Gyimisi 3:1 - Naaŋmen Nɔpaalaa Gane

¹ N yɔɔmine ane n yɔɔpuuli, a ba seŋ ka yɛ yaga zie boɔrɔ ka yɛ waa wulwulibo, bonso, yɛ baŋ ka te banaŋ naŋ waa wulwulibo sɛrɛɛ la ka ba na di yaga gaŋ a noba zaa.

Gyimisi 3:1 ပူးပေါင်းရင်းမြစ်များ

Matio Gane 10:24

“Zanzanna ba ganna o wulwullo, bee ka gbaŋgbaa ganna soba naŋ so o.

Matio Gane 23:13

“Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Bonso, yɛ lare la noba bare yeŋeŋ ka ba ta kpɛ a tenvelaa naaloŋ. Yɛ menne ba kpeɛrɛ kyɛ ba la sage ka noba naŋ boɔrɔ ka ba kpɛ be meŋ kpɛ.

Matio Gane 23:14

[Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Yɛ maŋ fa la pɔg-kɔbɔ yie wieouŋ lɛ, kyɛ maŋ puori kɔɔre yaga zaa, ka noba nyɛ a na teɛrɛ ka yɛ waa la nemmenne. A ŋaa zuiŋ yɛ dɔgroŋ na waa la kpoŋ.]

Matio Gane 9:11

A Faraziimine naŋ da wa nyɛ a lɛ, ba da soore la a O potuuribo, “Bonso ka a yɛ Wulwullo laŋ dire ne zuyɔɔ-derebɛ ane yelbe-erebɛ?”

Luka 16:2

Lɛ la ka o da boɔle o a soore o, ‘Boŋ la ka N wono kyaare ne fo ya? Wa tu a toma gbɛɛ zaa nɛnɛ ka N nyɛ, bonso, fo koŋ la baŋ kaara a n boma zu.’

Luka 6:37

“Ta di fo tɔ sɛrɛɛ, ka ba ta wa di fo meŋ sɛrɛɛ; ta yeli ka neɛ le la sɛrɛɛ poɔ, ka ba ta wa yeli ka fo meŋ le la sɛrɛɛ poɔ. Di suuri ko fo tɔ, kyɛ fo meŋ na nyɛ la sudi;

Gyɔɔn 3:10

Ka Yeezu da yeli sɔge o, “Fo waa la a Izerayɛl biiri wulwullo kaŋ, kyɛ ba baŋ a yɛlɛ ama?”

Toma 13:1

A Antoɔki puoruu laŋne deme poɔ, Ŋmen-yelmanneba ane wulwulibo da be la a be: Banabase ane Simeon ba naŋ boɔlɔ Nega, Lusiyo naŋ yi Saarin ane Manayɛn naŋ da waa a naa Hɛrɔde sɛrɛɛdiibu zie neɛ kaŋ ane Sɔɔl.

1 Kor 12:28

Kyɛ Naaŋmen kaa-iri la noba a puoruu laŋne poɔ, ka a danweɛ deme waa a apostoliimine, ka a Ŋmen-yelmanneba tu, ka wulwulibo tu; a bama puoriŋ, ka yelkpeɛ-erebɛ tu, ka a banaŋ naŋ taa baalba sammo kyɔɔtaare tu, ka noba sommo ane wederebɛ tu, a pãã de ne kɔkɔsaama.

Korinti 5:10

Bonso, a ferɛɛ la ka te zaa are a Kirista sɛredi kogo niŋesogɔ ka O di te sɛrɛɛ ka te kanzaa nyɛ o san-yɔɔ, ka velaa bee ka faa la, a kyaare ne bon o naŋ e ne a o eŋɛ.

EFESU 4:11

A kyɔɔtaare O naŋ da tere da la ka ba mine na waa la apostoliimine, ka ba mine waa Ŋmen-yelmanneba, ka ba mine waa a yelbiri ŋmɛyaareba, ka ba mine waa noba naŋ kaara a yelderebɛ zu ane wulwulibo,

1 Tim 1:7

a boɔrɔ ka ba e a Naaŋmen bege wulwulibo kyɛ ba baŋ bon ba naŋ yele tɛgɛ bee a baŋ a bonna eŋɛ ba naŋ yele a yɛlɛ ama.

1 Tim 2:7

A ŋaa zuiŋ, ba da kaa-iri ma la ka N waa yelmoɔlɔ ane apostolii (a yelmeŋɛ la ka N yele, N ba ŋmaara zirii), a waa a Nemboore-yobo kankanna a yeldeebo ane yelmennoŋ poɔ.

2 Tim 1:11

A Ŋmen-yelnoore ŋa zuiŋ la ka ba da kaa-iri ma ka N waa yelmoɔlɔ ane apostolii ane wulwullo,

Hiburu 13:17

Yɛ sagra yɛ wederebɛ nɔɛ kyɛ sigre yɛmenne korɔ ba, bonso, bana la kaara a yɛ seere zu a na manne bonna zaa yɛ naŋ e. Yɛ vɛŋ ka ba tonɔ a ba toma ne popeɛloŋ kyɛ ka a ta e ne posaanaa; bonso, a lɛ koŋ taa tɔnɔ ko yɛ.

Gyimisi 1:16

N poyɛŋ noba, yɛ ta vɛŋ ka neɛzaa bɛlle yɛ.

Gyimisi 1:19

N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

Gyimisi 3:10

A noɔre ŋa ne o zu poɔ la ka dannoo ane kaa-emmo maŋ yi. N yɔɔmine ane n yɔɔpuuli, a da ba seŋ ka a waa lɛ.

1 Pit 5:3

Yɛ ta dire gandaaloŋ a banaŋ ba naŋ ko yɛ ka yɛ kaara zu, kyɛ yɛ waa noba ba naŋ na tɔglɔ.