2 Tim 3:2 - Naaŋmen Nɔpaalaa Gane

² Bonso, noba na nɔŋ la bamenne, a nɔŋ libie, a wullo bamenne, a erɛ pɔloo, a toorɔ noba zoma, a zagra ba dɔgrebɔ nɔɛ, a ba baŋ bareka puoruu, a waa nendɛgɛ,

2 Tim 3:2 ပူးပေါင်းရင်းမြစ်များ

Matio Gane 15:6

A yɛ sããkommine yelwulii zuiŋ, yɛ vɛŋɛɛ la ka a Naaŋmen yelbiri ba taa tɔnɔ.

Luka 12:15

Ka O yeli ko ba, “Yɛ gu yɛmenne velaa a yi bombɔ yaga eŋɛ, bonso, nensaala nyɔvore ba kye o bontaa yaga poɔ.”

Luka 16:14

A Faraziimine naŋ da woŋ a yɛlɛ ama zaa, ba da erɛ la a Yeezu laara bonso, ba da nɔŋ la libie yaga zaa.

Luka 6:35

Kyɛ yɛ nɔnɔ yɛ dɔndɔnne, a erɛ soŋ, a pɛŋnɛ noba, kyɛ ta teɛrɛ ka ba leɛ yɔɔ yɛ. A yɛ san-yɔɔ na e la kpoŋ, ka yɛ e a Naaŋmen Kpeɛ̃õ Zaa Daana biiri, bonso, O maŋ taa la nimimaaroŋ ko a potuo deme ane a nenfaare.

Toma 5:36

Bonso saŋ kaŋ naŋ tɔle, Tiyodase da iree la a boɔlɔ o meŋɛ neɛ kaŋ, ka noba naŋ ta ŋa kɔɔraanaare da tu o; kyɛ ba da ko o la ka a banaŋ zaa naŋ da tuuro o da zo yaare ka a yɛlɛ da baare.

Urom 11:18

yɛ ta wullo yɛmenne aŋa yɛ seɛ la a ulli na ba naŋ kɔɔre bare. Ka yɛnee wa wullo yɛmenne, yɛ leɛ baŋ ka yɛnee naane nyɔge a nyagre taa, kyɛ a nyagre la nyɔge yɛ taa.

Korinti 5:15

O da kpie la ko a noba zaa ka ka a banaŋ naŋ voorɔ koŋ la voorɔ bamenne eŋɛ, kyɛ ba na voorɔ la korɔ a soba na naŋ da kpi kyɛ leɛ-iri a kuuni poɔ.

Filipai Deme Gane 2:21

Ba zaa kaara la bamenne yɛlɛ zie, ba ba kaara a Yeezu Kirista yɛlɛ zie.

KOLO 3:5

Azuiŋ, yɛ ko a teŋɛzu yɛlɛ zaa naŋ be yɛ enneŋ: peɛ̃mo toma, yeldɛgɛ, vɔlfaare, yelfaare boɔbo ane bombɔ-gaŋne (naŋ waa tebɛ maaloo).

II Tesa 2:4

O maŋ zɔɔrɔ la kyɛ duoro o meŋɛ gaŋ kaŋwaa ŋmen bee bonzaa ba naŋ puoro, ka ka o na zeŋ o dakogi zu a Naaŋmen die poɔ kyɛ boɔlɔ o meŋɛ Naaŋmen.

1 Tim 1:20

Hammeneyon ane Alɛzanda da poɔ la a noba ŋa poɔ. N de ba la eŋ Setaana nuuriŋ ka ba na zanne yɛŋ a ta daŋ la to Naaŋmen zone.

1 Tim 1:9

A ŋaa tɛgɛ la ka a bege ba bebe ko a nemmenne kyɛ o bebe la ko a koŋwoŋwuluu deme ane noba naŋ ba sagra noɔre, a bebe ko a faaloŋ deme ane a yelbe-erebɛ, a bebe ko a banaŋ naŋ ba e nemmenne ane a nendɛgɛ, a bebe ko banaŋ naŋ maŋ ko ba saa bee ba ma, a bebe ko a neŋkooreba,

1 Tim 3:3

A ba seŋ ka o waa dããnyukuolo bee a taa sutoloŋ kyɛ a seŋ ka o e neɛ naŋ taa sumaaroŋ, a ta e zɔɔŋmaara ane neɛ naŋ nɔŋ libie.

1 Tim 6:10

Bonso, libie nɔmmo la faaloŋ boorɔ zaa yiibu zie, kyɛ a ba kyeroo ba naŋ kyerɛ ka ba leɛ bondaanema zuiŋ, ba mine bɔrɛɛ la yi a yeldeebo poɔ a de bamenne eŋ dɔgɛɛ yaga poɔ.

