Gyimisi 1:16 - Naaŋmen Nɔpaalaa Gane

¹⁶ N poyɛŋ noba, yɛ ta vɛŋ ka neɛzaa bɛlle yɛ.

Gyimisi 1:16 ပူးပေါင်းရင်းမြစ်များ

Matio Gane 22:29

Ka a Yeezu yeli sɔge ba, “Yɛ tulee la, bonso, yɛ ba baŋ a ŋmen gane yelbie, bee a baŋ a Naaŋmen kpeɛ̃õ naŋ seŋ lɛ.

Marko Gane 12:24

Ka a Yeezu yeli ko ba, “Yɛ naŋ ba baŋ a Naaŋmen gansoŋ yɛlɛ kyɛ bee a baŋ a Naaŋmen kpeɛ̃õ naane so ka yɛ tuli be?

Marko Gane 12:27

O ba waa kuuni Naaŋmen, kyɛ O waa la voba Naaŋmen; yɛ sereŋ tulee la.”

Toma 1:15

A bebie na poɔ, Piita da iri are la a yelderebɛ sogɔŋ (a noba zaa naŋ da lantaa da ta la kɔɔ ane lezare), kyɛ yeli:

1 Kor 6:9

Yɛ mɔɔ ba baŋ ka a yelfa-erebɛ koŋ kpɛ a Naaŋmen naaloŋ be? Yɛ ta bɛllɛ yɛmenne! Banaŋ naŋ tonɔ peɛ̃mo toma, noba naŋ maala tebɛ, banaŋ naŋ tonɔ moɔrɔ toma, dɔɔ gyɛnterre, dɔbɔ naŋ maŋ gana ne ba dɔɔ taaba,

Galesiya 6:7

Yɛ ta vɛŋ ka ba bɛlle yɛ; Naaŋmen ba e neɛ ba naŋ na erɛ laara, bonso, bonna zaa neɛ naŋ bore la ka o na kyɛ.

Filipai Deme Gane 2:12

Azuiŋ n poyɛŋ noba, aŋa lɛ yɛ naŋ maŋ sagra n noɔre tegitegilɛ, ka a ba e ka a saŋ N naŋ maŋ be yɛ zie yoŋ la, kyɛ a gaŋ a zaa, saŋ na N naŋ ba maŋ wa be yɛ zie, yɛ tonɔ a yɛ faabo toma ane Naaŋmen emmo dabeɛ̃ ane miimu;

Filipai Deme Gane 4:1

Azuiŋ, n yɔɔmine ane n yɔɔpuuli, n poyɛŋ noba N naŋ nɔŋ, a taa vɔlaa ka N wa nyɛ yɛ, n popeɛloŋ ane n dapaaloŋ noba, yɛ are kpeɛŋaa a Daana eŋɛ a ŋaa poɔ.

KOLO 2:4

N yele la a ŋaa ka ka neɛzaa na ta wa bɛlle yɛ ne nɔkpeɛŋ-zirii.

KOLO 2:8

Yɛ gu yɛmenne velaa ka neɛzaa ta wa de yɛmbaŋ yɛlɛ ane bɛllɛ nyɔge ne yɛ eŋ seeloŋ gbaŋgbaaloŋ poɔ, a yi nensaalba wuluu yɛlɛ ane a teŋɛzu sefaare, kyɛ ka a ba e seŋ a Kirista naŋ boɔrɔ lɛ.

2 Tim 2:18

Ba bɔre yi la a yelmeŋɛ sori kyɛ yele ka a kũũ leɛ-iruu eɛɛ la baare. Ba dɔɔnɔ la a noba mine yeldeebo.

Hiburu 13:1

Yɛ vɛŋ ka nɔmmo naŋ kyɛnɛ be yɛ zie.

Gyimisi 1:19

N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

Gyimisi 1:2

N yɔɔmine ane n yɔɔpuuli, saŋ na zaa yɛ naŋ maŋ wa be toɔrɔ boorɔ zaa poɔ, yɛ ta de a ka a e yelzaa kyɛ yɛ vɛŋ ka a e popeɛloŋ ko yɛ,

Gyimisi 2:1

N yɔɔmine ane n yɔɔpuuli, yɛ naŋ erɛ nɔmboore a yɛ yel-erre poɔ, yɛ na toɔ̃ yeli ka yɛ sage de la a te Daana Yeezu Kirista naŋ waa a puubu soba yɛlɛ be?

Gyimisi 2:14

N yɔɔmine ane n yɔɔpuuli, ka neɛ wa yeli ka o taa la yeldeebo kyɛ ka a ba wuli a o yel-erre poɔ, boŋ tɔnɔ ka a taa? A yeldeebo na toɔ̃ faa fo la be?

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

Gyimisi 3:1

N yɔɔmine ane n yɔɔpuuli, a ba seŋ ka yɛ yaga zie boɔrɔ ka yɛ waa wulwulibo, bonso, yɛ baŋ ka te banaŋ naŋ waa wulwulibo sɛrɛɛ la ka ba na di yaga gaŋ a noba zaa.

Gyimisi 3:10

A noɔre ŋa ne o zu poɔ la ka dannoo ane kaa-emmo maŋ yi. N yɔɔmine ane n yɔɔpuuli, a da ba seŋ ka a waa lɛ.

Gyimisi 4:11

N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

Gyimisi 5:12

A gaŋ a zaa, n poyɛŋ noba, yɛ ta pɔ sazu bee a teŋɛ, bee a pɔ bonzaa, bee a pɔ poɔre zaa. Kyɛ yɛ vɛŋ ka yɛ “Õõ” waa õõ, ka yɛ “Ai” waa ai, ka yɛ ta wa le sɛrɛɛ poɔ.

Gyimisi 5:19

N yɔɔmine ane n yɔɔpuuli, ka yɛ poɔ neɛ kanzaa wa bɔre yi a yelmeŋɛ sori poɔ, ka yɛ kaŋ wa taa o leɛ wa ne,