Ba naŋ da wa kaa-iri nembɛrɛ a puoruu laŋne yie zaa poore baare, ba pãã da leŋ la noɔre, a puori eŋ ba kyɛ de ba ko a Daana, a Onaŋ yɛlɛ ba naŋ da sage de.
Ba naŋ da wa ta Gyɛruzɛlɛm, a puoruu laŋne deme ane a apostoliimine ane a nembɛrɛ da de ba la saanoŋ. Ba da manne la a yɛlɛ na zaa Naaŋmen naŋ da tu ba zie a e.
A Piita da eɛɛ la ka ba zaa yi, kyɛ ka o pãã da gbi dumo a puori. O da leɛ kyaare la a kũũ kyɛ yeli, “Tabita, vaa-iri.” Lɛ la ka o da yuo o nimie, kyɛ o naŋ da wa nyɛ a Piita o da iri zeŋɛɛ la.
A yeli ŋa zuiŋ la ka N da bare fo a Kirite teŋɛ poɔ ka fo baare e a yɛlɛ na naŋ kyɛre ka a tu, kyɛ kaa-iri nembɛrɛ teŋɛ zaa poɔ a seŋ N naŋ da wuli fo lɛ.