Gyimisi 2:8 - Naaŋmen Nɔpaalaa Gane

⁸ Ka yɛnee wa sereŋ sagra a Naaŋmen bege a seŋ a gansoŋ naŋ yeli, “Nɔŋ fo tɔsoba a seŋ lɛ fo naŋ nɔŋ fo meŋɛ,” yɛ mɔɛ la.

Gyimisi 2:8 ပူးပေါင်းရင်းမြစ်များ

Matio Gane 22:39

A ayi soba meŋ waa ŋa a dɛndɛŋ soba, ‘Nɔŋ fo tɔ a seŋ fo meŋɛ.’

Matio Gane 25:21

Ka a o daana yeli ko o, garebanyɛ! gbaŋgba-soŋ, fo seŋ ne la dɛloo. Fo naŋ moɔ nimiri kaa bonfee zu velaa N na e la ka fo kaara bon-yaga zu. Kpɛ wa laŋne ma a wono noɔ.

Matio Gane 25:23

Ka a o daana yeli ko o, garebanyɛ! gbaŋgba-soŋ, fo e la neɛ naŋ seŋ ne dɛloo. Fo moɔ la nimiri kaa bonfee zu velaa, N na e la ka fo kaara bon-yaga zu. Kpɛ wa laŋne ma a wono noɔ.

Matio Gane 7:12

Yelzaa poɔ, yɛ maŋ erɛ korɔ yɛ taaba a seŋ lɛ yɛ naŋ boɔrɔ ka ba erɛ korɔ yɛ; bonso, a begɛ ane a Ŋmen-yelmanneba wuluu tɛgɛ la a lɛ.

Urom 13:10

Nɔmmo soba ba erɛ faa korɔ o tɔsoba; azuiŋ, ka fõõ wa nɔnɔ fo taaba wuli ka fo tu la a bege ka a ta.

Galesiya 5:14

Bonso, a bege zaa laŋ la taa a kpulli waa nɔyenaa, “Nɔŋ fo tɔsoba aŋa fo meŋɛ.”

Galesiya 6:2

Yɛ soŋnɔ taa yɛ toɔrɔ poɔ, a lɛ eebo poɔ yɛ na tuuro la a Kirista bege.

Filipai Deme Gane 4:14

Lɛ na zaa naŋ la, yɛ da wuli la yɛ nimimaaroŋ ko ma ne yɛ naŋ da soŋ ma a n woore poɔ.

I Tesa 4:9

Pampana, a kyaare ne a yɔɔmine ane a yɔɔpuuli nɔmmo, a ba fere ka neɛzaa sɛge a ko yɛ, bonso, Naaŋmen da wuli yɛ la ka yɛ nɔnɔ taa;

Gyimisi 1:25

Kyɛ banaŋ naŋ maŋ kaa a Naaŋmen bege naŋ tori poɔ, a meŋɛ-soobo bege, a taa kannyiri o poɔ, a ba waa noba naŋ maŋ kyɛlle woŋ kyɛ leɛ inni, kyɛ ba maŋ kyɛlle woŋ la, a e a lɛ ba naŋ woŋ. A noba bama na nyɛ la maaloo a ba yel-erre zuiŋ.

Gyimisi 2:12

A lɛ zuiŋ, yɛ maŋ yeli kyɛ e meŋ aŋa noba ba naŋ na di ba sɛrɛɛ ne a meŋɛ-soobo bege.

Gyimisi 2:19

Yɛ sage deɛ la ka Naaŋmen e la yeni; yɛ mɔɛ la. A sefaare meŋ gba sage deɛ la; a zoro dabeɛ̃ kyɛ miine.

Gyimisi 4:11

N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.