Gyimisi 4:11 - Naaŋmen Nɔpaalaa Gane

¹¹ N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

Gyimisi 4:11 ပူးပေါင်းရင်းမြစ်များ

Luka 6:37

“Ta di fo tɔ sɛrɛɛ, ka ba ta wa di fo meŋ sɛrɛɛ; ta yeli ka neɛ le la sɛrɛɛ poɔ, ka ba ta wa yeli ka fo meŋ le la sɛrɛɛ poɔ. Di suuri ko fo tɔ, kyɛ fo meŋ na nyɛ la sudi;

Urom 2:1

Azuiŋ, neɛ na zaa fo naŋ waa, fo ba taa gaafara zaa na tere, ka fooŋ wa dire fo taaba sɛrɛɛ. Bonso, ka fooŋ wa dire fo tɔsoba sɛrɛɛ a yeli ka o lee la, fo meŋɛ meŋ lee la, bonso, fooŋ a sɛredire meŋ erɛ la a yɛlɛ na ne a zu.

Urom 2:13

Bonso, a ba e a banaŋ naŋ wono a bege la waa nemmenne Naaŋmen zie, kyɛ banaŋ naŋ tuuro bonna a bege naŋ wullo la na e nemmenne.

Urom 7:7

Boŋ pãã ka te na yeli? Ka a bege waa la yelbieri be? A koŋ baŋ waa lɛ togitogi! Kyɛ ka a bege zuiŋ da naane N da kontoɔ̃ baŋ yelbieri. N da koŋ baŋ ka zɛnzɛŋ e la yelbieri ka a bege da ba yeli, “Ta zɛnzɛnɛ ne fo tɔ bon.”

1 Kor 4:5

Azuiŋ, yɛ ta daŋ di sɛrɛɛ kyɛ ka a saŋ ba ta; kyɛ ka a Daana waabo naŋ ba ta sɛre. A Daana la na wa e ka yɛlɛ naŋ sɔgle lige poɔ sãã veɛloŋ ka bon naŋ be sukyiri poɔ meŋ sãã. Lɛ la ka neɛzaa pãã na nyɛ garebanyɛ yi Naaŋmen zie.

Korinti 12:20

N zoro la dabeɛ̃ ka a saŋ N naŋ na wa ta, N na nyɛ yɛ la ka yɛ ba waa lɛ N naŋ boɔrɔ, ka yɛ meŋ nyɛ ma ka N ba waa lɛ yɛ naŋ boɔrɔ. N zoro la dabeɛ̃ ka kaapɔge, zɔɔre, nyuuri, suuri, meŋɛ nɔŋ gaŋ, yosãã, gagarre yɛlɛ, pɔloo ane dɔɔne na bebe la.

EFESU 4:31

Yɛ bare potuoloŋ boorɔ zaa, a bare sutoloŋ, suuri, gɔŋweere, yosãã ane kyiiritaa boorɔ zaa,

1 Tim 3:11

A pɔgeba meŋ seŋ ka ba taa nimizeɛ, a ta e yosaanema, kyɛ ba baŋ bamenne taabo, a taa yelmeŋɛ yelzaa poɔ.

2 Tim 3:3

a ba taa nensaaloŋ, a ba dire suuri, a waa yosaanema, a taa sutoloŋ, a e noba naŋ na taa dabeɛ̃, a kyiire yelveɛle,

TITU 2:3

A lɛ ne o zu, yeli ko a pɔgenyaŋne ka ba e ka ba gyogo taa emmo, a ta e noba naŋ na saana ba taaba yoe bee a e dããnyu gbaŋgbaare; kyɛ a seŋ ka ba wullo yelsonne,

Gyimisi 1:16

N poyɛŋ noba, yɛ ta vɛŋ ka neɛzaa bɛlle yɛ.

Gyimisi 1:19

N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

Gyimisi 1:25

Kyɛ banaŋ naŋ maŋ kaa a Naaŋmen bege naŋ tori poɔ, a meŋɛ-soobo bege, a taa kannyiri o poɔ, a ba waa noba naŋ maŋ kyɛlle woŋ kyɛ leɛ inni, kyɛ ba maŋ kyɛlle woŋ la, a e a lɛ ba naŋ woŋ. A noba bama na nyɛ la maaloo a ba yel-erre zuiŋ.

Gyimisi 2:8

Ka yɛnee wa sereŋ sagra a Naaŋmen bege a seŋ a gansoŋ naŋ yeli, “Nɔŋ fo tɔsoba a seŋ lɛ fo naŋ nɔŋ fo meŋɛ,” yɛ mɔɛ la.

Gyimisi 5:10

N poyɛŋ noba, yɛ de a dɔgɛɛ ane a kannyiri a Ŋmen-yelmanneba naŋ da di ba naŋ da yeli yɛlɛ a Daana yuori eŋɛ, ka a e yelwulaa yɛ zie.

Gyimisi 5:7

Azuiŋ, N poyɛŋ noba, yɛ di kannyiri te ta a Daana waabo daare. A koɔraa maŋ di la kannyiri kyɛ kyɛllɛ a o weɛ boma ka a seɛ̃kpɛpaalaa saa ane a valeŋvuuluŋ saa mi.

Gyimisi 5:9

N poyɛŋ noba, yɛ ta ŋmoonɔ yɛlɛ ne taa ka ba ta wa di yɛ sɛrɛɛ. Yɛ nyɛ, a sɛredire are la a dendɔɛ eŋɛ!

1 Pit 2:1

Azuiŋ, yɛ bare faaloŋ zaa ane zirŋma zaa, a bare nyaayɛlɛ, nyuuri ane yosãã yɛlɛ zaa.