2 Tim 4:1 - Naaŋmen Nɔpaalaa Gane

¹ A Naaŋmen ane a Kirista Yeezu naŋ na di a voba ane a kuuni sɛrɛɛ niŋesogɔ la ka N sɔrɔ fo yããyãã ka a Kirista leɛ waabo ane a O naaloŋ zuiŋ,

2 Tim 4:1 ပူးပေါင်းရင်းမြစ်များ

Matio Gane 16:27

“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ.

Luka 19:12

Lɛ la ka O da yeli, “Neŋyuori kaŋ la da gaa tentɔɔre kaŋ ka o te di naaloŋ kyɛ pãã leɛ kuli wa.

Luka 19:15

O naŋ da te di a naaloŋ a leɛ kuli wa, o da boɔle la a o gbaŋgbaare na zaa o naŋ da ko a libie, ka o na nyɛ awola tɔnɔ banaŋ toŋ nyɛ.

Luka 23:42

Lɛ la ka o pãã yeli, “Yeezu, ta inni n yɛlɛ, ka fõõ wa kpɛ a fo naaloŋ poɔ.”

Toma 10:42

O da ko te la noɔre ka te moɔle ko noba kyɛ di danseɛ ka ona la ka Naaŋmen kaa-iri ka O di a voba ane a kuuni sɛrɛɛ.

Toma 17:31

bonso, O biŋ la bebiri O naŋ na di a tendaa sɛrɛɛ ne mennoŋ. O kaa-iri la neɛ ka o na di a sɛrɛɛ ŋa, kyɛ O wuli la a yeli ŋa nensaalba zaa ane O naŋ e ka a neɛ ŋa leɛ-iri a kuuni poɔ.”

Urom 2:16

A seŋ lɛ N naŋ moɔlɔ a Ŋmen-yelnoore, a bebiri na daare, Naaŋmen na tu la Yeezu Kirista zie kyɛ di nensaalba zaa sukyie poɔ yelsɔglɔ sɛrɛɛ.

KOLO 3:4

Ka a Kirista naŋ waa a yɛ nyɔvore wa sãã, lɛ meŋ la ka yɛ ne O pãã na laŋ sãã a O puubu poɔ.

II Tesa 2:8

A lɛ saŋ la ka ba na e ka a koŋwoŋwuluu soba sãã, ona la ka a Daana Yeezu na de O noɔre saseɛ sãã ne, kyɛ ka a O waabo sãã o bare kpɛlɛŋ kpɛlɛŋ ka o koŋ la bebe.

1 Tim 5:21

N kpaana fo la a Naaŋmen ane a Kirista Yeezu ane a malekere ba naŋ kaa-iri niŋesogɔŋ, ka fo tuuro a wuluu ama a ta ogro, a ta erɛ yelzaa ne nɔnne.

2 Tim 1:10

Kyɛ pampana ŋa, ba iri o la wuli te a yi a te Faara Kirista Yeezu waabo eŋɛ. Ona la da iri kũũ bare kyɛ e ka nyɔvore naŋ koŋ baŋ la kpi tu a Ŋmen-yelnoore zie sãã veɛloŋ poɔ.

2 Tim 2:14

Leɛ-teɛre ba a yeli ŋa kyɛ kpãã ba a Naaŋmen niŋesogɔ ka ba bare nɔkpeɛne ŋmeɛbo yelbie naŋ ba waana ne sommo zaa ka sããmo yoŋ naane ko a banaŋ naŋ kyɛllɛ wono a.

2 Tim 4:18

A Daana na faa ma la yi yelfaa zaa poɔ, a faa ma a O tenvelaa naaloŋ zuiŋ. Ona la so a puubu tegitegilɛ. Ameena.

2 Tim 4:8

A yi ŋaa gɛrɛ, ba nare la a mennoŋ nazupili biŋ kyɛllɛ ne ma, ona la ka a Daana, a sɛredi-meŋɛ na ko ma a bebiri na daare. Maa yoŋ naane ka O na ko, kyɛ O na ko la a banaŋ zaa naŋ kyɛllɛ a O leɛ waabo.

TITU 2:13

kyɛ ka te naŋ kyɛllɛ a maaloo bebiri te naŋ taa teɛretɔroo kyaare ne ane a te Naaŋmen kpoŋ ane a te Faara Yeezu Kirista puubu naŋ na wa sãã.

1 Pit 1:7

A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

1 Pit 4:5

Kyɛ ba na manne la a yɛlɛ na zaa ba naŋ e a ba nyɔvore saŋ ko a soba na naŋ are a nare gu ka O di a voba ane a kuuni sɛrɛɛ.

1 Pit 5:4

Ka a pekyee-naa wa wa, yɛ na nyɛ la puubu nazupili naŋ ba yire kyeɛ.

2 Pit 1:11

A ŋaa poɔ la ka yɛ na nyɛ a sori kpɛ a te Daana ane te Faara Yeezu Kirista naaloŋ naŋ ba taa baaraa poɔ.

2 Pit 1:17

Bonso, O da nyɛ la emmo ane puubu yi a Saa Naaŋmen zie saŋ na a kɔkɔre na naŋ da yi a Naaŋmen Naaloŋ Veɛloŋ a yele, “A N Bidɔɔ la a ŋa, N Poyɛŋ Bie, N poɔ pɛle ne O la yaga.”

1 Gyn 2:28

N bibiiri, pampana, yɛ be a Kirista poɔ, ka ka Onaŋ wa sãã ka te na taa bambaare, ka vi ta kpɛ te O niŋesogɔ a O waabo saŋ.

Yel-iriwulaa Gane 1:7

Yɛ nyɛ! O yi la a sagama poɔ waana; ka nensaala zaa na nyɛ O, haali a banaŋ naŋ kyɔge O ne a kpane; kyɛ a tendaa nemboorɔ zaa na koŋ la O yɛlɛ. A lɛ la ka a na waa. Ameena.