2 Tim 3:8 - Naaŋmen Nɔpaalaa Gane

⁸ Aŋa Gyanese ane Gyamberese naŋ da zɔɔ ne Moozul, lɛ la ka a noba ŋa teɛrɛ naŋ sãã kyɛ ka ba yeldeebo ba waa serɛ meŋ zɔɔrɔ ne a yelmeŋɛ.

2 Tim 3:8 ပူးပေါင်းရင်းမြစ်များ

Toma 15:24

Te woŋ ka a te noba mine naŋ yi te poɔ, te naŋ ba toŋ, da wa yeli la yɛlɛ a dɔ̃ɔ̃ yɛ teɛroŋ.

Urom 1:28

Kyɛ ba naŋ da ba nyɛ ka a seŋɛɛ la ka ba ko Naaŋmen O gyeremɛ zuiŋ, a Naaŋmen da bare ba la ka ba taa ba teɛre faare a erɛ yelfaare naŋ ba seŋ ka ba e.

Urom 16:18

Bonso, a noba bama taaba ba tonɔ a te Daana Kirista toma, kyɛ bamenne vɔlaa yɛlɛ la ka ba tuuro, a maŋ de nɔnoɔ ane bɛllɛ sobie a bɛllɛ ne banaŋ naŋ ba kyele ba teɛroŋ poɔ.

EFESU 4:14

A ba la seŋ ka te naŋ waa bibiiri ka noba daara te viire ne ba wuluu sobie saseɛ zaa naŋ fuuro, ane ba nyaayɛlɛ a yi ba bɛlbɛl-sobie.

1 Tim 1:19

a taa yeldeebo ane teɛroŋ soŋ. A noba mine naŋ da zagre a teɛroŋ soŋ ŋa bare zuiŋ, a ba yeldeebo da lee la.

1 Tim 4:2

a yi a zirŋmaareba gagarre yɛlɛ zuiŋ. A zirŋmaareba bama teɛrɛ kpaŋɛɛ la aŋa ba naŋ de kur-toloŋ nyege ne.

1 Tim 6:5

ane zɔɔre naŋ maŋ be a banaŋ naŋ taa teɛroŋ faare sogɔŋ ka ba ba la baŋ a yelmeŋɛ kyɛ teɛrɛ ka Naaŋmen puoruu waa la tɔnɔ boɔbo zie.

2 Tim 4:15

A seŋ ka fo meŋ gu fo meŋɛ velaa ne o, bonso, o da zɔɔ ne la a Naaŋmen yelbiri te naŋ moɔlɔ kpeɛŋaa zaa.

TITU 1:10

Noba yaga meŋ bebe la a zagra noɔre, a yele yelfoglo kyɛ bɛllɛ noba, a gaŋ a zaa, banaŋ naŋ are ko dɛgre iruu.

TITU 1:16

Ba maŋ yeli ka ba baŋ la Naaŋmen kyɛ ka ba yel-erre wuli ka ba zagra la Naaŋmen. Ba waa la nendɛgɛ, a waa noba naŋ zagra noɔre, a ba seŋ ne tonvelaa zaa.

2 Pit 2:14

Ba eŋ la peɛ̃mo toma nimie, a ba bala yelbieri eebo. Ba maŋ bɛlle nyɔge la banaŋ yeldeebo naŋ ba e kpeɛŋaa. Ba milli ne la bombɔ-gaŋne. Ba waa la noba ba naŋ kaa-eŋ!

1 Gyn 2:18

N bibiiri, a bebi-baaraa saŋ taɛ la! Aŋa yɛ naŋ da woŋ ka a zirii kirista waana la, pampana, a zirii kirista mine yaga waɛ la. A ŋaa zie la ka te baŋ ka a baaraa saŋ taɛ la.

1 Gyn 4:1

N poyɛŋ noba, yɛ ta sage de seɛ zaa yɛlɛ, kyɛ yɛ maŋ e a seere nyɛ ka a yi la Naaŋmen zie be, bonso, kaŋwaa Ŋmen-yelmanneba yaga yi kpɛ la a teŋɛzu.

Yel-iriwulaa Gane 2:20

Kyɛ N taa la yeli ŋa ne fo: fo bare la Gyɛzebɛl, a pɔge na naŋ da boɔlɔ o meŋɛ Ŋmen-yelmanna, ka o wullo, a bɛllɛ a N tontonema ka ba tonɔ peɛ̃mo toma a kyɛ dire bondirii ba naŋ de maale ne bagre ko tebɛ.

Yel-iriwulaa Gane 2:6

Kyɛ fo taa la garebanyɛ ne a yeli ŋa: fo kyiire la a Nikoletan deme tontonne na N meŋ naŋ kyiire.