2 Tim 4:16 - Naaŋmen Nɔpaalaa Gane

¹⁶ A dɛndɛŋ saŋ N naŋ da yele yɛlɛ ka n faa n meŋɛ, neɛzaa da ba tu n puori kyɛ ba zaa da zo kyɛ bare ma la. N sɔrɔ la ka Naaŋmen ta de a yeli ŋa dɔgle ba zu!

2 Tim 4:16 ပူးပေါင်းရင်းမြစ်များ

Toma 7:60

A lɛ puoriŋ, O da gbi la dumo kyɛ kyeere ne kɔkɔkpeɛŋaa, “Daana, ta de a yelbieri ŋa dɔgle ba zu.” O naŋ da wa yeli a lɛ baare, o da ŋmaa la vooroŋ.

Gyɔɔn 16:32

A saŋ waana la; o taɛ la gba, ka ba na ŋmɛ yɛ yaare bare ka kanzaa zo gaa o yiri kyɛ kyɛre N yoŋ. Kyɛ N ba waa N yoŋ, bonso, a Saa be la N zie.

Marko Gane 14:50

A potuuribo zaa da bare O la kyɛ zo.

1 Pit 3:15

kyɛ yɛ eŋnɛ a Kirista, a yɛ Daana, yɛ sukyie pooreŋ. Yɛ nare tegitegilɛ ka yɛ manne ko neɛ na zaa naŋ wa soore yɛ yeli kyaare ne a teɛretɔroo yɛ naŋ taa,

2 Tim 4:10

bonso, Dɛmase naŋ nɔŋ a teŋɛ ŋa zu yɛlɛ bare ma la kyɛ gaa Tɛsalonika teŋɛ; Kirisɛnse meŋ gaa la Galesiya, ka Tiitu gaa Dalemaseya.

2 Tim 1:15

Fo baŋɛɛ la ka a banaŋ zaa naŋ be a Ezeya poɔ leɛ la puori kyɛ bare ma. Figyilose ane Hɛmogene meŋ poɔ la ba poɔ.

Filipai Deme Gane 1:17

A banaŋ eŋ moɔlɔ la a Kirista yɛlɛ bamenne boɔbo yɛlɛ, ba ba moɔlɔ ne teɛroŋ soŋ, kyɛ ba teɛroŋ la ka ba e ka a n dɔgroŋ do zu a nempagdie poɔ.

Filipai Deme Gane 1:7

A seŋɛɛ la ka N teɛrɛ a yɛ zaa yɛlɛ ŋaa, bonso, yɛ taa la n yɛlɛ yɛ sukyie poore, N ne yɛ zaa naŋ taa a Naaŋmen garaaseɛ zuiŋ, N naŋ da be nempagdie poɔ ane saŋ na zaa N naŋ da zɔɔrɔ a Ŋmen-yelnoore zuiŋ.

Korinti 7:11

Yɛ nyɛ a nimizeɛ na posaanaa naŋ tu Naaŋmen sori naŋ wa ne yɛ zie. O eɛɛ la ka yɛ taa nimizeɛ a sɔrɔ suuri diteroo a yi suuri ane dabeɛ̃ poɔ. O eɛɛ la ka yɛ nɔnɔ ka yɛ nyɛ ma, ka a yɛ enne kyerɛ ka yɛ nyɛ mennoŋ ka o bebe! Yɛ wulee la ka yɛ ba taa saanaa zaa a yɛlɛ ama poɔ.

1 Kor 9:3

A yeli ŋa la ka N taa a na yeli faa n meŋɛ a banaŋ naŋ na gyɛle a n yɛlɛ.

Toma 25:16

Ka N da yeli ko ba ka a Uroma noba eebo naane ka ba de neɛ tere ka a soba na ba naŋ duori a saanaa ane a banaŋ naŋ duori o ne a saanaa ba tuori taa, ka o toɔ̃ tu o noɔre ka ba woŋ.

Toma 22:1

“N saamine ane n yɔɔmine, yɛ kyɛllɛ a n yelbie N naŋ yele na faa n meŋɛ.”

Luka 12:11

Ka ba naŋ wa taa yɛ kpɛ ne a puoruuderi ka ba di yɛ sɛrɛɛ, bee a gaa ne yɛ a namine ane a teŋɛ nembɛrɛ zie, yɛ ta miine ne lɛ yɛ naŋ na yeli faa yɛmenne, bee bon yɛ naŋ na yeli sɔge ba.

1 Kor 13:5

bee a erɛ too-yɛlɛ. Nɔmmo ba boɔrɔ o yoŋ tɛgɛ boma; o suuri ba ire bee a diire yelfaare binne.

2 Tim 4:15

A seŋ ka fo meŋ gu fo meŋɛ velaa ne o, bonso, o da zɔɔ ne la a Naaŋmen yelbiri te naŋ moɔlɔ kpeɛŋaa zaa.