2 Tim 2:12 - Naaŋmen Nɔpaalaa Gane

¹² ka teneŋ di kannyiri, te meŋ na laŋ ne O la di naaloŋ; ka teneŋ zagre O bare, O meŋ na zagre te la bare;

2 Tim 2:12 ပူးပေါင်းရင်းမြစ်များ

Matio Gane 10:33

kyɛ onaŋ soba zaa naŋ na zagre ma neŋyaga poɔ, N meŋ na zagre la o soba N Saa naŋ be tenvelaa poɔ niŋeŋ.”

Matio Gane 26:35

Ka Piita yeli ko O, “Ka a naŋ na e feroo ka maa ne fo laŋ kpi gba, kyɛ N koŋ zagre fo bare.” Ka a potuuribo zaa meŋ yeli a lɛ.

Matio Gane 26:75

Lɛ la ka Piita da leɛ-teɛre a Yeezu yelbiri na O naŋ da yeli, “Nɔdaa koŋ koŋ sɛre kyɛ ka fo kyiiri gbɛre bota ka fo ba baŋ ma.” Ka a Piita da yi yeŋ a te ŋma nentaŋ yaga zaa.

Marko Gane 10:33

a yele, “Yɛ nyɛ, te duoro gɛrɛ la Gyɛruzɛlɛm, ka ba na te de a Nensaala Bie eŋ a Naaŋmen bagmaalkare ane a Naaŋmen bege wulwulibo nuuriŋ, ka ba di O sɛrɛɛ a yeli ka O seŋ ne la kũũ; kyɛ ka ba pãã leɛ de O ko a Nemboore-yobo.

Marko Gane 8:38

Banaŋ zaa naŋ zoro N vi ane N yelbie vi a zenɛ noba naŋ ba zoro Naaŋmen ane yelbe-erebɛ zie, a Nensaala Bie meŋ na zo la ba vi ka O naŋ wa leɛ waana ne a O maleke sonne a O Saa veɛloŋ poɔ.”

Luka 12:9

Kyɛ soba na zaa naŋ zagre ma bare noba niŋesogɔ, N meŋ na zagre o la bare Naaŋmen malekere niŋesogɔ.

Luka 22:29

Kyɛ N ko yɛ la a naaloŋ a seŋ lɛ N saa naŋ de ko ma,

Luka 22:30

ka yɛ na di kyɛ nyu a N bondirii diibu zie a N naaloŋ poɔ, kyɛ zeŋ a naaloŋ dakogri zu a dire a Izerayɛl bale pie ne bayi na sɛrɛɛ.”

Luka 9:26

Banaŋ naŋ zoro ma ane a N yelbie vi, a Nensaala Bie meŋ na zo la ba vi, ka O naŋ wa wa a O puubu ane a Saa puubu poɔ, a de ne a maleke sonne.

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Urom 5:17

Ka a naŋ e ka neŋyeni yelbieri eebo zuiŋ la ka kũũ tu be di naaloŋ, a banaŋ naŋ de a garaase-kpoŋ ane a mennoŋ kyɔɔtaa naŋ e weɛlɛ na di la naaloŋ gaŋ a lɛ a yi a neŋyeni meŋ zie, a Yeezu Kirista.

Urom 8:17

ka tenee wa waa biiri, ka lɛ te waa la gbandiribe, a waa Naaŋmen gbandiribe, ka te ne a Kirista laŋ gbandiruŋ. Serɛzaa, ka te ne a Kirista wa laŋ woŋ tuo, te ne O na la laŋ nyɛ la puubu.

Filipai Deme Gane 1:28

ka a yɛ dɔndɔnne koŋ baŋ tɔ dabeɛ̃ eŋ yɛ sori zaa poɔ. Bana eŋ zie a ŋaa e la yelwulaa naŋ wullo ba weɛbo, kyɛ wullo yɛnee faabo. A Naaŋmen tontonne la a zaa.

1 Tim 5:8

Neɛzaa naŋ ba kaara o dɔgrebɔ zu, a gaŋ a zaa, o yideme, zagre la a yeldeebo bare kyɛ waa faa gaŋ neɛ naŋ ba sage de a Kirista yɛlɛ.

