Serɛzaa, o da beɛrɛ la yaga a da kyɛre belaa na kpi. Kyɛ Naaŋmen da zo la o nembaaloŋ, kyɛ o yoŋ nembaaloŋ naane ka O da zo, O da zo la n meŋ nembaaloŋ ka ka n ta taa posaanaa dɔglɔ taa.
Te yɔɔmine ane te yɔɔpuuli, aŋa a naŋ seŋ lɛ, a ferɛɛ la ka te maŋ puoro Naaŋmen bareka tegitegilɛ a yɛ zuiŋ, bonso, a yɛ yeldeebo baara duoro la yaga zaa, ka a nɔmmo yɛ naŋ taa ne taa meŋ yɛllɛ.
Te yɔɔmine ane te yɔɔpuuli, a Daana poyɛŋ noba, a ferɛɛ la ka te puoro Naaŋmen bareka yɛ zuiŋ, bonso, Naaŋmen kaa-iri yɛ la ka yɛ waa a wɔŋ dɛndɛŋ naŋ na tu a Vooroŋ Soŋ pɛgeyiibu ane yɛ naŋ sage de a yelmeŋɛ zuiŋ a nyɛ faabo.
A gaŋ a zaa, n poyɛŋ noba, yɛ ta pɔ sazu bee a teŋɛ, bee a pɔ bonzaa, bee a pɔ poɔre zaa. Kyɛ yɛ vɛŋ ka yɛ “Õõ” waa õõ, ka yɛ “Ai” waa ai, ka yɛ ta wa le sɛrɛɛ poɔ.
“N baŋ la a fo woore ane a fo nandaanoŋ yɛlɛ, aneazaa ka fo waa la bondaana. N baŋ la lɛ a banaŋ naŋ yeli ka ba waa la Gyuumine kyɛ ba waa Gyuumine naŋ saana fo yuori, a waa Setaana puoruu laŋne deme.