Galesiya 2:9 - Naaŋmen Nɔpaalaa Gane

⁹ kyɛ Gyimisi, Sefase ane Gyɔɔn naŋ da waa noba ba naŋ de ka ba waa ŋa dalugo, naŋ da wa nyɛ a garaaseɛ ba naŋ ko ma, da tuori de la Banabase ane ma lɛ a naŋ seŋ ne, kyɛ sage te ka te gaa a Nemboore-yobo zie kyɛ ka bana gaa a banaŋ ba naŋ iri ba dɛgre zie.

Galesiya 2:9 ပူးပေါင်းရင်းမြစ်များ

Matio Gane 16:18

Maa yele korɔ fo, fõõ la Piita, kyɛ a piiri ŋa zu la ka N na mɛ a N puoruu laŋne, ka Dazugovũũ kpeɛ̃õ zaa kontoɔ̃ o.

Luka 22:8

Lɛ la ka Yeezu da toŋ Piita ane Gyɔɔn, a yele, “Yɛ gaa te nare a Ista tigri bondiraa ka te di.”

Gyɔɔn 1:42

A Anduru da taa la a Saamon wa ne a Yeezu zie, ka a Yeezu kaa o kyɛ yeli, “Fõõ la Saamon, a Gyɔɔn bidɔɔ. Ba na boɔle fo la Sefase” (a yuori tɛgɛ la Piita).

Toma 12:17

A Piita da lɔɔ la nu ka ba bare gɔmɔ, kyɛ ka o manne ko ba lɛnɛɛ a Daana maleke naŋ iri o yi a nempagdie poɔ. O da la yelee la, “Yɛ manne a yeli ŋa ko Gyimisi ane a yɔɔmine.” A lɛ puoriŋ, o da bare ba la kyɛ gaa ziyuo.

Toma 15:13

Ba naŋ da wa yeli a yɛlɛ baare, Gyimisi da yeli sɔgɛɛ la, “N yɔɔmine, yɛ kyɛlle woŋ n noɔre yɛlɛ.

Toma 15:7

Ba naŋ da ŋmɛ a nɔkpeɛne ka a kɔɔre puoriŋ, Piita da iri arɛɛ la kyɛ yeli ko ba, “N yɔɔmine, yɛ baŋɛɛ la ka a piiluu saŋ Naaŋmen da kaa-iri ma la yɛ poɔ, ka n zie la ka a Nemboore-yobo na tu woŋ a yelnoore kyɛ sage de.

Toma 4:36

Yuzɛb naŋ yi Sapuru kyɛ da waa Levi bale neɛ ka a apostoliimine da pore o yuori ka Banabase (a yuori tɛgɛ la, “neɛ naŋ maŋ yeli yɛlɛ dii o tɔ sukyiri.”).

Urom 1:5

A Yeezu zie la ka te tu a nyɛ garaaseɛ a leɛ apostoliimine, ka ka te na taa a yeldeebo sagebo yɛlɛ wa ne a Nemboore-yobo zie a O yuori zuiŋ,

Urom 12:3

A yi a garaaseɛ ba naŋ ko ma zuiŋ, N yele korɔ la neɛzaa naŋ be yɛ poɔ, ka o ta teɛre ka o meŋɛ do gaŋ la lɛ a naŋ da seŋ ka o teɛre. Kyɛ yɛ kanzaa maŋ sigre o meŋɛ kyɛ di o meŋɛ sɛrɛɛ a seŋ lɛ Naaŋmen naŋ ko yɛ yeni yeni zaa yeldeebo a seŋ lɛ.

Urom 15:15

Kyɛ anealɛzaa, yɛlɛ mine zuiŋ N da sɛge ko yɛ la a ba zoro dabeɛ̃ ka N leɛ-teɛre yɛ, a garaaseɛ Naaŋmen naŋ da ko ma zuiŋ,

1 Kor 15:10

Kyɛ a Naaŋmen garaaseɛ zuiŋ la ka N waa a lɛ N naŋ waa, ka a O garaaseɛ naŋ be n zie ba e weɛlɛ. Kyɛ N toŋ gaŋ la ba zaa, aneazaa ka maa meŋɛ naane da tonɔ, kyɛ a Naaŋmen garaaseɛ naŋ be n zie la da tonɔ.

