2 Tim 3:6 - Naaŋmen Nɔpaalaa Gane

⁶ A ba noba mine la a banaŋ naŋ maŋ kpɛ yie poore a te bɛlle nyɔge pɔgeba na naŋ ba kyele kyɛ tuo a ba yelbebe a zoro tuuro vɔlfaare boorɔ zaa.

2 Tim 3:6 ပူးပေါင်းရင်းမြစ်များ

Matio Gane 11:28

“Yɛ wa N zie, yɛ banaŋ zaa naŋ tuo tuotegrɛ a bale, N na ko yɛ la pɛnnoo.

Matio Gane 23:13

“Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Bonso, yɛ lare la noba bare yeŋeŋ ka ba ta kpɛ a tenvelaa naaloŋ. Yɛ menne ba kpeɛrɛ kyɛ ba la sage ka noba naŋ boɔrɔ ka ba kpɛ be meŋ kpɛ.

Matio Gane 23:14

[Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Yɛ maŋ fa la pɔg-kɔbɔ yie wieouŋ lɛ, kyɛ maŋ puori kɔɔre yaga zaa, ka noba nyɛ a na teɛrɛ ka yɛ waa la nemmenne. A ŋaa zuiŋ yɛ dɔgroŋ na waa la kpoŋ.]

Matio Gane 4:24

Lɛ la ka a Yeezu yɛlɛ da yaare a Seeriya paaloŋ zaa, ka ba da taa ba baalba zaa wa ne a O zie. Banaŋ naŋ da beɛrɛ baaloŋ boorɔ zaa, banaŋ naŋ da taa woloŋ, banaŋ naŋ da taa sefaare, banaŋ naŋ da lere kunkunni ane banaŋ naŋ da gbɛre, ka a Yeezu da saŋ ba zaa.

Marko Gane 4:19

kyɛ ka a teŋɛzu boma teɛroŋ ane bondaa-yɛlɛ ane bombɔ vɔlfaare maŋ wa feere a Naaŋmen yelbiri ko, ka a ba maale.

1 Kor 12:2

Yɛ baŋ ka yɛ naŋ da waa noba naŋ da ba puoro Naaŋmen, ba da bɛlle yɛ la ka yɛ bɔre gaa tebɛ naŋ kontoɔ̃ yeli yɛlɛ zie.

1 Tim 5:6

Kyɛ pɔgekoɔre na naŋ boɔrɔ o eŋɛ noɔ kpie la gba kyɛ naŋ voorɔ.

1 Tim 6:9

Kyɛ banaŋ naŋ boɔrɔ ka ba leɛ bondaanema maŋ le la bɛllɛ poɔ kyɛ kpɛ damboluŋ ane vɔlfaare bɛrre naŋ maŋ de noba kpɛ ne sããmo ane weɛbo poɔ.

TITU 1:11

A ferɛɛ la ka fo e ka ba pɔge ba nɔɛ, ba naŋ saana a yideme teɛroŋ ne ba wulfaare a naŋ ba taa sori ka ba wuli a ba bombɔ-faare zuiŋ.

TITU 3:3

Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

2 Pit 3:17

Azuiŋ, n poyɛŋ noba, ba naŋ faa daŋ ŋmaa muri lɔɔ yɛ, yɛ baŋ ne a, a ta wa vɛŋ ka a konde-wuluu deme tuluu bɛlle yɛ ka yɛ wa sare le.

Gyud 1:16

Ba waa la noba naŋ ŋmoonɔ yɛlɛ, a waa noba naŋ taa posaanaa, kyɛ maŋ tuuro bamenne vɔlfaare; a maŋ yele yelbɛrɛ, a puuro noba ne nɔnoɔ ka ba toɔ̃ nyɛ ba yelboɔre.

Gyud 1:18

bonso, ba da yeli ko yɛ la, “A bebi-baare saŋ, noba na yi la a erɛ yɛ laara, a waa noba naŋ na tuuro bamenne vɔlfaare.”

Gyud 1:4

Bonso, nenfaare mine sɔgle kpɛ la yɛ poɔ, a leɛre a te Naaŋmen garaaseɛ ka o waa nemboŋyɛlɛ, kyɛ ka ba zagre a te Neŋkpoŋ yeni yoŋ ane a te Daana Yeezu Kirista bare. Saŋ zaa ka ba da nare ba biŋ kyɛllɛ ne a saamo ŋa aŋa noba naŋ ba baŋ Naaŋmen.