Gyimisi 5:7 - Naaŋmen Nɔpaalaa Gane

⁷ Azuiŋ, N poyɛŋ noba, yɛ di kannyiri te ta a Daana waabo daare. A koɔraa maŋ di la kannyiri kyɛ kyɛllɛ a o weɛ boma ka a seɛ̃kpɛpaalaa saa ane a valeŋvuuluŋ saa mi.

Gyimisi 5:7 ပူးပေါင်းရင်းမြစ်များ

Matio Gane 16:27

“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ.

Matio Gane 16:28

Yelmeŋɛ ka N yele korɔ yɛ, yɛ mine be la kyɛ a naŋ koŋ kpi sɛre, kyɛ nyɛ a Nensaala Bie ka O waana ne O naaloŋ.”

Matio Gane 24:27

Aŋa saa nyegroo naŋ maŋ yi sapare, ka a sapii toɔ̃ wa te gaa saniŋe, lɛ ka a Nensaala Bie waabo na waa.

Matio Gane 24:44

Azuiŋ, yɛ meŋ nare yɛmenne, bonso, a Nensaala Bie na wa la saŋ na yɛ naŋ ba baŋ ne a.”

Luka 18:8

Maa yeli ko yɛ, O na bo la bo-soŋ ko ba wieouŋ zaa. Aneazaa, ka a Nensaala Bie wa leɛ wa, O na nyɛ la yeldeebo deme a teŋɛzu kyɛ?”

Luka 21:27

Ba pãã na nyɛ la ‘a Nensaala Bie ka O yi a sagama poɔ waana’ ne kpeɛ̃õ ane puubu.

Luka 8:15

Kyɛ a bombie anaŋ naŋ le a tɛnnoɔ poɔ la a banaŋ naŋ maŋ woŋ a Naaŋmen yelbiri, a de eŋ ba sukyie poɔ, a wɔŋ wɔmɔ ba kannyiri zuiŋ.”

Gyɔɔn 21:22

Ka Yeezu da yeli ko o, “Ka anaŋ e N poboɔbo ka o bebe te ta saŋ N naŋ na leɛ wa, fo boŋ yeli la bebe? Tuuro ma!”

Gyɔɔn 21:23

Azuiŋ a yeli ŋa da ŋmɛ yaare la a gbandige na poɔ ka a potuuro ŋa koŋ kpi. Kyɛ a Yeezu da ba yeli ko o ka o koŋ kpi. O da yelee la, “Ka anaŋ e N poboɔbo ka o bebe te ta saŋ N naŋ na leɛ wa, fo boŋ yeli la bebe?”

Urom 15:4

Bonso, a yɛlɛ na zaa ba naŋ da sɛge a dakoroŋ saŋ, ba da sɛge a la ka a wuli te, ka ka a te kannyiri diibu ane yelteɛbo naŋ yi a gansoŋ poɔ na e ka te taa teɛretɔroo.

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

1 Kor 1:7

ka ka yɛ koŋ fãã a Vooroŋ Soŋ kyɔɔtaa kanzaa, yɛ naŋ kyɛllɛ a saŋ a te Daana Yeezu Kirista naŋ na de O meŋɛ wuli.

Galesiya 5:5

Bonso, te naŋ taa yeldeebo a yi a Vooroŋ Soŋ zie, te taa la teɛretɔroo a kyɛllɛ ka te na nyɛ la mennoŋ.

Galesiya 6:9

Azuiŋ, yɛ ta vɛŋ ka te nuuri yoɔre ne tonsonne tommo, ka te nuuriŋ ba yoɔre, te na kyɛ la a boma a kyeɛbo saŋ.

KOLO 1:11

Ka Naaŋmen e ka yɛ e kpeɛne kyɛ taa faŋ zaa naŋ yi O puubu kpeɛ̃õ poɔ, kyɛ nare yɛ ka yɛ dire kannyiri yelzaa poɔ ne popeɛloŋ,

I Tesa 1:3

a maŋ teɛrɛ a yɛ yeldeebo toma, a yɛ nɔmmo toma ane a kannyiri yɛ naŋ taa ne a teɛretɔroo a te Daana Yeezu Kirista eŋɛ a te Saa Naaŋmen niŋesogɔ.

I Tesa 2:19

Boŋ la a te teɛretɔroo bee a te popeɛloŋ bee a te pɔloo eebo zupile a te Daana Yeezu niŋesogɔ a O waabo daare? Yɛnee mɔɔ naane be?

I Tesa 3:13

Ka O ko yɛ sukyie faŋ, ka yɛ e soŋ, a ta taa faaloŋ zaa a te Saa Naaŋmen niŋesogɔ ane a te Daana Yeezu ane a O nensonne zaa waabo daare.

Hiburu 6:15

A Aboraham naŋ pãã da di kannyiri a kyɛlle, o da nyɛ la a noɔre paaloo.

Gyimisi 4:11

N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

Gyimisi 5:10

N poyɛŋ noba, yɛ de a dɔgɛɛ ane a kannyiri a Ŋmen-yelmanneba naŋ da di ba naŋ da yeli yɛlɛ a Daana yuori eŋɛ, ka a e yelwulaa yɛ zie.

Gyimisi 5:3

A yɛ salema ane seleva le la zoɔ̃, ka a lɛ na e danseɛ kyaare ne yɛ saanaa, kyɛ di yɛ eŋgama aŋa vũũ. Yɛ biŋ la naboma gu ne a bebi-baare saŋ.

2 Pit 3:4

a yele, “A noɔre ba naŋ eŋ ka a Daana waana la, O waɛ la? A saŋ na zaa a te sããkommine naŋ da kpi, yɛlɛ zaa naŋ kyɛnɛ gɛrɛ la aŋa lɛ a naŋ da waa a teŋɛ piiluu saŋ!”