2 Tim 1:8 - Naaŋmen Nɔpaalaa Gane

⁸ A lɛ zuiŋ, ta wa zoro vi ka fo di danseɛ kyaare ne a te Daana bee maa naŋ waa a O nempɔgraa kyɛ dɛle a Naaŋmen kpeɛ̃õ a laŋ ne ma wono tuo a Ŋmen-yelnoore zuiŋ.

2 Tim 1:8 ပူးပေါင်းရင်းမြစ်များ

Marko Gane 8:38

Banaŋ zaa naŋ zoro N vi ane N yelbie vi a zenɛ noba naŋ ba zoro Naaŋmen ane yelbe-erebɛ zie, a Nensaala Bie meŋ na zo la ba vi ka O naŋ wa leɛ waana ne a O maleke sonne a O Saa veɛloŋ poɔ.”

Luka 9:26

Banaŋ naŋ zoro ma ane a N yelbie vi, a Nensaala Bie meŋ na zo la ba vi, ka O naŋ wa wa a O puubu ane a Saa puubu poɔ, a de ne a maleke sonne.

Gyɔɔn 15:27

Yɛ meŋ na di la a N danseɛ, bonso, yɛ da be la N zie a yi a piiluu saŋ.”

Gyɔɔn 19:35

(A soba na naŋ da nyɛ a yeli ŋa da di la danseɛ ka ka yɛ meŋ na sage de. A o danseɛ e la yelmeŋɛ, kyɛ ka o baŋ ka a yelmeŋɛ la ka o yele.)

Toma 5:41

Ba naŋ da wa yi a sɛrɛɛdiibu zie, ba da kyellɛ la ne ba meŋ naŋ seŋ ne ka ba di vi a Yeezu yuori eŋɛ.

Urom 1:16

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

Urom 16:25

Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga,

Urom 8:36

Aŋa ba naŋ da sɛge lɛ: “A yɛ zuiŋ, ba maŋ ko te la bebiri zaa; te waa ŋa peere ba naŋ boɔrɔ ka ba ko.”

Urom 9:33

aŋa ba naŋ da sɛge lɛ: “Yɛ nyɛ, N binne la kuuri Zaayɔn poɔ naŋ na e ka noba ŋmɛ gbɛɛ, piiri naŋ na e ka ba le, kyɛ soba na zaa naŋ sage de O yɛlɛ koŋ di vi.”

1 Kor 1:6

aŋa a Kirista danseɛ ba naŋ e ka o taa faŋ yɛ zie lɛ;

Korinti 6:7

Yelmeŋɛ yeluu poɔ ane Naaŋmen kpeɛ̃õ poɔ; a laŋ ne mennoŋ zɔɔzɔɔ-boma te naŋ taa te nuduluŋ ane nugɔɔ poɔ,

EFESU 3:1

A ŋaa la so ka maa Pɔɔl e nempɔgraa ko a Kirista Yeezu a Nemboore-yobo zuiŋ.

EFESU 3:13

Azuiŋ, N puoro la ka ka yɛ nuuri ta wa yoɔre ne a dɔgɛɛ N naŋ dire yɛ zuiŋ; a e la yɛ puubu.

EFESU 4:1

Maa naŋ waa nempɔgraa a Daana eŋɛ, sɔrɔ yɛ la ka yɛ taa a yɛ nyɔvoɛ a seŋ ne a boɔlɔ na eŋɛ ba naŋ da boɔle yɛ.

EFESU 4:17

Pampana, N dire la a yeli ŋa danseɛ, kyɛ kpaala yɛ a Daana eŋɛ: yɛ ta la erɛ yɛlɛ aŋa a Nemboore-yobo naŋ maŋ erɛ lɛ a ba teɛroŋ weere poɔ.

Filipai Deme Gane 1:7

A seŋɛɛ la ka N teɛrɛ a yɛ zaa yɛlɛ ŋaa, bonso, yɛ taa la n yɛlɛ yɛ sukyie poore, N ne yɛ zaa naŋ taa a Naaŋmen garaaseɛ zuiŋ, N naŋ da be nempagdie poɔ ane saŋ na zaa N naŋ da zɔɔrɔ a Ŋmen-yelnoore zuiŋ.

Filipai Deme Gane 3:10

N boɔrɔ la ka N baŋ a Kirista ane a O kũũ poɔ leɛ-iruu kpeɛ̃õ, kyɛ laŋ ne O di dɔgɛɛ a waa ŋa lɛ O naŋ da waa a O kũũ poɔ,

Filipai Deme Gane 4:13

N na baŋ e la yelzaa a yi a soba na naŋ korɔ ma faŋ zie.

