Gyimisi 1:18 - Naaŋmen Nɔpaalaa Gane

¹⁸ Naaŋmen naŋ da boɔrɔ ka O tu a O meŋɛ poboɔbo ka a ta zuiŋ, O da dɔge te la ne a O yelmeŋɛ yelbiri, ka ka te na waa a dɛndɛŋ noba a O bon-iri poɔ.

Gyimisi 1:18 ပူးပေါင်းရင်းမြစ်များ

Gyɔɔn 1:13

ba dɔgebo da ba waa zẽẽ bee eŋgane dɔgebo, bee nensaala poboɔbo, kyɛ Naaŋmen dɔgebo da la.

Urom 4:17

aŋa ba naŋ da sɛge, “N eɛɛ la ka fo leɛ nemboore yaga saa”); a Naaŋmen na a Aboraham naŋ da sage de, Ona la maŋ korɔ a kuuni nyɔvore kyɛ maŋ e ka boma naŋ daŋ ba kyebe wa bebe.

1 Kor 4:15

Ka yɛnee gba taa wulwulibo turi pie a Kirista eŋɛ, kyɛ yɛ ba taa saamine yaga. Serɛzaa, a Kirista Yeezu eŋɛ, N waa la yɛ saa a Ŋmen-yelnoore N naŋ taa wa ko yɛ zuiŋ.

Korinti 6:7

Yelmeŋɛ yeluu poɔ ane Naaŋmen kpeɛ̃õ poɔ; a laŋ ne mennoŋ zɔɔzɔɔ-boma te naŋ taa te nuduluŋ ane nugɔɔ poɔ,

EFESU 1:12

ka ka a te banaŋ naŋ daŋ de te teɛretɔroo eŋ a Kirista eŋɛ, na de te nyɔvoɛ danna ne O yuori a korɔ O puubu.

EFESU 1:13

A Kirista poɔ meŋ la ka yɛ da woŋ a yelmeŋɛ yelbiri, a Ŋmen-yelnoore naŋ faa yɛ, yɛ naŋ da sage de O, a pãã nyɛ a Vooroŋ Soŋ ba naŋ da eŋ noɔre tere, ka O e yelwulaa.

2 Tim 2:15

E aneɛ ka fo are a Naaŋmen niŋesogɔ a waa neɛ O poɔ naŋ pɛle ne, a waa tontonɔ naŋ ba zoro vi kyɛ kanna a yelmeŋɛ yelbiri velaa.

Hiburu 12:23

Yɛ wa la a bidɛnne ba naŋ sɛge ba yoe eŋ a tenvelaa poɔ laŋne zie ane a Naaŋmen naŋ waa a nensaalba zaa sɛredire zie. Yɛ wa la a nensonne seere naŋ tori zie.

Gyimisi 1:15

Ka a o poboɔbo pãã wa taa poɔ baare, o maŋ dɔge la yelbieri, ka a yelbieri na wa baa ta, o maŋ dɔge la kũũ.

Gyimisi 1:21

Azuiŋ, yɛ bare yeldɛgɛ ane faaloŋ e gaŋ taa boorɔ zaa, kyɛ tuori de a Naaŋmen yelbiri O naŋ eŋ yɛ sukyie poore ne Sigruumilluu. A yelbiri taa la kpeɛ̃õ a na faa yɛ seere.

Gyimisi 3:14

Kyɛ ka yɛnee wa taa potu-nyuuri ane meŋɛ-yoŋ boɔbo yɛlɛ yɛ sukyie poore, yɛ ta wullo yɛmenne kyɛ ŋmaara zirii pɔgrɔ a yelmeŋɛ.

1 Pit 1:23

Ba leɛ dɔge yɛ la paalaa ne a Naaŋmen yelbi-vore naŋ bebe tegitegilɛ ka a ba e dɔgrebɔ naŋ na kpi la dɔge yɛ kyɛ dɔgrebɔ naŋ koŋ baŋ kpi la dɔge yɛ.

1 Pit 1:3

Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,

1 Gyn 3:9

Banaŋ Naaŋmen naŋ dɔge ba erɛ yelbebe, bonso, Naaŋmen be la ba poɔ ka ba koŋ baŋ e yelbieri, bonso, Naaŋmen la dɔge ba.

Yel-iriwulaa Gane 14:4

A bama la da ba dɛge bamenne ne pɔgeba, bonso, ba da waa la bitorri. A bama la da tuuro a Pilee zie na zaa O naŋ da maŋ gɛrɛ. Ba da faa ba la yi ne nensaalba poɔ ka ba waa dɛndɛŋ noba ko Naaŋmen ane a Pilee,