Hiburu 1:3 - Naaŋmen Nɔpaalaa Gane

³ Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Hiburu 1:3 ပူးပေါင်းရင်းမြစ်များ

Matio Gane 22:24

“Wulwullo, Moozul da yelee la, ‘Ka dɔɔ ba dɔge bie ne o pɔge kyɛ kpi, a o yɔɔ na de la a pɔgekoɔre dɔge ne biiri ko a o yɔɔ.’

Marko Gane 16:19

A Daana Yeezu naŋ da wa yeli a yɛlɛ ko ba baare, ba da de O la do ne tenvelaa ka O te zeŋ Naaŋmen nuduluŋ seŋ.

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:29

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 1:4

O poɔ la ka nyɔvore da be, ka a nyɔvore da waa nensaalba zaa kyaane.

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 7:56

Lɛ la ka o da yeli, “Nyɛ, n nyɛ la a saluoni ka o yuo, ka n nyɛ a Nensaala Bie ka o are a Naaŋmen nuduluŋ seŋ!”

Urom 1:16

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

Urom 8:34

Nembuo la na tere saanaa? A Kirista Yeezu la, Ona la da kpi, õõ, Ona la ka ba da e ka O leɛ-iri a kuuni poɔ, a be a Naaŋmen nuduluŋ seŋ, a sereŋ puoro sɔrɔ korɔ te.

Korinti 4:4

A banaŋ naŋ ba sage de a Naaŋmen yɛlɛ eŋ, a teŋɛ ŋa zu ŋmen ligi la a ba teɛroŋ ka ba kontoɔ̃ nyɛ a Kirista yelnoore puubu veɛloŋ. A Kirista la taa a Naaŋmen waaloŋ.

KOLO 3:1

Azuiŋ, ka yɛ ne a Kirista wa laŋ iri yi a kũũ poɔ, yɛ boɔrɔ boma naŋ be sazu poɔ, be a Kirista naŋ zeŋ a Naaŋmen nuduluŋ seŋ.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 1:13

Kyɛ a malekere buo soba la ka O daŋ yeli: “Zeŋ a N nuduluŋ seŋ a te ta saŋ na N naŋ na e ka a fo dɔndɔnne leɛ fo gbɛɛ bimmu zie”?

Hiburu 10:12

Kyɛ a Kirista naŋ da wa de O meŋɛ maale bagmaale kpokpo dayeni yoŋ yelbebe sudi zuiŋ, “O da zeŋ la Naaŋmen nuduluŋ seŋ.”

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 4:14

A naŋ pãã e ka te taa la Naaŋmen bagmaalkare neŋkpoŋ gandaa na naŋ tu a saluoni poɔ tɔle gaa, a Naaŋmen Bidɔɔ Yeezu, yɛ e ka te nyɔge a te yeldeebo taa kpeɛŋaa.

Hiburu 7:27

Ona eŋ, a da ba fere ka O maala bagre bebiri zaa a daŋ ko O meŋɛ yelbebe ane a noba yelbebe aŋa a Naaŋmen bagmaalkare nembɛrɛ banaŋ naŋ da maŋ e lɛ. Ona eŋ da de la O meŋɛ nyɔvore maale ne bagre dayeni yoŋ.

Hiburu 8:1

Pampana a bon te naŋ yele yelzu la ŋa: a Naaŋmen bagmaalkare neŋkpoŋ ŋa tɔ la ka te taa, Ona la a soba na naŋ zeŋ a Naaŋmen naaloŋ nakogi nuduluŋ seŋ a sazu poɔ,

Hiburu 9:16

Neɛ naŋ eŋ noɔre kyaare ne o kũũ puori boma pommu, a ferɛɛ la ka ba wuli ka a soba naŋ eŋ a noɔre sereŋ kpie la.

Hiburu 9:26

Bonso, ka a naŋ da waa lɛ, a da na seŋ ka O woŋ tuo gbɛɛ yaga a yi a teŋɛ piiluu saŋ zaa. Kyɛ lɛ a naŋ waa, O wa la dayeni yoŋ a bebi-baare saŋ ka O de O meŋɛ maale bagre ka a te yelbebe nyɛ sudi.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Pit 3:22

Ona la gaa tenvelaa, a te be Naaŋmen nuduluŋ seŋ, a dire naaloŋ a malekere, a tenvelaa neŋkpeɛne ane faŋ deme zu.

2 Pit 1:16

A ba e ŋa nyaayɛlɛ la ka te da de manna ne sensellɛ korɔ yɛ, te naŋ da yele a te Daana Yeezu Kirista kpeɛ̃õ ane O leɛ-waabo yɛlɛ korɔ yɛ, kyɛ temenne nimie la da nyɛ a O naaloŋ veɛloŋ.

2 Pit 1:17

Bonso, O da nyɛ la emmo ane puubu yi a Saa Naaŋmen zie saŋ na a kɔkɔre na naŋ da yi a Naaŋmen Naaloŋ Veɛloŋ a yele, “A N Bidɔɔ la a ŋa, N Poyɛŋ Bie, N poɔ pɛle ne O la yaga.”

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

Gyud 1:25

ka a Naaŋmen yeni, a te Faara tu a te Daana Yeezu Kirista zie nyɛ puubu, gandaaloŋ, kpeɛ̃õ ane naaloŋ wagre zaa, pampana ane tegitegilɛ. Ameena.

Yel-iriwulaa Gane 3:21

A soba na naŋ zɔɔtoɔ̃, N na ko o la zie ka o zeŋ ne ma a N naaloŋ dakogi zu, aŋa maa meŋɛ naŋ da zɔɔtoɔ̃ a zeŋ ne a N Saa a O naaloŋ dakogi zu lɛ.

Yel-iriwulaa Gane 4:11

“Te Daana Naaŋmen, fo seŋ ne la ka fo nyɛ puubu, emmo ane kpeɛ̃õ, bonso, fõõ la da iri a boma zaa, kyɛ a fo poboɔbo zuiŋ la ka fo da iri a, ka a da bebe.”