Gyimisi 2:13 - Naaŋmen Nɔpaalaa Gane

¹³ Bonso, a sɛrɛɛdiibu poɔ, nembaaloŋ zoobu koŋ kyebe ko neɛ na zaa naŋ ba zo nembaaloŋ; kyɛ nembaaloŋ zoobu maŋ toɔ̃ la sɛrɛɛdiibu.

Gyimisi 2:13 ပူးပေါင်းရင်းမြစ်များ

Matio Gane 5:7

“Banaŋ naŋ zoro nembaaloŋ nyɛ la maaloo, bonso, Naaŋmen na zo la ba meŋ nembaaloŋ.

Matio Gane 6:15

Kyɛ ka yɛnee ba dire yɛ taaba yelfaare suuri korɔ ba, a yɛ Saa meŋ koŋ di yɛ meŋ yelfaare suuri ko yɛ.

Luka 16:25

Ka Aboraham da yeli, ‘N bie, leɛ-teɛre nyɛ a fo nyɔvore saŋ, fo da nyɛ la a bonsonne na zaa fo naŋ da maŋ boɔrɔ, kyɛ ka Lazario eŋ da nyɛrɛ woore yoŋ. Pampana ŋa, o dire la noɔ a kyɛ, kyɛ ka fo dire tuo.

Luka 6:37

“Ta di fo tɔ sɛrɛɛ, ka ba ta wa di fo meŋ sɛrɛɛ; ta yeli ka neɛ le la sɛrɛɛ poɔ, ka ba ta wa yeli ka fo meŋ le la sɛrɛɛ poɔ. Di suuri ko fo tɔ, kyɛ fo meŋ na nyɛ la sudi;

Gyimisi 3:17

Kyɛ yɛŋ naŋ yi Naaŋmen zie maŋ daŋ e la soŋ, a pãã terɛ maaroŋ, a e baaloŋ lɛ, a nare ka o sagra noɔre, a paale ne nembaalonzoe ane tonveɛle, ka nɔmboore bee bampuori-kombampoɔ yɛlɛ zaa ba kyebe.

Gyimisi 5:4

Yɛ kyɛlle woŋ! A tontonema naŋ kɔ a yɛ wɛre san-yɔɔ yɛ naŋ mɔŋ, a yɛ finnuu yɛlɛ zuiŋ ŋmeɛrɛ la kpɛlle ka a kpɛlle a yɛ wɛre bonderebɛ naŋ ŋmeɛrɛ kpɛ a boma zaa Daana tobo.