Gyimisi 4:4 - Naaŋmen Nɔpaalaa Gane

⁴ Yɛnee peɛ̃peɛ̃ toma deme ŋa! Yɛ ba baŋ ka neɛ naŋ nyɔge baaloŋ ne a teŋɛzu deme waa la Naaŋmen dɔndɔmɔ be? Azuiŋ, neɛ na zaa naŋ boɔrɔ ka o nyɔge baaloŋ ne a teŋɛzu deme maŋ leɛ la Naaŋmen dɔndɔmɔ.

Gyimisi 4:4 ပူးပေါင်းရင်းမြစ်များ

Matio Gane 12:39

Ka O leɛ yeli sɔge ba, “Yelfa-erebɛ ane noba naŋ ba zoro Naaŋmen la boɔrɔ yelmannaa ka ba nyɛ, kyɛ ba koŋ nyɛ yelmannaa zaa ka a Ŋmen-yelmanna Gyona yelmannaa naane.

Matio Gane 16:4

A zenɛ noba yelbe-erebɛ ane noba naŋ ba zoro Naaŋmen la boɔrɔ yelmannaa ka ba nyɛ, kyɛ ba koŋ nyɛ yelmannaa zaa, ka a Gyona yelmannaa naane.” Lɛ la ka O da bare ba kyɛ gaa.

Matio Gane 6:24

“Neɛzaa kontoɔ̃ tonɔ korɔ nembɛrɛ bayi. O na kyiiri la kaŋ, kyɛ nɔŋ kaŋ; bee o na sagra la kaŋ noɔre kyɛ zagra kaŋ deni. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.

Luka 19:27

Kyɛ a n dɔndɔnne bama naŋ da ba boɔrɔ ka N e a ba naa, yɛ taa ba wa ne kyɛ, a wa ko ba N niŋesogɔ.’ ”

Gyɔɔn 15:19

Ka yɛnee da poɔ a tendaa noba poɔ, ba da na nɔŋ yɛ la aŋa bamenne noba. N naŋ kaa-iri yɛ yi ne a tendaa noba poɔ, ka yɛ ba la poɔ ba poɔ la so ka a tendaa noba kyiire yɛ.

Gyɔɔn 17:14

N ko ba la a fo yelbiri, kyɛ a tendaa noba da kyiiri ba la, ba naŋ ba poɔ a tendaa noba poɔ zuiŋ aŋa N meŋ naŋ ba poɔ a tendaa noba poɔ lɛ.

Gyɔɔn 7:7

A tendaa noba koŋ baŋ kyiiri yɛ, kyɛ ba kyiiri ma la, N naŋ dire danseɛ ka ba yel-erre waa la faa zuiŋ.

Urom 5:10

Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ.

Urom 8:7

A ŋaa zuiŋ, neɛ naŋ de o teɛroŋ zaa eŋ eŋgannoŋ eŋɛ kyiire la Naaŋmen, a ba sigre o meŋɛ a na sagra a Naaŋmen bege; serɛzaa o kontoɔ̃.

1 Kor 1:20

Yeŋ la ka a soba na naŋ e yɛmbaŋna be? Yeŋ la ka a Naaŋmen begɛ wulwullo be? Yeŋ ka a zenɛ nɔkpeɛn-ŋmɛrebɛ be? Naaŋmen mɔɔ ba e ka a andonɛɛ yɛŋ leɛ damboluŋ be?

1 Kor 1:21

Bonso, a Naaŋmen yɛŋ bammo poɔ, a tendaa noba da ba toɔ̃ baŋ O ne ba yɛŋ, a lɛ la so ka a Naaŋmen da nare biŋ ka O tu a dambol-yɛlɛ na te naŋ moɔlɔ zie kyɛ faa banaŋ naŋ sage de.

Galesiya 1:10

Pampana, N mɔɔ boɔrɔ la ka nensaalba de n yɛlɛ bee ka Naaŋmen de n yɛlɛ? Bee N mɔɔ moɔrɔ la ka N pɛle nensaalba poɔ? Ka maa da naŋ kyɛnɛ pɛllɛ nensaalba poɔ, ka lɛ N da koŋ baŋ e a Kirista tontonɔ.

Gyimisi 1:27

Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.