Galesiya 3:2 - Naaŋmen Nɔpaalaa Gane

² A yelyeni yoŋ N naŋ boɔrɔ ka N baŋ yi yɛ zie la ŋa: Yɛ nyɛ la a Vooroŋ Soŋ yi a bege toma yɛ naŋ tonɔ eŋɛ bee yɛ naŋ da sage de a yɛlɛ yɛ naŋ da woŋ zie la ka yɛ nyɛ a Vooroŋ Soŋ?

Galesiya 3:2 ပူးပေါင်းရင်းမြစ်များ

Toma 15:8

Kyɛ Naaŋmen naŋ baŋ nensaala sukyiri, da di la danseɛ ko ba, O naŋ da ko ba a Vooroŋ Soŋ aŋa O naŋ da ko te lɛ.

Toma 2:38

Ka a Piita yeli ko ba, “Yɛ leɛ yɛ eebo, ka yɛ yeni yeni zaa de suobu a Yeezu Kirista yuori eŋɛ, a nyɛ yelbebe sudi, kyɛ yɛ na nyɛ la a Vooroŋ Soŋ kyɔɔtaa.

Toma 8:15

A ba bayi da sigi la a Samareya a te puori ko ba, ka ka ba na toɔ̃ de a Vooroŋ Soŋ,

Urom 1:17

Bonso a Ŋmen-yelnoore poɔŋ la ka Naaŋmen maŋ iri O mennoŋ wuli a yi yeldeebo piiluu te ta yeldeebo baaraa; aŋa ba naŋ da sɛge a lɛ, “Soba na zaa naŋ e nemmeŋɛ, na taa la o nyɔvore ne yeldeebo.”

1 Kor 9:21

A banaŋ naŋ ba waa Gyuumine zie, N maŋ erɛ la yɛlɛ aŋa N ba waa Gyuu (aneazaa ka N ba so n meŋɛ yi a Naaŋmen begɛ zie, kyɛ a Kirista begɛ la ka N tuuro) ka ka N na toɔ̃ nyɛ a banaŋ naŋ ba waa Gyuumine ko a Kirista.

Korinti 11:4

Bonso, ka neɛ kaŋ wa moɔle Yeezu kaŋ naŋ ba waa a Yeezu na te naŋ da moɔle, bee a vooroŋ na naŋ ba waa a Vooroŋ Soŋ yɛ naŋ da de, bee a Ŋmen-yelnoore naŋ ba waa a onaŋ yɛ naŋ da sage de, yɛ maŋ deɛ sage de la.

Galesiya 3:14

A ŋaa da eɛɛ la ka ka a Aboraham maaloo na toɔ̃ ta a Nemboore-yobo naŋ be a Kirista Yeezu eŋɛ, kyɛ ka te na toɔ̃ tu a yeldeebo eŋɛ a nyɛ a Vooroŋ Soŋ ba naŋ da eŋ noɔre ko te.

Galesiya 3:3

Lɛ mɔɔ ka yɛ boli seŋ be? Yɛ naŋ da piili ne a Vooroŋ Soŋ, yɛ mɔɔ leɛ boɔrɔ la ka yɛ baare ne yɛ meŋɛ faŋ be?

Galesiya 3:5

Ka lɛ pãã, Naaŋmen maŋ ko yɛ la Vooroŋ Soŋ kyɛ tonɔ toŋkpeɛne a yɛ poɔ yɛ naŋ tonɔ a bege toma zuiŋ bee yɛ naŋ sage de bonna yɛ naŋ da woŋ la?

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.

Hiburu 4:2

Serɛzaa, a Ŋmen-yelnoore da wa la te zie aŋa lɛ a naŋ da ta ba lɛ. Kyɛ a yɛlɛ ba naŋ da woŋ da ba yi tɔnɔ ko ba, bonso, ba da ba taa noɔre yeni a yeldeebo poɔ ne a banaŋ naŋ da kyɛlle woŋ.

Hiburu 6:4

Bonso, yeli ba kyebe ka ba na toɔ̃ e ka meŋɛ leɛbo la leɛ wa banaŋ naŋ da nyɛ a veɛloŋ zie ane a tenvelaa kyɔɔtaa ane a Vooroŋ Soŋ.

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.