Gyimisi 2:14 - Naaŋmen Nɔpaalaa Gane

¹⁴ N yɔɔmine ane n yɔɔpuuli, ka neɛ wa yeli ka o taa la yeldeebo kyɛ ka a ba wuli a o yel-erre poɔ, boŋ tɔnɔ ka a taa? A yeldeebo na toɔ̃ faa fo la be?

Gyimisi 2:14 ပူးပေါင်းရင်းမြစ်များ

Matio Gane 5:20

Maa yele korɔ yɛ, ka yɛ yelmennoŋ ba wa zuo a Naaŋmen bege wulwulibo ane a Faraziimine, yɛ daŋ koŋ kpɛ a tenvelaa naaloŋ poɔ.

Luka 3:11

Ka o yeli sɔge ba, “Soba na zaa naŋ taa kparre ayi, a ferɛɛ la ka o iri kaŋ ko neɛ naŋ ba taa togitogi, ka a fere ka soba na zaa meŋ naŋ taa bondirii e a lɛ ne o zu.”

Luka 6:49

Kyɛ neɛ naŋ maŋ woŋ N yelbie kyɛ ba tuuro a, o soba waa seŋ ŋa dɔɔ kaŋ naŋ mɛ o yiri teŋɛŋ, ka a yiri pare ba biŋ zikpeɛŋaa. A baa naŋ da wa kyeɛ̃ ka a koɔ̃ wa ŋmɛ a yiri, wieouŋ lɛ ka o ŋmore o zaa, ka a o leebu da waa saamo kpoŋ.”

Toma 15:9

A ba yeldeebo zuiŋ, O pɛge la a ba sukyie ka a veɛlɛ, ka tɛɛtɛɛ zaa ba kyebe te ne ba zie.

Toma 8:13

A Saamon meŋ gba da sage de la a yɛlɛ. O naŋ da wa de a suobu baare, o da be la a Filipi zie tegitegilɛ. A dɔɔ ŋa noɔre da maaɛ la ne a yelwulii ane a toŋseɛlɛ o naŋ da nyɛ.

Toma 8:21

Fo nu kye a toma ŋa poɔ, bonso, fo poteɛrɛ ba veɛlɛ Naaŋmen zie.

Urom 2:25

Dɛgre iruu sereŋ na taa la tɛgɛ, ka fooŋ wa tuuro a bege wuluu; kyɛ ka fooŋ ba wa tuuro a bege wuluu, fo dɛgre iruu waa seŋ ŋa neɛ dɛgre ba naŋ ba iri.

1 Kor 15:2

Ka yɛnee nyɔge kpeɛŋaa a yɛlɛ N naŋ moɔle ko yɛ, yɛ na nyɛ la faabo, ka lɛ naane, a yɛ sagedeebo na e la weɛlɛ.

1 Kor 16:22

Neɛzaa naŋ ba nɔnɔ a Daana e la neɛ ba naŋ kaa-eŋ. Te Daana wa!

Galesiya 5:13

N yɔɔmine ane n yɔɔpuuli, ba da boɔle yɛ la eŋ meŋɛ soobo poɔ; kyɛ yɛ ta vɛŋ ka a yɛ meŋɛ soobo ŋa leɛ ennoɔ yoŋ bon, kyɛ nɔmmo zuiŋ yɛ waa gbaŋgbaare ko taa.

Galesiya 5:6

Bonso a Kirista Yeezu poɔ, dɛgre iruu bee dɛgre ba-iruu ba poɔ yeli zaa poɔ; yeli yoŋ naŋ poɔ yɛlɛ poɔ la yeldeebo naŋ tonɔ toma ne nɔmmo.

I Tesa 1:3

a maŋ teɛrɛ a yɛ yeldeebo toma, a yɛ nɔmmo toma ane a kannyiri yɛ naŋ taa ne a teɛretɔroo a te Daana Yeezu Kirista eŋɛ a te Saa Naaŋmen niŋesogɔ.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Tim 4:8

aneazaa ka tɔnɔ belaa be la yelzaa neɛ naŋ maŋ e a dɔ̃ɔ̃ o kɔbɔ, kyɛ Naaŋmennoŋ taa la tɔnɔ yelzaa poɔ, a terɛ nyɔvore pampana ane a nendaare kaŋ nyɔvore naŋ na wa.

TITU 1:16

Ba maŋ yeli ka ba baŋ la Naaŋmen kyɛ ka ba yel-erre wuli ka ba zagra la Naaŋmen. Ba waa la nendɛgɛ, a waa noba naŋ zagra noɔre, a ba seŋ ne tonvelaa zaa.

TITU 3:8

A yeluu ŋa e la yelmeŋɛ. N boɔrɔ la ka fo maaleŋ yele a yɛlɛ ama, ka a banaŋ naŋ wa sage de a Naaŋmen yɛlɛ e noba naŋ na kpimare tonsonne tommo eŋɛ. A yɛlɛ ama veɛlɛ la kyɛ taa tɔnɔ ko neɛzaa.

Hiburu 11:17

Yeldeebo zuiŋ, Naaŋmen naŋ da e a Aboraham nyɛ, o da sage de la a Aziki maale bagre. A Aboraham naŋ da de a noɔre Naaŋmen naŋ da eŋ ko o, o da narɛɛ la ka o de a o bi-yeni tere;

Hiburu 13:9

Yɛ ta vɛŋ ka wulsaama zaa leɛre yɛ teɛroŋ; bonso, a e la soŋ ka garaaseɛ ko a yɛ sukyie faŋ, kyɛ ka a ta e yeldɔlɔ naŋ kyaare ne bondirii naŋ da ba yi tɔnɔ ko banaŋ naŋ da tuuro a.

Gyimisi 1:16

N poyɛŋ noba, yɛ ta vɛŋ ka neɛzaa bɛlle yɛ.

Gyimisi 2:16

ka yɛ kaŋ yeli ko ba, “Ka a waa yɛ velaa, ka ɔɔre ta kpeɛrɛ yɛ, kyɛ ka yɛ dire tegrɛ,” kyɛ ba ko ba a ba bomboɔre, boŋ tɔnɔ ka a taa?

Gyimisi 2:18

Kyɛ neɛ kaŋ na toɔ̃ yeli la, “Fo taa la yeldeebo kyɛ ka N taa tonveɛle.” Wuli ma a fo yeldeebo naŋ ba taa tonveɛle, kyɛ ka N meŋ tu a n tonveɛle zie wuli fo a n yeldeebo.

Gyimisi 2:26

Aŋa lɛ eŋɛ naŋ ba taa vooroŋ naŋ maŋ leɛ kũũ, lɛ meŋ ka yeldeebo naŋ ba taa toma maŋ e kũũ.

2 Pit 1:5

A yeli ŋa zuiŋ, yɛ mɔ yɛ moɔbo zaa a de yelveɛle eebo teɛ ne a yɛ yeldeebo, a de a yɛ yelbammo teɛ ne a yɛ yelveɛle,