Korinti 11:5

N teɛre ka a noba na yɛ naŋ boɔlɔ apostolii bɛrɛ kanzaa ba zuo ma.

Korinti 12:11

N da waa la damboli! Yɛnee la da fere ma ka N waa a lɛ. Serɛzaa, yɛnee la da seŋ ka yɛ korɔ ma garebanyɛ, bonso, a noba bama yɛ naŋ boɔlɔ apostolii bɛrɛ kanzaa ba gaŋ ma, aneazaa ka N ba waa bonzaa.

Korinti 8:4

Ba da lɔɔ la nu a sɔrɔ te nimizeɛ zaa ka te sage ka ba meŋ poɔ a nensonne tonteroo toma ŋa poɔ.

Galesiya 1:16

a iri a O Bidɔɔ wuli ma, ka a lɛ e ka N moɔle O yɛlɛ a Nemboore-yobo poɔ. N da ba gaa te peɛre yelzaa yi neɛzaa zie,

Galesiya 1:18

A yuomo ata puoriŋ, N pãã da do gaa la a Gyɛruzɛlɛm ka N te nyɛ Sefase kyɛ da be a o zie bebie pie ne anuu.

Galesiya 2:1

Yuomo pie ne anaare puoriŋ, maa ne Banabase pãã da taa la Tiitu ka te gaa a Gyɛruzɛlɛm.

Galesiya 2:2

N da do gaa la a be N naŋ da nyɛ yel-iriwulaa kaŋ zuiŋ. N pãã da gaa te manne ko ba la (aneazaa ka N ne a noba na ba naŋ da de ka ba waa wederebɛ yoŋ la da taa a lamboore ŋa) a Ŋmen-yelnoore na N naŋ da moɔlɔ a Nemboore-yobo poɔ, ka ka N nyɛ ka N da tonɔ la a toma a bogriŋ bee ka N da toŋ bare la weɛlɛ.

Galesiya 6:3

Bonso, ka a banaŋ naŋ ba waa bonzaa kyɛ teɛrɛ ka ba waa la bonkaŋ, bɛllɛ la bamenne.

EFESU 2:20

Ba mɛ yɛ la dɔgle a apostoliimine ane a Ŋmen-yelmanneba yiri pare na zu, ka a Kirista Yeezu meŋɛ e a yiri pare kuuri.

EFESU 3:8

Aneazaa ka N waa la a bile soba a nensonne zaa poɔ, ba ko ma la a garaaseɛ ŋa ka N taa a Kirista bondaanoŋ naŋ ba taa mannoo duoro wa ko a Nemboore-yobo,

KOLO 1:29

A yeli ŋa zuiŋ la ka N tonɔ kyɛ moɔrɔ ne a faŋ na zaa O naŋ de eŋ ma yaga zaa.

1 Tim 3:15

maa wa kɔɔre, ka yɛ na baŋ lɛ kanzaa naŋ seŋ ka o taa o meŋɛ a Naaŋmen yiri poɔ. Ona la a Naaŋmen-vore puoruu laŋne, a waa a yelmeŋɛ dalugri ane a yelmeŋɛ kpeɛ̃õ zie.

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

Yel-iriwulaa Gane 3:12

Ka fõõ wa zɔɔtoɔ̃, N na e la ka fo waa ŋa dalugri a N Naaŋmen puoruudie poɔ; fo daŋ koŋ yi o poɔ togitogi zaa. N na sɛge eŋ la fo eŋɛ a N Naaŋmen yuori ane a N Naaŋmen teŋkpoŋ yuori, a Gyɛruzɛlɛm paalaa naŋ yi a N Naaŋmen zie a tenvelaa poɔ sigre waana ane a N meŋɛ yopaalaa.