Hiburu 1:2 - Naaŋmen Nɔpaalaa Gane

² Kyɛ a bebi-baare ŋa poɔ, O tu la O Bidɔɔ zie a yeli yɛlɛ ko te. Ona la ka O iri ka O e a boma zaa gbandire. O zie meŋ la ka O tu kyɛ iri a boma zaa.

Hiburu 1:2 ပူးပေါင်းရင်းမြစ်များ

Matio Gane 13:39

A dɔndɔmɔ na naŋ bore a narse la a sebɛlbɛllɛ. A boma kyeɛbo saŋ la a teŋɛ baaroo, ka a kakyeɛrebɛ e a malekere.

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Matio Gane 21:38

Kyɛ a wɛkaareba naŋ da wa nyɛ a bidɔɔ la ka ba da yeli ko taa, ‘A gbandire la ŋa; yɛ wa ka te ko o kyɛ de a o gbandiruŋ boma.’

Matio Gane 26:63

Kyɛ a Yeezu da taŋ la O noɔre. Lɛ la ka a Naaŋmen bagmaalkare neŋkpoŋ yeli ko O, “Pɔ a Naaŋmen-vore, a yeli ko te, ka fõõ wa la a Mɛzaaya, a Naaŋmen Bie”

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Marko Gane 1:1

A Naaŋmen Bie, Yeezu Kirista yelnoore piiluu.

Marko Gane 12:6

A weɛ soba da naŋ taa la neŋyenaa kaŋ, a o poyɛŋ bie. A baaraa zaa o da toŋ o la, a yele, ‘Ba na ko la a n bidɔɔ gyeremɛ.’

Marko Gane 12:7

Kyɛ a wɛkaareba bama naŋ da wa nyɛ a bie la ka ba da yeli ko taa, ‘A gbandire la a ŋa; yɛ wa ka te ko o kyɛ de a o gbandiruŋ boma.’

Gyɔɔn 1:10

O da be la a teŋɛzu. O zie la ka a tendaa tu a wa bebe kyɛ ka a tendaa noba da ba baŋ O.

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:3

O zie la ka boma zaa tu a wa bebe. Bonzaa da ba kyebe naŋ tu ziyuo wa bebe ka O yoŋ zie naane.

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 13:32

Ka Naaŋmen wa nyɛ puubu O zie, a Naaŋmen na ko O la puubu O meŋɛ zie, a de ko O daadaalɛ.

Gyɔɔn 15:15

N ba la kyɛnɛ boɔlɔ yɛ tontonema, bonso, tontonɔ ba maŋ baŋ bon a o neŋkpoŋ naŋ erɛ. Kyɛ N boɔlɔ yɛ la N bamine bonso, N eɛɛ la ka yɛ baŋ yɛlɛ na zaa N naŋ da woŋ yi a N Saa zie.

Gyɔɔn 16:15

Bonzaa a Saa naŋ taa e la N soobo. Lɛnso ka N da yeli ko yɛ ka O na de la bon naŋ e N soobo a wuli yɛ.”

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:25

A Gyɔɔn potuuribo ane a Gyuu neɛ kaŋ da ŋmeɛrɛ la nɔkpeɛne a kyaare ne dɛgre peeroo yɛlɛ.

Gyɔɔn 5:26

Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie.

Gyɔɔn 5:27

Kyɛ a Saa ko la a Bidɔɔ kpeɛ̃õ ka O di sɛrɛɛ, O naŋ waa a Nensaala Bie zuiŋ.

Gyɔɔn 9:29

Te baŋ ka Naaŋmen da yeli la yɛlɛ ko Moozul kyɛ a dɔɔ ŋa eŋ, te ba baŋ zie na O naŋ yi wa.”

Toma 10:36

Yɛ baŋ la a yelbiri na O naŋ ko a Izerayɛl noba, a moɔlɔ a yelnoore naŋ terɛ emmaaroŋ naŋ yi a Yeezu Kirista zie. Ona la a noba zaa Daana.

Toma 2:17

‘Naaŋmen yelee la, a bebi-baare saŋ a yɛlɛ ama na e la, N na paale la a noba zaa ne N Vooroŋ, ka yɛ bidɔbɔ ane pɔgeyaare na yele Ŋmen-yelmanna yelyelii, ka yɛ pɔlbilii nyɛrɛ yelnyɛre, ka yɛ dɔɔnyaŋne zanna zannoo.

Urom 1:4

kyɛ ka a Vooroŋ Soŋ da wuli ka O waa la Naaŋmen Bie naŋ taa kpeɛ̃õ ne O naŋ leɛ-iri yi a kuuni poɔ. Ona la a Yeezu Kirista a te Daana.

Urom 8:17

ka tenee wa waa biiri, ka lɛ te waa la gbandiribe, a waa Naaŋmen gbandiribe, ka te ne a Kirista laŋ gbandiruŋ. Serɛzaa, ka te ne a Kirista wa laŋ woŋ tuo, te ne O na la laŋ nyɛ la puubu.