KOLO 1:11

Ka Naaŋmen e ka yɛ e kpeɛne kyɛ taa faŋ zaa naŋ yi O puubu kpeɛ̃õ poɔ, kyɛ nare yɛ ka yɛ dire kannyiri yelzaa poɔ ne popeɛloŋ,

KOLO 1:24

Pampana, N kyellɛ la n dɔgɛɛ poɔ yɛ zuiŋ, kyɛ a n eŋgane poɔ, N baare dire la a Kirista dɔgɛɛ naŋ kyɛre, a puoruu laŋne naŋ waa a O eŋgane zuiŋ.

I Tesa 3:4

Yelmeŋɛ zaa, te naŋ da be yɛ zie, te da daŋ yeli ko yɛ la ka te na nyɛ la dɔgɛɛ; ka a da e a lɛ seŋ yɛ naŋ da baŋ.

1 Tim 2:6

a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

2 Tim 1:10

Kyɛ pampana ŋa, ba iri o la wuli te a yi a te Faara Kirista Yeezu waabo eŋɛ. Ona la da iri kũũ bare kyɛ e ka nyɔvore naŋ koŋ baŋ la kpi tu a Ŋmen-yelnoore zie sãã veɛloŋ poɔ.

2 Tim 1:12

kyɛ a ŋaa zuiŋ la ka N wono a tuo ŋa N naŋ wono. Kyɛ vi ba kpeɛrɛ ma, bonso, N baŋ la neɛ na N naŋ dɛle. N sereŋ baŋɛɛ la ka O na toɔ̃ gu la bonna N naŋ de ko O te ta a bebiri na daare.

2 Tim 1:16

Ka a Daana zo Onesiforuse yideme nembaaloŋ, bonso, gbɛɛ yaga ka o da e ka n eŋɛ maa kyɛ ba zoro a n banzɔlɔ vi.

2 Tim 2:3

Meŋ poɔ wono a tuo aŋa a Kirista Yeezu sogyɛ meŋɛ.

2 Tim 2:8

Leɛ-teɛre a Yeezu Kirista naŋ yi a Davil boorɔ poɔ ba naŋ da e ka O leɛ-iri yi a kũũ poɔ yɛlɛ; a n Ŋmen-yelnoore la a ŋa.

2 Tim 2:9

O zuiŋ la ka N wono tuo, haali ka ba da leŋ ma ne banzɔlɔ aŋa nenfaa. Kyɛ ba ba leŋ a Ŋmen-yelnoore ne banzɔlɔ.

2 Tim 4:17

Kyɛ a Daana da are ko ma la, a ko ma faŋ ka ka O na tu n zie moɔle a Ŋmen-yelnoore zaa pabo, ka a Nemboore-yobo zaa woŋ a. Lɛnso ka ba da faa ma yi a gbeŋni noɔreŋ.

2 Tim 4:5

Kyɛ fõõ eŋ, taa meŋɛ sigruu tegitegilɛ, a dire kannyiri, a tonɔ a Naaŋmen yelbiri ŋmɛyaara toma, a tonɔ a fo toma ka a baare velaa.

1 Pit 1:5

A Naaŋmen kpeɛ̃õ zuiŋ, yeldeebo gu yɛ la taa ka yɛ na nyɛ faabo ba naŋ nare biŋ ka o na wa sãã a baaraa saŋ.

1 Gyn 4:14

Te nyɛɛ la kyɛ di danseɛ ka a Saa toŋ la a O Bidɔɔ ka O wa e a andonɛɛ Faara.

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,

Yel-iriwulaa Gane 1:2

A Gyɔɔn da di la a Naaŋmen yelbiri danseɛ a Yeezu Kirista naŋ da di ane a yɛlɛ na zaa o naŋ da nyɛ danseɛ.

Yel-iriwulaa Gane 1:9

Maa Gyɔɔn, a yɛ yɔɔ naŋ laŋ ne yɛ a Yeezu poɔ ka te zaa laŋ dire dɔgɛɛ, a laŋ naaloŋ, a laŋ dire kannyiri, da be la mandoba kaŋ naŋ be a mane sogɔŋ ka ba da boɔlɔ Patmɔse, a Naaŋmen yelbiri ane a Yeezu danseɛ zuiŋ.

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.

Yel-iriwulaa Gane 19:10

Lɛ la ka N da le vɔgle muro o gbɛɛ puliŋ ka N puori o, kyɛ ka o da yeli ko ma, “A ba fere ka fo e a lɛ! N waa la fo tonton-tɔsoba a laŋ ne a fo yɔɔmine banaŋ naŋ sage de a Yeezu danseɛ. Puoro Naaŋmen! Bonso a Yeezu danseɛ la korɔ a banaŋ naŋ yele Ŋmen-yelmanneba yelyelii kpeɛ̃õ.”