, N de la N nyɔvore tere ka ka N na leɛ de o.

Gyɔɔn 20:17

Ka a Yeezu da yeli ko o, “Ta nyɔge ma taa, bonso, N naŋ ba do a N Saa zie sɛre. Kyɛ gaa a N yɔɔmine zie, a te yeli ko ba, ‘N duoro la a N Saa ane a yɛ Saa, a N Naaŋmen ane a yɛ Naaŋmen zie.’ ”

Gyɔɔn 3:34

A soba na Naaŋmen naŋ toŋ, maŋ yelee Naaŋmen yelbie, bonso, Naaŋmen maŋ ko o la O Vooroŋ Soŋ ka a ba taa mannoo.

Toma 10:38

lɛnɛɛ Naaŋmen naŋ da paale a Yeezu, a Naazɛrɛ Bie, ne a Vooroŋ Soŋ ane kpeɛ̃õ; lɛnɛɛ o naŋ da yɔ tonɔ tonsonne kyɛ saŋna banaŋ zaa a sebɛlbɛllɛ naŋ da dɔgrɔ, bonso, Naaŋmen da be la O zie.

Toma 4:26

A teŋɛzu namine yi la tammo, ka a naaloŋ deme lantaa, a zɔɔrɔ ne a Daana ane a O Mɛzaaya.’

Toma 4:27

Bonso, Hɛrɔde ane Ponsi Pilato ane a Nemboore-yobo ane a Izerayɛl noba da laŋ la taa a teŋkpoŋ ŋa poɔ a zɔɔ ne a Yeezu a fo tontonsoŋ, a onaŋ fo naŋ da sɔ kããsoŋ,

Urom 12:9

Yɛ vɛŋ ka yɛ nɔmmo waa meŋɛ; yɛ kyiiri faaloŋ, kyɛ kpimare bon naŋ soma eŋɛ;

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

1 Kor 1:9

Naaŋmen e la yelmeŋɛ soba. Ona la boɔle yɛ kpɛ ne a O Bie te Daana Yeezu Kirista laŋne poɔ.

Korinti 11:31

A Naaŋmen, a Daana Yeezu Saa (ka O nyɛ puubu tegitegilɛ!) baŋ ka N ba ŋmaara zirii.

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

EFESU 1:3

Ka a Naaŋmen, a te Daana Yeezu Kirista Saa nyɛ puubu. O na la maale te a Kirista eŋɛ ne seeloŋ maaloo boorɔ zaa naŋ be a sazu paaloŋ poɔ,

Filipai Deme Gane 2:9

A lɛ zuiŋ, Naaŋmen meŋ da zɛge O la ka O do saa yaga zaa a da ko O yuori naŋ gaŋ yuori zaa,

Hiburu 2:11

Bonso, a soba na naŋ peerɛ yelbebe bara ane banaŋ yelbebe ba naŋ peere bare zaa taa la Saa yeni. A ŋaa zuiŋ la ka Yeezu ba zoro vi ka O boɔle ba O yɔɔmine ane n yɔɔpuuli,

Hiburu 2:9

kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

1 Pit 1:3

Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

Yel-iriwulaa Gane 2:15

Lɛ meŋ la ka fo taa ba mine ka ba de a Nikoletan deme wuluu.