1 Kor 2:7

Kyɛ te yele la a Naaŋmen yɛmbaŋ yɛlɛ naŋ e yelsɔglɔ a ba sãã. A yɛmbaŋ ŋa la ka Naaŋmen da daŋ nare biŋ a te puubu eŋɛ kyɛ ka bonzaa da naŋ ba kyebe sɛre.

1 Kor 8:6

kyɛ tenee eŋ zie, Naaŋmen yeni yoŋ la bebe, Ona la a Saa. O zie la ka a boma zaa yi kyɛ ka te voorɔ O zuiŋ. Kyɛ Daana yeni yoŋ la bebe, a Yeezu Kirista, a Onaŋ zie a boma zaa naŋ tu yi a wa bebe kyɛ ka te tu O zie a voorɔ.

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

EFESU 1:10

O narɛɛ la ka ka a saŋ wa ta, O na de la boma zaa naŋ be O poɔ lantaa, boma naŋ be sazu ane boma naŋ be a teŋɛzu.

EFESU 3:9

kyɛ e ka neɛzaa nyɛ a yelsɔgle ba naŋ nare biŋ ka a sɔgle yuomo naŋ tɔle a Naaŋmen poɔ. A Naaŋmen la iri boma zaa

Hiburu 1:5

Ka a Malekere buo soba la ka Naaŋmen daŋ yeli: “Fo waa la N Bidɔɔ; zenɛ la ka N dɔge fo”? Bee a la yeli: “N na waa la o Saa, kyɛ ka o waa N Bidɔɔ”?

Hiburu 1:8

Kyɛ a O Bidɔɔ eŋ zie, O yelee la: “Oo Naaŋmen, a fo naaloŋ kogi na bebe la tegitegilɛ, ka a mennoŋ naaloŋ daŋgbale waa a fo naaloŋ daŋgbale.

Hiburu 11:3

A yeldeebo zuiŋ la ka te baŋ ka Naaŋmen da iri la a teŋɛ ne O yelbiri. O da iri la a boma zaa te naŋ nyɛrɛ a yi boma te naŋ ba nyɛrɛ zie.

Hiburu 2:3

wola ka te na baŋ e yi a poɔ ka tenee zagre a faabo kpoŋ ŋa bare? A Daana la da daŋ moɔle a faabo ŋa yɛlɛ, ka a banaŋ naŋ da woŋ a yeli ko te,

Hiburu 3:6

Kyɛ Kirista naŋ waa a Naaŋmen bidɔɔ, O da taa la yelmennoŋ a Naaŋmen yiri zaa zu. Tenee la a O yiri, ka teneŋ wa nyɔge a te bambaare taa kpeɛŋaa ane a pɔloo naŋ kyaare ne teɛretɔroo.

Hiburu 4:14

A naŋ pãã e ka te taa la Naaŋmen bagmaalkare neŋkpoŋ gandaa na naŋ tu a saluoni poɔ tɔle gaa, a Naaŋmen Bidɔɔ Yeezu, yɛ e ka te nyɔge a te yeldeebo taa kpeɛŋaa.

Hiburu 5:8

Aneazaa ka O da waa la Bidɔɔ, O da zanne la noɔre sagoo a yi a dɔgɛɛ O naŋ da nyɛ poɔ.

Hiburu 7:28

A Naaŋmen bege maŋ iri la noba naŋ na baŋ taa bambaaloŋ a e ka ba waa Naaŋmen bagmaalkare nembɛrɛ, kyɛ a noɔre polloo yelbiri naŋ da tu a bege puori wa, iri la Bidɔɔ ba naŋ e ka o waa soŋ tegitegilɛ.

Hiburu 7:3

O ba taa Saa, a ba taa ma, a ba taa Sããkompare, a ba taa piiluu bee baaroo. Kyɛ o ne a Naaŋmen Bidɔɔ yi la taa, ka o waa Naaŋmen bagmaale wederɛ tegitegilɛ.

Hiburu 9:26

Bonso, ka a naŋ da waa lɛ, a da na seŋ ka O woŋ tuo gbɛɛ yaga a yi a teŋɛ piiluu saŋ zaa. Kyɛ lɛ a naŋ waa, O wa la dayeni yoŋ a bebi-baare saŋ ka O de O meŋɛ maale bagre ka a te yelbebe nyɛ sudi.

1 Pit 1:20

Ba da kaa-iri O la kyɛ ka a tendaa wa bebe, kyɛ pãã e ka O sãã a bebi-baare saŋ yɛ zuiŋ.

2 Pit 3:3

A dɛndɛŋ soba, a seŋ ka yɛ baŋ a yeli ŋa, ka a bebi-baare saŋ, noba naŋ erɛ ba taaba laara na yi la, a erɛ yɛ laara kyɛ be ba vɔlfaare poɔ

Gyud 1:18

bonso, ba da yeli ko yɛ la, “A bebi-baare saŋ, noba na yi la a erɛ yɛ laara, a waa noba naŋ na tuuro bamenne vɔlfaare.”