2 Tim 1:9 - Naaŋmen Nɔpaalaa Gane

⁹ Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

2 Tim 1:9 ပူးပေါင်းရင်းမြစ်များ

Matio Gane 1:21

O na dɔge la bidɔɔ ka fo pore O yuori ka Yeezu, bonso, O na faa la O noba a yi ne ba yelbebe poɔ.”

Luka 10:21

A gogo na poɔŋ, Yeezu da taa la popeɛloŋ a Vooroŋ Soŋ poɔ a pãã yeli, “N Saa, a sazu ne teŋɛ Daana, N puoro fo la bareka ne fo naŋ sɔgle a yɛlɛ ama a yɛndeme ane baŋnema zie, kyɛ iri a wuli bilɛɛre. Õõ, N Saa, a fo poboɔbo sereŋ la a lɛ.

Gyɔɔn 17:24

N Saa, N nɔnɔ la ka a banaŋ fo naŋ ko ma meŋ na laŋ ne ma a zie N naŋ be, ka ba na nyɛ a puubu fo naŋ ko ma, bonso, fo nɔŋ ma la sɛre kyɛ ka a tendaa wa piili.”

Gyɔɔn 17:9

A bana zuiŋ la ka N puoro. N ba puoro a tendaa noba zuiŋ, kyɛ banaŋ fo naŋ ko ma zuiŋ la ka N puoro, bonso, fõõ la so ba.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Toma 15:18

ka ba baŋna a yɛlɛ ama a yi a dakoroŋ saŋ.’

Toma 2:47

a danna Naaŋmen ka a noba zaa da nɔŋ ba yɛlɛ. Bie la bie zaa a Daana da maŋ e la ka banaŋ zaa naŋ da nyɛrɛ faabo waana poɔrɔ ba poɔ.

Urom 11:14

ka ka N e ka n meŋɛ noba nyuuri iri, ka a lɛ e ka N toɔ̃ faa ba mine.

Urom 11:29

bonso, Naaŋmen kyɔɔtaare ane O boɔlaa ba taa leɛrebaroo.

Urom 16:25

Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga,

Urom 3:20

Bonso, “nensaala zaa koŋ nyɛ mennoŋ Naaŋmen zie” a yi a tontonne a bege naŋ manne biŋ eŋɛ, bonso, a bege zie la ka yelbieri bammo maŋ yi.

Urom 9:11

Haali sɛre kyɛ ka ba wa dɔge ba, bee ka ba da wa e yelsoŋ bee yelfaa zaa, (ka ka bon naŋ so ka Naaŋmen maŋ kaa-iri noba naŋ kyɛnɛ bebe gɛrɛ,

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

1 Kor 1:18

A Kirista dagaraa zu kũũ duoro waa la damboluŋ a ko banaŋ naŋ weɛrɛ, kyɛ waa a Naaŋmen kpeɛ̃õ ko a te banaŋ naŋ nyɛ faabo.

EFESU 1:11

A Kirista poɔ meŋ la ka te leɛ gbandiribe, O naŋ da daŋ nare biŋ kyaare ne te a yi a soba na naŋ na toɔ̃ e yɛlɛ zaa a O poboɔbo poɔ, a kyaare ne O yelwuluu ane O poboɔbo,

EFESU 1:9

O vɛŋɛɛ la ka te baŋ O poboɔbo yelsɔglɔ a kyaare ne O yelboɔre O naŋ nare biŋ a Kirista eŋɛŋ.

EFESU 2:5

Haali te naŋ da waa kuuni te saanaa zuiŋ kyɛ O da eɛɛ la ka te ne a Kirista leɛ laŋ voorɔ (a garaaseɛ zuiŋ yɛ nyɛ la faabo).

EFESU 3:11

A ŋaa da eɛɛ la a seŋ a O poteɛroŋ naŋ ba taa baaroo O naŋ da tu a te Daana Kirista Yeezu zie a e.

Filipai Deme Gane 3:14

N erɛ la aneɛ a gɛrɛ niŋe ka N ta a taabo zie a nyɛ a tenvelaa kyɔɔtaare na eŋɛ Naaŋmen naŋ boɔle ma eŋ a Kirista Yeezu eŋɛ.

I Tesa 4:7

Bonso, Naaŋmen ba boɔle te eŋ yeldɛgɛ poɔ, kyɛ sonnoŋ poɔ la ka O boɔle te eŋ.

1 Tim 1:1

Maa Pɔɔl, a Naaŋmen te Faara naŋ e ka N waa a Kirista Yeezu apostolii ane a Kirista Yeezu naŋ e a te teɛretɔroo,

2 Tim 1:1

Maa Pɔɔl, a naŋ e a Naaŋmen poboɔbo ka N waa a Kirista Yeezu apostolii, a noɔre O naŋ eŋ ka O na tere la nyɔvore naŋ be a Kirista Yeezu eŋɛ zuiŋ,

TITU 1:2

a nyɔvo-babaaraa teɛretɔroo a Naaŋmen naŋ ba ŋmaara zirii naŋ da eŋ noɔre tere sɛre kyɛ ka a andonɛɛ wa piili.

Hiburu 3:1

Azuiŋ, n yɔɔmine ane n yɔɔpuuli naŋ e nensonne a poɔ a tenvelaa noba boɔlaa poɔ, yɛ nyɛ a Yeezu ka O waa apostolii ane a te yeldeebo Naaŋmen bagmaalkare neŋkpoŋ,

1 Pit 1:20

Ba da kaa-iri O la kyɛ ka a tendaa wa bebe, kyɛ pãã e ka O sãã a bebi-baare saŋ yɛ zuiŋ.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

Yel-iriwulaa Gane 13:8

ka a noba zaa naŋ be a teŋɛzu na puoro o, neɛzaa yuori ba naŋ da ba sɛge eŋ a Pilee ba naŋ da ko nyɔvore gane poɔ a yi a tendaa piiluu saŋ.

Yel-iriwulaa Gane 17:8

A wɛdoŋɔ na fo naŋ da nyɛ da bebe la, kyɛ o ba la kyebe, kyɛ o boɔrɔ la ka o yi a bogzuluŋ naŋ ba taa baaraa poɔ, a do wa kpɛ sããmo poɔ. A banaŋ naŋ be a teŋɛzu ka ba da ba sɛge ba yoe eŋ a nyɔvore gane poɔ a yi a tendaa piiluu saŋ nɔɛ na maa la ka ba naŋ wa nyɛ a wɛdoŋɔ, bonso, o da bebe la, a ba la kyebe kyɛ na leɛ wa.”