Gyud 1:4

Bonso, nenfaare mine sɔgle kpɛ la yɛ poɔ, a leɛre a te Naaŋmen garaaseɛ ka o waa nemboŋyɛlɛ, kyɛ ka ba zagre a te Neŋkpoŋ yeni yoŋ ane a te Daana Yeezu Kirista bare. Saŋ zaa ka ba da nare ba biŋ kyɛllɛ ne a saamo ŋa aŋa noba naŋ ba baŋ Naaŋmen.

Yel-iriwulaa Gane 1:6

a kyɛ e ka te waa namine boorɔ, Naaŋmen bagmaale wederebɛ, a tonɔ korɔ a O Naaŋmen ane a O Saa nyɛ puubu ane kpeɛ̃õ tegitegilɛ. Ameena.

Yel-iriwulaa Gane 1:9

Maa Gyɔɔn, a yɛ yɔɔ naŋ laŋ ne yɛ a Yeezu poɔ ka te zaa laŋ dire dɔgɛɛ, a laŋ naaloŋ, a laŋ dire kannyiri, da be la mandoba kaŋ naŋ be a mane sogɔŋ ka ba da boɔlɔ Patmɔse, a Naaŋmen yelbiri ane a Yeezu danseɛ zuiŋ.

Yel-iriwulaa Gane 2:13

“N baŋ la zie fo naŋ kpeɛrɛ, benee Setaana nakogi naŋ be. Kyɛ fo nyɔge la a N yuori taa kpeɛŋaa zaa, a da ba zagre a yeldeebo fo naŋ taa ne ma bare, haali a bebie na ba naŋ da ko a N dansedire Antepa, a onaŋ naŋ da taa yelmeŋɛ ne ma a yɛ sogɔŋ, benee Setaana naŋ kpeɛrɛ.

Yel-iriwulaa Gane 20:4

Lɛ la ka N da nyɛ nakogri, ka ba da de kpeɛ̃õ ko a banaŋ naŋ zeŋ a nakogri zu ka ba di sɛrɛɛ. N da nyɛ la a banaŋ meŋ zuri ba naŋ da kyɛ-ŋmaa seere, ba naŋ da di a Yeezu danseɛ ane a Naaŋmen yelbiri danseɛ zuiŋ. Ba da ba puori a wɛdoŋɔ bee a o teebo, a da ba de a o ŋmaaroŋ a ba gberi bee ba nuuri eŋɛ. Ba da leɛ-iri voorɔ la ka ba ne Kirista da di naaloŋ yuomo turi.

Yel-iriwulaa Gane 20:6

Banaŋ naŋ poɔ a dɛndɛŋ kũũ leɛ-iruu poɔ nyɛ la maaloo ane sonnoŋ. A kũũ boyi soba ba taa kpeɛ̃õ ba zu, kyɛ ba na e la Naaŋmen ane a Kirista bagmaale wederebɛ a laŋ ne O di naaloŋ yuomo turi.

Yel-iriwulaa Gane 3:10

Fo naŋ da sage de a N yɛlɛ taa ane kannyiri zuiŋ, N na gu fo la taa ka a dɔgɛɛ na naŋ waana a tendaa zaa ka o e a noba naŋ be a teŋɛzu nyɛ, ta pɔge fo.

Yel-iriwulaa Gane 3:21

A soba na naŋ zɔɔtoɔ̃, N na ko o la zie ka o zeŋ ne ma a N naaloŋ dakogi zu, aŋa maa meŋɛ naŋ da zɔɔtoɔ̃ a zeŋ ne a N Saa a O naaloŋ dakogi zu lɛ.

Yel-iriwulaa Gane 3:8

“N baŋ la a fo tontonne. Nyɛ, N yuo la dendɔre bare fo niŋesogɔ, ka neɛzaa kontoɔ̃ pɔge o. N baŋ ka a fo kpeɛ̃õ e la belaa lɛ kyɛ ka fo naŋ nyɔge a N yelbiri taa, a ba zagre a n yuori bare.

Yel-iriwulaa Gane 5:10

Fo eɛɛ la ka ba waa namine ane Naaŋmen bagmaale wederebɛ, a tonɔ korɔ a te Naaŋmen, kyɛ ba na di la naaloŋ a teŋɛzu.”