1 Tim 6:4

waa la pɔloo soba, a ba baŋ yelzaa, a nɔŋ ka o waana ne buriburi kyɛ maŋ ŋmeɛrɛ nɔkpeɛne ne yɛlɛ. A yɛlɛ ama la waana ne nyuuri, wɛltaa, yosãã, teɛroŋ faare naŋ kyaare ne fo tɔ,

2 Tim 3:4

a e nenfaare, a e noba naŋ maŋ erɛ yɛlɛ kyɛ ba teɛrɛ, a paale ne pɔloo, a nɔŋ a eŋɛ noɔ yɛlɛ gaŋ Naaŋmen.

Gyimisi 2:8

Ka yɛnee wa sereŋ sagra a Naaŋmen bege a seŋ a gansoŋ naŋ yeli, “Nɔŋ fo tɔsoba a seŋ lɛ fo naŋ nɔŋ fo meŋɛ,” yɛ mɔɛ la.

Gyimisi 4:16

Kyɛ lɛ a naŋ waa, yɛ wullo la yɛmenne a erɛ pɔloo, kyɛ a pɔloo eebo ŋa e la yelfaa.

Gyimisi 4:6

Kyɛ Naaŋmen maŋ tere la a O garaaseɛ yaga; a lɛ zuiŋ la ka O yeli: “Naaŋmen kyiiri la a pɔloo deme, kyɛ maŋ ko Sigruumilluu deme garaaseɛ.”

1 Pit 5:5

A lɛ ne o zu, yɛ banaŋ naŋ waa baapaalba seŋ ka yɛ sagra a yɛ nembɛrɛ nɔɛ. Yɛ zaa seŋ ka yɛ taa Sigruumilluu ne taa, bonso, ba sɛge la a gansoŋ poɔ: “Naaŋmen maŋ zagre la a pɔloo deme yɛlɛ, kyɛ maŋ korɔ a Sigruumilluu deme garaaseɛ.”

2 Pit 2:10

a gaŋ a zaa, banaŋ naŋ nɔŋ eŋgane vɔlfaare yɛlɛ kyɛ ba eŋnɛ nembɛrɛ. A ba zukuoŋ-yɛlɛ zuiŋ, ba da ba zoro dabeɛ̃ ka ba to noba naŋ taa gyeremɛ zoma,

2 Pit 2:12

Kyɛ a noba bama waa ŋa donne naŋ ba taa teɛroŋ, a maŋ bonnɔ erɛ yɛlɛ, ka ba dɔge a na nyɔge ko. Ba maŋ toorɔ la zoma yɛlɛ ba naŋ ba baŋ a tɛgɛ, kyɛ ka ba naŋ wa sãã a bon-iri na, ba meŋ na sãã la,

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

2 Pit 2:3

A ba bombɔ-gaŋne poɔ, ba na neɛ yɛ la ne ba bɛllɛ yelbie. Naaŋmen di la ba sɛrɛɛ sanzaa, ka ba dɔgroŋ ane ba sããmo peɛle.

Gyud 1:16

Ba waa la noba naŋ ŋmoonɔ yɛlɛ, a waa noba naŋ taa posaanaa, kyɛ maŋ tuuro bamenne vɔlfaare; a maŋ yele yelbɛrɛ, a puuro noba ne nɔnoɔ ka ba toɔ̃ nyɛ ba yelboɔre.

Yel-iriwulaa Gane 13:1

N da nyɛ la wɛdoŋɔ kaŋ ka o wa yire a mane poɔ, a taa eelɛ pie ane zuri ayopoĩ; ka nazupile pie da be a o eelɛ eŋɛ kyɛ ka yoe naŋ toorɔ Naaŋmen zoma da be a o zuri eŋɛ.

Yel-iriwulaa Gane 16:11

Ba da kaa-eŋ la a tenvelaa Naaŋmen a woore ane a felɛ naŋ da yi ba zuiŋ, kyɛ ba da ba leɛ ba eebo yi a ba yelfaare poɔ.

Yel-iriwulaa Gane 16:21

ka sakubo naŋ waa bɛrɛ ka kanzaa tegroŋ maŋ ta ŋa kilori lezaayi ne anuu da yi a sazu lere a noba zuri te ta lɛ saŋ ba naŋ kaa-eŋ Naaŋmen ne a sakubo naŋ dɔgrɔ ba, bonso, a dɔgroŋ da taa la dabeɛ̃ yaga.

Yel-iriwulaa Gane 16:9

A vũũ toloŋ kpoŋ da vuuli ba la, kyɛ ba da ba leɛ ba eebo a de puubu ko Naaŋmen, kyɛ da kaara eŋnɛ a Naaŋmen yuori naŋ taa kpeɛ̃õ a yelwolɔ ama zu.