Gyimisi 4:1 - Naaŋmen Nɔpaalaa Gane

¹ A zɔɔre ane a yelbawontaa naŋ be a yɛ poɔ, yeŋ la ka a maŋ yi wa? A ba yi a vɔlfaare na naŋ be yɛ pooreŋ a zɔɔrɔ ne yɛ zie be?

Gyimisi 4:1 ပူးပေါင်းရင်းမြစ်များ

Matio Gane 15:19

Bonso, a sukyiri poɔ la ka teɛre faare maŋ yi, neŋko, moɔrɔ yɛlɛ, peɛ̃mo toma, nannyigri, danse-zirii, ane yosãã.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Urom 7:23

kyɛ N nyɛ la a bege kaŋ meŋ a n nandaare poɔ ka o zɔɔrɔ ne a bege naŋ be n yɛŋ poɔ, a e ka n waa neɛ ba naŋ nyɔge ko a yelbieri bege naŋ be a n nandaare poɔ.

Urom 7:5

Te naŋ da naŋ kyɛnɛ be a nensaaloŋ poɔ, a bege da maŋ e la ka te yelbebe vɔlfaa iri, a de te nandaare tonɔ ne toma ka a wɔnɔ wɔmɔ naŋ waana ne kũũ.

Urom 8:7

A ŋaa zuiŋ, neɛ naŋ de o teɛroŋ zaa eŋ eŋgannoŋ eŋɛ kyiire la Naaŋmen, a ba sigre o meŋɛ a na sagra a Naaŋmen bege; serɛzaa o kontoɔ̃.

Galesiya 5:17

Bonso, bonna zaa a eŋgane naŋ boɔrɔ maŋ zɔɔrɔ ne la a Vooroŋ Soŋ, ka bonna a Vooroŋ Soŋ naŋ boɔrɔ meŋ zɔɔrɔ ne a eŋgane; bonso a ama zɔɔrɔ ne la taa, ka ka a pigi yɛ sori ka yɛ ta toɔ̃ e yeli na yɛ naŋ boɔrɔ.

KOLO 3:5

Azuiŋ, yɛ ko a teŋɛzu yɛlɛ zaa naŋ be yɛ enneŋ: peɛ̃mo toma, yeldɛgɛ, vɔlfaare, yelfaare boɔbo ane bombɔ-gaŋne (naŋ waa tebɛ maaloo).

2 Tim 2:23

Ta taa yelzaa ne damboluŋ ane nɔkpeɛn-weere naŋ ba taa tɛgɛ. Fo baŋ ka a lɛ maŋ waana ne la zɔɔre.

TITU 3:3

Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

TITU 3:9

Kyɛ bare dambol-nɔkpeɛne ŋmeɛbo, sããkommine dɔge-tu-taa yoe yɛlɛ, wɛltaa ane zɔɔre naŋ kyaare ne a bege, bonso, a ba taa tɛgɛ ane tɔnɔ zaa.

Gyimisi 1:14

Kyɛ neɛ poboɔbo yɛlɛ la maŋ bɛlle o, a nyɔge o taa.

Gyimisi 4:3

Yɛ maŋ sɔre la kyɛ ba nyɛ, bonso, yɛ ba maŋ sɔre ne teɛroŋ velaa. Yɛ maŋ sɔre la ka yɛ de a boma woŋ ne noɔ.

1 Pit 1:14

Aŋa bibiiri naŋ sagra noɔre, yɛ ta la tuuro a yɛ koroŋ yelboɔre na yɛ naŋ da taa a yɛ babammo saŋ.

1 Pit 2:11

N poyɛŋ noba, N sɔrɔ yɛ la aŋa yɛ naŋ waa nɔɔre ane noba ba naŋ digi bare ka yɛ be teŋyuo poɔ, yɛ bare a eŋgane vɔlfaare naŋ zɔɔrɔ ne yɛ seere.

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

2 Pit 3:3

A dɛndɛŋ soba, a seŋ ka yɛ baŋ a yeli ŋa, ka a bebi-baare saŋ, noba naŋ erɛ ba taaba laara na yi la, a erɛ yɛ laara kyɛ be ba vɔlfaare poɔ