Galesiya 4:9 - Naaŋmen Nɔpaalaa Gane

⁹ Kyɛ pampana, yɛ naŋ wa baŋ Naaŋmen kyɛ bee Naaŋmen naŋ wa baŋ yɛ, wola ka yɛ na la leɛ gaa a andonɛɛ se-foglo naŋ ba taa faŋ bee tɛgɛ zie? Wola ka yɛ na boɔrɔ ka yɛ la te leɛ a gbaŋgbaare?

Galesiya 4:9 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Luka 5:38

Kyɛ a seŋ ka ba de dãã paalaa eŋ dããwo-paalaa poɔ.

Gyɔɔn 10:14

Maa la a pekyee-meŋɛ. N baŋ la N peere, ka a N peere meŋ baŋ ma,

Gyɔɔn 10:27

A N peere maŋ woŋ la a N kɔkɔre. N baŋ a la, ka a maŋ tuuro ma.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Urom 8:29

Bonso, a banaŋ O naŋ da daŋ baŋ, bana la ka O da daŋ nare bare ka ba na taa a O Bidɔɔ waaloŋ, ka ka O na toɔ̃ e a bidɛndɛŋ a yideme naŋ waa yaga poɔ.

Urom 8:3

Bonso, Naaŋmen da e la bonna a bege naŋ da kontoɔ̃ e, a nensaala bambaaloŋ naŋ da e ka o ba taa faŋ zuiŋ: A Naaŋmen da toŋ la O meŋɛ Bidɔɔ ka O wa de nensaala waaloŋ naŋ e yelbieri eŋɛ, kyɛ O naŋ da boɔrɔ ka O zɔɔ ne yelbieri, O da sãã la yelbieri yi nensaaloŋ eŋɛ,

1 Kor 13:12

Pampana ŋa, te maŋ nyɛ la kyaanaa poɔ zĩĩ lɛ, kyɛ te na nyɛ la O niŋesogɔ weliweli. Pampana ŋa, N baŋ la ŋmaara ŋmaara, kyɛ N na baŋ la a zaa gbuli aŋa ba naŋ baŋ ma baare lɛ.

1 Kor 15:34

Yɛ leɛ taa teɛroŋ velaa kyɛ bare yelbebe eebo. Bonso, a noba mine ba baŋ Naaŋmen togitogi. N yele la a yeli ŋa ka ka vi kpɛ yɛ.

1 Kor 8:3

kyɛ neɛ na zaa naŋ nɔnɔ Naaŋmen, a Naaŋmen maŋ baŋ la a soba.

Korinti 11:20

Bonso, yɛ maŋ di la kannyiri ka ba naŋ wa de yɛ leɛ gbaŋgbaare, bee a dire yɛ, bee a boɔrɔ tonɔ yɛ zu, bee a duoro bamenne yɛ zie, bee a fale yɛ niŋe.

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

Galesiya 3:3

Lɛ mɔɔ ka yɛ boli seŋ be? Yɛ naŋ da piili ne a Vooroŋ Soŋ, yɛ mɔɔ leɛ boɔrɔ la ka yɛ baare ne yɛ meŋɛ faŋ be?

Galesiya 4:3

Lɛ ka a waa te meŋ zie; te naŋ da naŋ waa bibiiri, te da e la gbaŋgbaare ko a seere naŋ dire naaloŋ a tendaa zu.

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

2 Tim 2:19

Kyɛ a Naaŋmen yiri pare naŋ e kpeɛŋaa naŋ arɛɛ la a taa ŋmaaroŋ ŋa, “A Daana baŋ la banaŋ naŋ e O noba,” kyɛ “Vɛŋ ka neɛzaa naŋ boɔlɔ a Daana yuori leɛ yi potuoloŋ poɔ.”

Hiburu 7:18

A naŋ e ŋaa, ba iri la a dɛndɛŋ noɔre na bare o naŋ da ba taa faŋ ane tɔnɔ zuiŋ.

2 Pit 2:20

Bonso, banaŋ naŋ zo yi a teŋɛzu yelfaare poɔ, ba naŋ wa baŋ a te Daana ane a te Faara Yeezu Kirista zuiŋ, kyɛ wa leɛ gaa te kpɛ a poɔ, ka a toɔ̃ ba, a na waa la faa yaga ko ba gaŋ a dɛndɛŋ na.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.