Galesiya 2:2 - Naaŋmen Nɔpaalaa Gane

² N da do gaa la a be N naŋ da nyɛ yel-iriwulaa kaŋ zuiŋ. N pãã da gaa te manne ko ba la (aneazaa ka N ne a noba na ba naŋ da de ka ba waa wederebɛ yoŋ la da taa a lamboore ŋa) a Ŋmen-yelnoore na N naŋ da moɔlɔ a Nemboore-yobo poɔ, ka ka N nyɛ ka N da tonɔ la a toma a bogriŋ bee ka N da toŋ bare la weɛlɛ.

Galesiya 2:2 ပူးပေါင်းရင်းမြစ်များ

Matio Gane 10:16

Yɛ nyɛ, N tonɔ yɛ la aŋa peere a eŋnɛ gboŋgboe poɔ, azuiŋ yɛ taa yɛŋ aŋa weere, kyɛ e baaloŋ aŋa ŋmama.

Toma 15:12

A noba zaa naŋ da lantaa da e la gbilli, kyɛ da kyɛllɛ a Banabase ane Pɔɔl ka ba da manne a yelwulii ane a toŋkpeɛne Naaŋmen naŋ da tu ba zie a e a Nemboore-yobo zie.

Toma 15:2

A yeli ŋa da wa ne la tage taa, ka nɔkpeɛne da kpɛ a Pɔɔl ane Banabase ane a noba na sogɔŋ. Lɛ la ka ba da iri Pɔɔl ane Banabase ane a noba na mine ka ba gaa Gyɛruzɛlɛm a te nyɛ a apostoliimine ane a nembɛrɛ ka ba gyɛle a yeli ŋa.

Toma 15:4

Ba naŋ da wa ta Gyɛruzɛlɛm, a puoruu laŋne deme ane a apostoliimine ane a nembɛrɛ da de ba la saanoŋ. Ba da manne la a yɛlɛ na zaa Naaŋmen naŋ da tu ba zie a e.

Toma 18:9

Tensogɔ kaŋ, a Daana da yeli ko la a Pɔɔl o nyaabo poɔ, “Ta zoro dabeɛ̃, manna a yɛlɛ kyɛ ta pɔge fo noɔre;

Toma 23:11

A tensogɔ na zaa, a Daana da wa are peɛle la a Pɔɔl kyɛ yeli, “Di kannyiri! Aŋa lɛ fo naŋ da di a N danseɛ a Gyɛruzɛlɛm poɔ, a lɛ meŋ la ka fo na la di n danseɛ a Uroma poɔ.”

Toma 5:34

Kyɛ a Farazii neɛ kaŋ naŋ da be a sɛrediribe poɔ ka o yuori di Gamaleɛ, a da waa Naaŋmen begɛ wulwullo kaŋ noba zaa naŋ da eŋnɛ, da iri arɛɛ la kyɛ yeli ka ba e ka a apostoliimine yi yeŋe belaa

Urom 9:16

A lɛ zuiŋ a ba e nensaala poboɔbo bee o toma zie, kyɛ Naaŋmen naŋ zoro nembaaloŋ zie la ka a yi.

1 Kor 1:23

kyɛ tenee eŋ moɔlɔ la a Kirista ba naŋ da kpa a dagaraa zu, naŋ waa gbɛŋmɛ-le bon a Gyuumine zie, kyɛ waa dambol-yɛlɛ a Giriki noba zie,

1 Kor 2:2

Bonso, N da ba boɔrɔ ka N baŋ yelzaa yi a yɛ zie, ka a Yeezu Kirista ba naŋ da kpa a dagaraa zu yɛlɛ yoŋ naane.

1 Kor 9:24

Yɛ ba baŋ ka zogantaa poɔ, a zozoribo zaa maŋ danna la taa ka ba zaa zo baare, kyɛ ka neŋyeni yoŋ de a kyɔɔtaa be? Azuiŋ, yɛ zoro zoobu naŋ na e ka yɛ toɔ̃ nyɛ a kyɔɔtaa.

1 Kor 9:26

Azuiŋ, N ba zoro zoweere bee a gbuli nu ŋmeɛrɛ aŋa neɛ naŋ ŋmeɛrɛ saseɛ.

Korinti 12:1

A ferɛɛ la ka N duoro n meŋɛ; tɔnɔ zaa ba kyebe a poɔ, kyɛ ŋaa N na manne la a nyaabo a Daana naŋ da e ka N nyɛ ane a yelyuowulii O naŋ da wuli ma yɛlɛ.

Galesiya 1:12

bonso N ba de a yi nensaalba zie, bee nensaala la wuli ma, kyɛ a Yeezu Kirista meŋɛ la da iri a wuli ma.

Galesiya 1:16

a iri a O Bidɔɔ wuli ma, ka a lɛ e ka N moɔle O yɛlɛ a Nemboore-yobo poɔ. N da ba gaa te peɛre yelzaa yi neɛzaa zie,

Galesiya 1:6

N noɔre maaɛ la yaga ne yɛ naŋ leɛ zoro wieouŋ zaa kyɛ bara a soba na naŋ da boɔle yɛ eŋ a Kirista garaaseɛ poɔ, kyɛ leɛ tuuro yelyuo.

Galesiya 2:6

Kyɛ a banaŋ ba naŋ da de ka ba waa wederebɛ (kyɛ bon ba naŋ waa ba taa tɛgraa zaa ko ma; Naaŋmen ba erɛ nɔmboore); a wederebɛ bama da ba soŋ ma ne bonzaa.

Galesiya 2:9

kyɛ Gyimisi, Sefase ane Gyɔɔn naŋ da waa noba ba naŋ de ka ba waa ŋa dalugo, naŋ da wa nyɛ a garaaseɛ ba naŋ ko ma, da tuori de la Banabase ane ma lɛ a naŋ seŋ ne, kyɛ sage te ka te gaa a Nemboore-yobo zie kyɛ ka bana gaa a banaŋ ba naŋ iri ba dɛgre zie.

Galesiya 5:7

Yɛ da zoro la velaa zaa; nembuo la pigi yɛ sori ka yɛ ta sage de a yelmeŋɛ?

Filipai Deme Gane 2:16

A lɛ yɛ naŋ kpimare a nyɔvore yelbiri la na e ka N ŋmeɛrɛ nyaa a Kirista waabo bebiri ka a n zoobu ba e weɛlɛ bee ka a n toma e weɛlɛ.

Filipai Deme Gane 2:29

Azuiŋ yɛ tuori de o a Daana eŋɛ ne popeɛloŋ, kyɛ eŋnɛ a noba bama taaba,

I Tesa 3:5

A ŋaa zuiŋ, N naŋ da koŋ la baŋ di kannyiri, N da toŋɛɛ la ka ba wa peɛre yɛlɛ kyaare ne a yɛ yeldeebo; N da zoro la dabeɛ̃ ka kaapɔge a sebɛlbɛllɛ bɛlle yɛ la ka a toma te naŋ toŋ waa weɛlɛ.

2 Tim 4:7

N zɔɔ la zɔɔre naŋ soma, N zo la a zoobu baare, N taa la a yeldeebo velaa.

Hiburu 12:1

Azuiŋ, a dansediribe yaga naŋ seŋ ŋaa ŋmaagyili te, yɛ e ka te togi tuobu zaa ane a yelbieri na naŋ maŋ gbiŋ te taa bare. Yɛ e ka te zo a zogantaa zoobu na poɔ te naŋ be ne kannyiri,