Gyud 1:15 - Naaŋmen Nɔpaalaa Gane

¹⁵ ka O wa di a noba zaa sɛrɛɛ. O na ko la neɛzaa eroŋ naŋ ba tu Naaŋmen puoruu sori ane a yelfaare na zaa a yelbe-erebɛ naŋ da yele saanaa ne a Daana yuori.”

Gyud 1:15 ပူးပေါင်းရင်းမြစ်များ

Gyɔɔn 5:27

Kyɛ a Saa ko la a Bidɔɔ kpeɛ̃õ ka O di sɛrɛɛ, O naŋ waa a Nensaala Bie zuiŋ.

Toma 17:31

bonso, O biŋ la bebiri O naŋ na di a tendaa sɛrɛɛ ne mennoŋ. O kaa-iri la neɛ ka o na di a sɛrɛɛ ŋa, kyɛ O wuli la a yeli ŋa nensaalba zaa ane O naŋ e ka a neɛ ŋa leɛ-iri a kuuni poɔ.”

Urom 14:10

Bonso ka fo dire fo yɔɔ bee fo yɔɔpuulee sɛrɛɛ? Bee fõõ, bonso ka fo taa kaabanyɛ ne fo yɔɔ bee fo yɔɔpuulee? Bonso, te zaa na are la a Naaŋmen sɛredi-kogi niŋesogɔ.

Urom 2:16

A seŋ lɛ N naŋ moɔlɔ a Ŋmen-yelnoore, a bebiri na daare, Naaŋmen na tu la Yeezu Kirista zie kyɛ di nensaalba zaa sukyie poɔ yelsɔglɔ sɛrɛɛ.

Urom 2:5

Kyɛ a yɛ sukyie naŋ dare, ka yɛ zagre ka yɛ leɛ yɛ eebo zuiŋ, yɛ nara binne la yɛmenne supuriyaaraa a kyɛllɛ ne a supuriyaaraa bebiri, a daare na Naaŋmen mennoŋ sɛrɛɛdiibu naŋ na wa.

1 Kor 4:5

Azuiŋ, yɛ ta daŋ di sɛrɛɛ kyɛ ka a saŋ ba ta; kyɛ ka a Daana waabo naŋ ba ta sɛre. A Daana la na wa e ka yɛlɛ naŋ sɔgle lige poɔ sãã veɛloŋ ka bon naŋ be sukyiri poɔ meŋ sãã. Lɛ la ka neɛzaa pãã na nyɛ garebanyɛ yi Naaŋmen zie.

1 Kor 5:13

Naaŋmen na di la a banaŋ naŋ ba waa Kiristabiiri sɛrɛɛ. “Yɛ digi a potuo soba ka o yi a yɛ poɔ.”

1 Tim 1:9

A ŋaa tɛgɛ la ka a bege ba bebe ko a nemmenne kyɛ o bebe la ko a koŋwoŋwuluu deme ane noba naŋ ba sagra noɔre, a bebe ko a faaloŋ deme ane a yelbe-erebɛ, a bebe ko a banaŋ naŋ ba e nemmenne ane a nendɛgɛ, a bebe ko banaŋ naŋ maŋ ko ba saa bee ba ma, a bebe ko a neŋkooreba,

Gyud 1:16

Ba waa la noba naŋ ŋmoonɔ yɛlɛ, a waa noba naŋ taa posaanaa, kyɛ maŋ tuuro bamenne vɔlfaare; a maŋ yele yelbɛrɛ, a puuro noba ne nɔnoɔ ka ba toɔ̃ nyɛ ba yelboɔre.

Yel-iriwulaa Gane 13:11

N pãã da nyɛ la a wɛdoŋɔ kaŋ ka o da wa yi a teŋɛŋ; o da taa la eelɛ ayi aŋa pilee kyɛ ka o da yele yɛlɛ aŋa a wa-beɛ.

Yel-iriwulaa Gane 22:20

A soba na naŋ di a yɛlɛ ama danseɛ yelee la, “Serɛzaa, N koŋ kɔɔre kyɛ wa.” Ameena. Daana Yeezu, wa!