Gyud 1:20 - Naaŋmen Nɔpaalaa Gane

²⁰ Kyɛ yɛnee, n poyɛŋ noba, yɛ baara duoro a yɛ yeldeebo ŋa naŋ e soŋ poɔ. Yɛ puoro a Vooroŋ Soŋ poɔ;

Gyud 1:20 ပူးပေါင်းရင်းမြစ်များ

Toma 15:9

A ba yeldeebo zuiŋ, O pɛge la a ba sukyie ka a veɛlɛ, ka tɛɛtɛɛ zaa ba kyebe te ne ba zie.

Toma 26:18

ka fo te yuo ba nimie ka ba na bare ligruŋ toma kyɛ kpɛ kyaane poɔ, a yi Setaana naaloŋ poɔ kyɛ kpɛ Naaŋmen naaloŋ poɔ, ka a lɛ na vɛŋ ka ba nyɛ yelbebe sudi kyɛ kpɛ a banaŋ yeldeebo naŋ e ka ba leɛ nensonne poɔ.’

Toma 6:7

A Naaŋmen yelbiri da yɛllɛ la ka a potuuribo meŋ da yɛllɛ yaga zaa a Gyɛruzɛlɛm teŋɛ poɔ kyɛ ka Naaŋmen bagmaalba yaga meŋ da sage de a Yeezu yɛlɛ.

Toma 9:31

A puoruu laŋne deme naŋ da be Gyudiya, Galili ane a Samareya paaloŋ da taa la emmaaroŋ kyɛ da yɛllɛ. A puoruu laŋne da yɛllɛ la, a da taa a Daana dabeɛ̃ kyɛ ka a Vooroŋ Soŋ mooreteroo da be ba zie.

Urom 15:2

A ferɛɛ la ka te kanzaa maŋ erɛ yɛlɛ naŋ na pɛle te tɔsoba poɔ, ka ka a te teɛre soŋ e ka te teɛ ba ka ba baara.

Urom 8:15

Bonso, ba ba ko yɛ gbaŋgbaaloŋ vooroŋ a na e ka yɛ leɛ zoro dabeɛ̃; kyɛ ba ko yɛ la vooroŋ naŋ e ka yɛ leɛ Naaŋmen biiri. Ka tenee wa koŋ boɔle, “N ba! N Saa!”

1 Kor 1:8

Ona meŋ la na e ka yɛ taa faŋ a te ta a baaraa, ka yɛ koŋ taa saanaa a te Daana Yeezu Kirista waabo bebiri daare.

1 Kor 10:23

“Sori bebe la ka neɛ baŋ e yelzaa,” kyɛ yelzaa naane terɛ sommo. “Sori bebe la ka neɛ baŋ e yelzaa,” kyɛ a zaa naane waana ne sommo.

1 Kor 14:15

Wola ka N pãã na e? N na puori la ne a Vooroŋ Soŋ, kyɛ la puori ne n teɛroŋ meŋ; N na yiele la puubu yieluŋ ne a Vooroŋ Soŋ, kyɛ la yieli ne n teɛroŋ meŋ.

1 Kor 14:26

N bamine, wola pãã ka a seŋ ka yɛlɛ erɛ? Ka yɛnee maŋ wa lantaa, yɛ kanzaa maŋ taa la yieluŋ, ka kaŋ taa wuluu, ka kaŋ taa yel-iriwulaa, ka kaŋ taa kɔkɔsaana bee a na baŋ iri kɔkɔsaama tɛgɛ. Yɛ vɛŋ ka a yɛlɛ zaa yɛ naŋ erɛ soŋ a puoruu laŋne ka o baara.

Galesiya 4:6

Kyɛ yɛ naŋ leɛ O bidɔgre zuiŋ, Naaŋmen toŋ la O Bidɔɔ Vooroŋ eŋ te sukyie pooreŋ ka O e ka te ŋmeɛrɛ kpɛlle, “N Saa! N Ba!”

EFESU 4:12

ka ba nare a nensonne ka ba tonɔ tonsonne naŋ na meɛrɛ a Kirista eŋɛ ka O duoro zu,

EFESU 4:16

O poɔŋ la ka a eŋɛ ziiri zaa wuo lantaa a e kpeɛŋaa ka a gyiile soŋnɔ ka a eŋɛ ziiri kanzaa tonɔ velaa, ka a eŋɛ baara a nyɔgrɔ taa ne nɔmmo.

EFESU 4:29

Yɛ ta vɛŋ ka yelfaare yire yɛ nɔɛ poore, kyɛ yɛ maŋ yele yɛlɛ naŋ terɛ maaloo a seŋ a naŋ ferɛ lɛ, ka lɛ na vɛŋ ka a yɛ yelbie taa maaloo ko a banaŋ naŋ kyɛllɛ wono a.

EFESU 6:18

Yɛ puoruu zaa ane yɛ sɔroo zaa poɔ, yɛ puoro a Vooroŋ Soŋ poɔ tegitegilɛ. A ŋaa zuiŋ yɛ gu yɛmenne velaa, a kpimare puoro korɔ a nensonne tegitegilɛ.

KOLO 2:7

a tɛ nyaga kyɛ baa do O eŋɛ a are kpeɛŋaa a yeldeebo poɔ, aŋa lɛ ba naŋ da wuli yɛ, ka a yɛ bareka puoruu duoro zu.

I Tesa 5:11

Azuiŋ, yɛ yele yɛlɛ teɛrɛ taa kyɛ soŋnɔ taa ka yɛ baara duoro, aŋa yɛ naŋ sereŋ erɛ a lɛ.

1 Tim 1:4

a ta de ba teɛroŋ zaa eŋ sensellɛ ane a sããkommine dɔge-tu-taa yoe naŋ ba taa baaroo, a ba taa tɛgɛ kyɛ waana ne nɔkpeɛne a gaŋ a Naaŋmen wuluu naŋ be yeldeebo poɔ.

2 Tim 1:5

N leɛ-teɛre la a fo yeldeebo naŋ e meŋɛ yɛlɛ. A yeldeebo ŋa la ka fo makoma Lowesi ane fo ma Yunisi da daŋ taa, kyɛ pampana ŋa, N baŋ la velaa ka fo meŋ taa o la.

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

Gyimisi 2:22

Fo nyɛɛ la ka Aboraham yeldeebo da laŋ tonɔ ne la a o toma, ka a toma wuli ka a yeldeebo waa la meŋɛ.

2 Pit 1:1

Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie:

1 Gyn 5:4

bonso, Naaŋmen naŋ dɔge neɛzaa maŋ zɔɔtoɔ̃ la a andonɛɛ. Kyɛ a kpeɛ̃õ na naŋ zɔɔtoɔ̃ a andonɛɛ la a te yeldeebo.

Gyud 1:3

N poyɛŋ noba, n eŋɛ naŋ da kyerɛ ka N nara ka N sɛge a lɛtɛ ko yɛ kyaare ne a faabo te zaa naŋ laŋ, N da nyɛɛ la ka a e feroo ka N sɛge sɔre yɛ ka yɛ zɔɔ a yeldeebo zɔɔre ba naŋ da de eŋ a nensonne nuuriŋ dayenaa ka a baare.

Yel-iriwulaa Gane 13:10

Ka ba naŋ na nyɔge fo ka fo e gbaŋgbaa, gbaŋgbaaloŋ poɔ la ka fo na kpɛ; ka fõõ ko neɛ ne zɔɔzɔɔ-soɔ, zɔɔzɔɔ-soɔ la ka ba na ko ne fo. A nensonne kannyiri diibu ane yeldeebo boɔlɔ la a ŋa.