2 Tim 2:5 - Naaŋmen Nɔpaalaa Gane

⁵ A zozoro meŋ zie, neɛzaa kontoɔ̃ nyɛ kyɔɔtaa ka o naŋ ba zo a zoobu zaa baare a seŋ lɛ a zoobu begɛ naŋ wuli.

2 Tim 2:5 ပူးပေါင်းရင်းမြစ်များ

Luka 13:24

“Yɛ eŋ faŋ ka yɛ tu a dendɔre na naŋ e fogloo kpɛ; bonso, maa yele korɔ yɛ, noba yaga na e la a neɛ ka ba kpɛ kyɛ kontoɔ̃.

Filipai Deme Gane 1:15

A noba mine moɔlɔ la a Kirista yɛlɛ ne nyuuri ane yentaaloŋ, kyɛ ka ba mine moɔlɔ ne teɛroŋ soŋ.

KOLO 1:29

A yeli ŋa zuiŋ la ka N tonɔ kyɛ moɔrɔ ne a faŋ na zaa O naŋ de eŋ ma yaga zaa.

Hiburu 12:4

A moɔbo yɛ naŋ moɔrɔ ne a yelbieri, yɛ naŋ ba mɔ te ta ka yɛ kyiri yɛ zẽẽ sɛre.

Hiburu 2:7

Fo da maale ba la ka ba sigi belaa gaŋ a malekere; kyɛ ka fo ko ba puubu ane emmo,

Hiburu 2:9

kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.

Gyimisi 1:12

Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

1 Pit 5:4

Ka a pekyee-naa wa wa, yɛ na nyɛ la puubu nazupili naŋ ba yire kyeɛ.

Yel-iriwulaa Gane 2:10

Ta zoro a tuo na fo naŋ na woŋ dabeɛ̃. Gu fo meŋɛ velaa, a sebɛlbɛllɛ boɔrɔ la ka o de yɛ mine eŋ nempagdie poɔ, ka ba na toɔ̃ e yɛ nyɛ, kyɛ ka yɛ be woore poɔ beri pie. Taa yelmennoŋ te ta fo kũũ saŋ, kyɛ N na ko fo la nyɔvore nazupili.

Yel-iriwulaa Gane 3:11

A koŋ kɔɔre kyɛ ka N wa; bonna fo naŋ taa, nyɔge taa kpeɛŋaa ka neɛzaa ta wa faa a fo nazupili.

Yel-iriwulaa Gane 4:10

a nembɛrɛ lezare ne banaare maŋ le vɔgle la a soba na naŋ da zeŋ a nakogi zu kyɛ puori a soba na naŋ voorɔ tegitegilɛ. Ba maŋ vɔge la a ba nazupile biŋ a nakogi niŋesogɔ, kyɛ yiele:

Yel-iriwulaa Gane 4:4

Nakogri lezare ne anaare da biŋ gyeere la a nakogi na, ka nembɛrɛ lezare ne banaare naŋ da su kparpeɛle kyɛ vɔgle salema nazupile da zeŋ a nakogri zu.